د .شـليـويح

الحريص تورده للموت غلطته الوحيده .

[د .شـليـويح @shleewee7_]

وياحي من هذي دياره وذا مرباه
ذواري هبوب النود من فوقها باني

أنا يوم شفت البيت متهدمً مبناه
تذكّرت زول كان في البيت سكاني

[د .شـليـويح @shleewee7_]

@eic2e يا سلاااام

[د .شـليـويح @shleewee7_]

وقفي لين الزمان يمرّنا باربع فصوله
الثواني مستحيل انها تكون اللي بقى لي

يوم جيتي كان ياكثر الكلام اللي بقوله
ويوم رحتي ما لقيت من الكلام الا ، تعالي

يا ثمر قلبٍ وهبك اللّٰه مرابيه وميوله
انتي الدنيا واهلها كلّهم وانا لحالي

ان ذبحتيني جعل روحي فدا العين الخجوله
وأن عتقتيني جعلت الليله اعزّ الليالي

ما بعد هزّ الندم قلبي على شيٍ يطوله
لين شفت النظره المتكلمه ترثع بحالي

جعل يسقى يوم كان الوقت ينساب بسهوله
ودقة الساعه تمر اسماعنا ولا نبالي

سلّميني صوتك الممسوك انا سيّد وصوله
من متى والصمت يغلب نبرتك على وصالي

واسأليني ليه اهاب بطلّتك وانتي جفوله
وليه لا مني تباطيتك طرى لي ما طرى لي

وعلميني من عطا شمس الشتا وجهه وزوله
ومن رسم ظله على الشاطي وهو ماسك ظلالي

وجهك اللي مستعد اعيش له واموت حوله
يا كثر مافي تفاصيله وجودي وانعزالي

والعيون اللي قبل شوفك من الدنيا ملوله
صار يملاها الشغف حتى وانا اشوفك قبالي

لا تغرّك كلمةٍ مرّت على سمعك عجوله
ما بعد مرّ النسم صدري ولا جيتي ببالي

رفرفة روحي على قد تبرّا من نحوله
رفرفة طيرٍ على الغصن الهزيل من الشمالي

الحظيظ اللي لقى بعيونك النجلا قبوله
من يلومه لا زهد في الامنيات وفي الليالي

لا المحبّه طاوعتني في زعلك ولا الرجوله
غاليه يا الدمعه اللي ما تطيح الالغالي

[د .شـليـويح @shleewee7_]

وش تبين من المطر والغيم يا ضحكات خلي
من يشوفك شاف نوض البرق في عرض المخيله

زابن الصوت الرقيق .. وزابن الوجه المهلي
ماتسيّل وادي مانيب في حاجه ، ( مسيله )

وامسك ايدي لين اجي كلي معك واروح كلي
اعتبرني تايه خلاك في الدرب . . الدليله

انت لك رمش ليا منه ذبح عوّد .. يصلي
ولا انا مالي على شيءٍ ، عطاك الله حيلة

شايف في عيونك الثنتين ترحالي .. وحلي
وصامتٍ صمت الصبور اللي على جمر المليله

تشرق الشمس وتغيب الشمس وانا في محلي
اتحرى واعرف الغايه . . ولا اعرف الوسيلة

من عذلني عنك قلت الموت عنده جايز لي
وان بغى قتلي طعنت الروح لـ اجل اشفي غليله

عن قبال يسرق الالباب .. ماني بـ متخلي
ناسل روحي على متنك مثل نسل الجديلة

فدوة الطرف الكحيل وفدوة الغمازه اللي :
ضاميه من مبسمك ولا روت من سلسبيله

ان ضحكت ، تعلّم الازهار وشلون التجلّي
و ان بكيت ، تساوي النفس القويه بالذليله

من عرفك وما قضى عمره طروب ومسفهلي ؟
من لقاك وما لقى الدنيا مثل وجهك جميله ؟

ما انت بالظبي الجفول وما انت بالظبي المفلي
الظبي : ما تسجن العاشق . . ولا تخلي سبيلة

لا تعلمني على فرق الغرور من . . التغلي
العيوب اللي على غيرك عليك من الفضيلة

[د .شـليـويح @shleewee7_]

عليك الغلا مرّدود يـ الغايب الموجود
سوالفك " غابت "مير طرياك ما غابت

غيابك حضورً له بـ صدر البيوت شهود
وش الي يغيّب ضحكتك والغلا ثابت ؟

أحنّك مثل ما أحن وجهي مِن المنقود
وأعدك ليا عديت .. الأيام وش جابت !

_ مدغم أبو شيبه

[د .شـليـويح @shleewee7_]

يا صاحبي لا تباطيتك و قلبي حزين
رحت انشد الدالهين اللي عليهم تمر

يا معشر اللي على ضو القمر ساهرين
ما مرّكم عود موز . . في علوّه ثمر

الحب مثل العباده وانفس المومنين
اشرها مـا نفر . . واخيرها ما استمر

يا ليت روحي على روحك تذوب وتلين
وانا أتكون سحابه . . وأنهمر وأنهمر

وأمّر جيدك وسلسالك وأمر الثنين
اللي يمين الممر واللي يسار الممر

قطعة حلاوه على هيئة فناجيل صين
مذوبتها حرارة شوق . . مدري جمر

بقى من اللي خذيته قلب بين اصبعين
وأن قلت هاته من عيوني و تامر امر (:

وان قلتي موقعي من عالم الحسن وين ؟
بعد الثلاثين كان الله . . كتب لي عمر !

أقول مزيون واشباهك ماهي بـ أربعين
اشباهك اثنين يا أما شمس ولا قمر (:

يكفي بـ أنك ظبي ياخذ من الصقر عين
ومن الذلول العمانية . . هيام وظمَر

ومعنّقك شبر فوق متونك . . وقفلتين
ويديك منجم ذهب وشفاك حانة خمر

مدري وش اللي خذا الله منك و أعطاك زين
مالا عطا فارعات الطول . . بيض وسمر (:

ماشفت هالوردتين وشفت هالجمرتين
لهن ثلاثيـن عام . . ولا يزالنّ حَـمر

[د .شـليـويح @shleewee7_]

نخطي ويخطى علينا والخطا حاصل
وان ما عذرنا بعضنا ما تصافينا

دام الخطا ياصل أكيد العذر ياصل
وش عذرنا عند ربي لو تجافينا

أن ما فصلنا الجفا عن حده الفاصل
والله ليضحك بنا اللي ما يدانينا

- عبدالله بن هندي

[د .شـليـويح @shleewee7_]

لا خذتني غايتي وابطيت . . يا غاية مرادي
والمسافة كايده والحب باقي له شريده

احتريني والبسي لي . . كل لون الا رمادي !
الرمادي كل ما اشوفه عرفت انه مكيده

زمليـني من هواجيس . . الغياب الا أرادي
إن ذبحني طاري الفرقى وش انتي مستفيده

اعبري بي لا غدي عادي و انا ماني بـ عادي
الحريص تورده للموت . . غلطته الوحيده

[د .شـليـويح @shleewee7_]

عليك الغلا مردود يالغايب الموجود
سوالفك غابت مير طواريك ما غابت

غيابك حضورً له بصدر البيوت شهود
وش اللي يغيب ضحكتك والغلا ثابت

احنك مثل ما احن وجهي من المنقود
واعدك ليا عديت . . الايام وش جابت

[د .شـليـويح @shleewee7_]

خواطر الناس بحر . . وكل عاشق غريق
و انا غريق العيون . . اللّي عليها الكلام
ٰ
عيونك إن سلهمت للحب تفتح طريق
ما كنّها إلّا عصا موسى " عليه السلام "

[د .شـليـويح @shleewee7_]

أسوء ما يفعله الرجل هو محاولته ان يصبح جميلاً ليجذب النساء فيصبح جنساً دون ان يشعر .

د. شليويح

[د .شـليـويح @shleewee7_]

عزالله انك عن جميع الناس غير
من يوم صاحبتك وانا صاحب سمو

مدح ولا ذم ؟

[د .شـليـويح @shleewee7_]

علم الرسام لا يتعب يدينه
وعلم المرسوم ماله فيه حاجه

طاح في موقف عسى ربي يعينه
وحاول يخبي عن الناس انزعاجه

واحتقر رسماته وخبرة سنينه
وحال خوفه دون فالرسم اندماجه

رسمته للمستحيل اكبر غبينه
مثل من يصلح : تكسّار الزجاجه

مستحيل يجيب خشمه كيف عينه
ابتلش عاده يابي يرسم احجاجه

وكيف ينحت بالقلم غمازتينه
ويرسم الماء في عيونه وارتجاجه

وكيف يضبط قذلته تمسح جبينه
ولون وجهه ل انحرج عقب امتزاجه

ويوم جا المبسم بدت ترجف يدينه
وبان بالمرسوم ضحكه وانحراجه
#محمد_بن_فطيس :

[د .شـليـويح @shleewee7_]

هَلْ تَعْلَمِينَ وَرَاءَ الحُبِّ مَنْزِلَةً
تُدْنِي إِلَيْكِ فَإِنَّ الحُبَّ أَقْصَانِي.

[د .شـليـويح @shleewee7_]

اجرح ترى ما عندي لجرحك عتاب
انا عن عتاب المحبين تايب

ما هو ضروري كل جرحٍ له أسباب
يا كثر ما نِجرح بليَّا سبايب

[د .شـليـويح @shleewee7_]

ياما تعنيت له والنفس ملهوفه
ادوره بينهم ،،، لين أقعد وزانه

وأغض عنه البصر ماكني اشوفه
وأنا مجيي و مقعادي على شانه

[د .شـليـويح @shleewee7_]

ما فاز فيها الا أنت يا حزام الامان
ضميت ناسٍ ما قدرت اضمها ..

[د .شـليـويح @shleewee7_]

مع اهل الهوى مانيب طالب ولا بـ استاذ
عسى الله يجيبك فـ المقابيل ي استاذي

امانه معك .. لاتختبر .. صبري النفاذ
من اغلا قصيدي مابقى عندي الا ذي

همومي بحر واشوف قربك فريق انقاذ
اربك .. مع الايام .. بتحاول انقاذي

اكثّف هجومي والزمن يلعب استحواذ
تعوذت .. منه .. ولانفعني تعواذي

حلمت ببعير وطير وارنب وهبدة حاذ
تعالوا ي عشاق الشعر فسروا هَاذي

[د .شـليـويح @shleewee7_]

صباح الخير فانزاتي

[د .شـليـويح @shleewee7_]

أستنسخ اشباهك ولوّ مالك اشباه
واتأملك .. في ناس ما يشبهونك