سرا الليل كله لا هداوة ولا استكنان
أحس بمشاعر ما عرف كيف أترجمها
تفجّر ورا صدري مشاعر فرح وأحزان
لي شهور وأنا داخل الصدر كاتمها
عسى الله يعين تعود على الكتمان
تجي ساعةٍ ماعاد يقدر يقاومها
على الضايق أنسام الصبا فوّهة بركان
ماهز الحنين الخامد إلا نسايمها
- حزمي بن سعد
الطيبه الزايده تفتح على الشخص باب
ما ينكب الشخص غير الطيبه الزايده
سوّ الجمايل مع اللي كل ماطبت طاب
وأبعد عن اللي مزاجه لازم تصايده
و اتعب ورى المرجله والصبر خله زهاب
لا تصدق اللي يقول المرجله كايده
وان شفت مالك حضور اختار درب الغياب
أطيب لك من الحضور اللي بلا فايده
لحقني بعد فرقاك يالغايب اللي زال
خيالة يوكز جمره الوجد واحراقه
علي يشهد الله ماتشالي بعدك حال
ولا مر يوم قد حوى القلب بشراقه
ادوج الوسيعه غير عيني على المدهال
تجم الدموع وصوب مرباك تواقه
دمرها السهر والنوم منها خذاه جفال
وتمسي وتصبح من طواريك مشتاقه !
اكلت عمري بالندم والتحاسيف
وخسرت في زهرة شبابي شبابي
لا قلت صدي ياسهوم الصواديف
قالت وش اجمل من صدور المرابي
جريح والدنيا ماجت لي على الكيف
وسكرت عن بعض المشاريه بابي
العين صدت عمد والخاطر معيف
عن الظنون اللي سعت في عذابي."
ِ
ان صار بالدنيا تخاريف واوهام
مجبور اسايرها واساير وهمها
وان جتني عكس الاماني والاحلام
قلت العوض بالله وربي قسمها
ماني الوحيد الي شكى ضيم وآﻷم
كل الخلايق تشتكي من المها