Shamma🌸

أنـا شطرٍ ينكتب بـ إحساس ولا ينقال ..

[Shamma🌸 @shmeeem_h]

كم تمنيت لا من شفتك غمرتك
و أبكي على صدرك من أوجاعي

و حكي عن لوعتي لا من سهرتك
و ارخي لأجلك قلبي مع أسماعي

و فرحة عيني ي عيني بـ نظرتك
و يدّي على وجهك ! حلم واعي

أنا كسير القلب كثر ما نطرتك
و أنا ضيف الصبر من دون داعي

و أنا رهيف المشاعر يا حضرتك
ولا يازلي غيرك ولا جابلي صاعي

[Shamma🌸 @shmeeem_h]

مرت هالسنه و من الشوق تألّمت
كل ما طلت النظر و كل ما تذكرت

نظرة عيونك اللي فيها ما تكلّمت
و أبيات شعري اللي فيها ما تفكرت

أنا أحبك و أنا للاسف ما تعلّمت
إني على موعد رحيلي حبيبي تأخرت

[Shamma🌸 @shmeeem_h]

بظل أحبك لو هالسنين عجاف
معك و مدري وقتنا وش ناوي

أداري غلاك عن عذال و لقاف
و أنت تدري بقلبي وش حاوي

معك لاخر هالشعور بلا ميقاف
لو كبر شوقي في الصدر كاوي

ي بعيد عن عيوني ولا ينشاف
ورد حبي من هـ القسى ذاوي

تعال ضمني ! لو قليل رشاف
و أروي ضمأ روحٍ لك تـهاوي

[Shamma🌸 @shmeeem_h]

من مناظر عيونك عرفت الغرق
ولا ظن في روحي أمل فـ النجاه

أسهر مع طيوفك و أتجرّع الارق
و أخاطرك بـ قلبي ي مال الغناه

تعبت أحبك و أنا فـ مفرق طرق
و أداري غلاتك عن عذّال و شاه

و إنت ماغير حبك حبرٍ على ورق
ما حصدت من أيامه غير القساه

[Shamma🌸 @shmeeem_h]

أحبه وكل عام حبّه فالضماير ولازال
أتخايله شوق و أرويه بـ دموع عيني

و أداريه من العواذل لا تكثر السّال
و من جهر الغلا و حر الاشواق فيني

ليت أشوفه كل ما يطري على البال
كان المسافه ما حالت بينه و بيني !

[Shamma🌸 @shmeeem_h]

قلبي على شوفتك كد شاب
غايبٍ مده و قاتلني حنيني

تعال ضمني شوق بلا عتاب
أنا و خوفي و رعشت إيديني

ي أبعد من حدود السحاب
ناظر من الشوق دموع عيني

أنا ميّت ولهه وكلّي بك ذاب
يأجمل ما بقى لي من سنيني

[Shamma🌸 @shmeeem_h]

عيني على دمعي لا يسيل
أصارع آلام قلبي و داريها

خايفه من كبريائي لا يميل
و من روحٍ عجزت أساليها

ليت الايام في حالي تعيل
تعبت أبتسم و أنا أجاريها

و ليل حزني عيّا لا يطيل
و عيّت جروحي أراضيها

ليت الزمن يرجع و أشيل
مشاعر ما قدرت أحاكيها

[Shamma🌸 @shmeeem_h]

و أقول إني نسيت و أنهديت
ما دريت لا لمحتك فيني باقي

أقفي و أقبر شعوري كأنّه ميت
و نبضه يصارع فـ الحشا شاقي

و تظن مع الوقت إني قسيت
و أنا فـ الخفا أحارب كل عاقي

لا قفيت و لا قربت و لا لهيت
و قلبي رغم الوسيعات ضاقي

[Shamma🌸 @shmeeem_h]

تذبحني النظره و أنا لشوف مضيوم
ولا ني قادر أتامل ولاني قادر أجاهل

و صراع هالثقل ي ثقله و أنا مهيوم
أكابر و عروق قلبي من غرامه مناهل

أتعذب كل ليله و دقيقه و كل يوم
و أنا داري حاجتي ما تجي بـ ساهل

ي كم هـ الفرقى جرعتني السموم
و لاني ناكر ٍحبه ولا ني بـ جاهل ..

[Shamma🌸 @shmeeem_h]

أوعدك لو كثرٍ الأوجاع ما أخليك
أنا راضي على روحي يا روحي بألآمي

و مهما باعدوا عني لمسة إيديك
ببقى معك حتى لو كان فـ أحلامي

كثير أحبك لو ما يمديني و يمديك
يكفي إني معك عشت أجمل أيامي

راضي بأمره و أدعي الله دايم يهنيك
لو كان قلبي منوجع ولشوفتك ضامي

[Shamma🌸 @shmeeem_h]

أحبه و أحبه و لو البعد به طال
ي روض قلبي وزهر داري و فلّي

ي كم قلبي من الحب له شال
وي كم دمع من الشوق له هلّي

أغليه و فكري معه ولا عنه سال
ي سماء عيوني وشمسي وظلّي

تضيع علومي بعد كيف الحال
أنا ضايعٍ كلي و السبب خلّي !

[Shamma🌸 @shmeeem_h]

لا من زعلت فرحي معاك يفارقني
أضيع من دونك ي سيدي الجاني

من كثر حبك قلبي لرضاك يسبقني
إلى متى و أنا و قلبي فالهوى نعاني

ولا يغرك مظهري كلي ألم صدقني
و عيوني لو ناظرتها شوي بـ تقراني

كثير الشوق موجع و حيل مرهقني
ولا خيّم الليل مع دمعي مسّاني ..

[Shamma🌸 @shmeeem_h]

إشتقتلك كلك ولذيك التفاصيل
ياللي معك إحساسي لقلبك رماني

وإشتقت لطول السهر والتعاليل
وساعات تمضي معك كنها ثواني

مشتاق ! ياللي معك يقصر الليل
وصوتك الدافي يحرك أشجاني

وشوف وجهك لو لعيني قليل
يروي الروح و تزهر به وجداني

أنا أحبك ولا أقبل بك التبديل
وأنا لا من عشقت ! أكون أناني

[Shamma🌸 @shmeeem_h]

إنزل القلب و شوف و شلون أقاسي
حرمان لمسك و نظرتي لك من بعيد

و شلون ؟ دمعي على خدي يواسي
ضمى روحي و حزنها و لكن ما يفيد

و شلون ؟ أسلى عنك ي أغلى ناسي
من السهر و لوعته و شوقي العنيد

أبي أعيشك أبيك أقرب من أنفاسي
أبيك واقع و أعيشك كلك من جديد

[Shamma🌸 @shmeeem_h]

سولف عليّ لآ ضاق صدري
ناظر عيوني و بتوقف مدامعها

و إبتسم لي و معك خذ أجري
ترى روحي تزهر لا صرت معها

و لامس يدي من دون لا أدري
فرغاتها ! لجل يدك تجمعها

تكلّم بقلبك بكل حرف يطري
لجل أروي ضماي ب مسامعها

إنت الوحيد الحل لكل أمري
ي دواء روحي و أكبر مطامعها

[Shamma🌸 @shmeeem_h]

ما هو غرور لانعكس كبريائي بطلتي
إلي مثلي بزيني و فكري و منطقي

رفيعة مستوى بثقلي و بكامل حلتي
و من فارقني ! ياويل حاله مشتقي ..

[Shamma🌸 @shmeeem_h]

تجي كنك على قلبي سحابة خير
و أشوفك تضحك و يضحك معك همي ..

[Shamma🌸 @shmeeem_h]

اللهم عوضني خيراً مما فقدت وارزقني ذرية ً صالحه ..

[Shamma🌸 @shmeeem_h]

أشتقت لايامك لنظرتك لي ولكلامك ..

[Shamma🌸 @shmeeem_h]

ودي أغمض و أفتح و ألقاك عندي
و ما أشتم فالدنيا غير أنفاس عطرك

ودي بكثير أشياء و أنا واصلٍ حدي
و حِر شوقي من الوله خايفٍ لا يضرك