المعلم له مقام ومقدريه
فالشعوب اللي لها قدر وشاني
نهضة التعليم نهضه عالمية
نهضةٍ بالفكر ماهي بالمباني
للمعلم شكر واجلال وتحيه
منبع الاخلاص عنوان التفاني
إرثه إرث الانبياء بين البرية
يشتعل كالشمع فوق الشمعداني
ملهم الاجيال علم ومعنويه
قادهم بالعلم الى بر الاماني
والمعلم فـ الصفوف الاولية
يستحق انا نخصه بالمعاني
لان هو اساس تحديد الهوية
منطلق نور التعلم والبياني
اتقنوا به الحروف الابجدية
واحفظوا من جهده السبع المثاني
بصمة ابداعه لين الثانويه
رمز تذكاري على مر الزماني
#عبدالله_سحيم
السياده والقياده والزعامه
والصلابه والمهابه والمعالي
والسمو اللي بلغ ذروة سنامه
في سموه يمتثل مالا جدالي
نجد غنت وانتشت حب وكرامة
في الزعيم اللي سقى نجد الزلالي
رددت شطرٍ فخوره مستهامه
(ياليالي نجد ما مثلك ليالي )
مرحبا باللي ينومسنا كلامه
يسحر الالباب بالسحر الحلالي
منطقه بدد من الغيهب ظلامه
واشرقت رؤياه شمس بلا زوالي
شاشة التلفاز في فوكس العلامه
من أقيمت لين هذا الوقت تالي
ما ملاها الا الذي صب اهتمامه
للوطن والشعب والنهج العدالي
ذا ولي العهد عنوان الفخامه
(اشهد انه عند كل الشعب غالي)
نجد في خد الزمن للجيل شامة
يفتخر فيها الجنوبي والشمالي
الوطن حنا دروعه حن سهامه
مانبالي بالمصاعب ما نبالي
#لقاء_محمد_بن_سلمان
#عبدالله_سحيم
الرزق ماهو بس محصور فالمال
الرزق متعدد كثير المسالك
الصيت والاخلاق في كل رجال
رزقٍ من الله ، مير وسع مجالك
لصرت متريح ولا تشكي الحال
تراه ذا رزقٍ من الله جا لك
ولصرت لـ الضيفان منصى ومدهال
والي شكى ضيم الليالي عنى لك
اما قضيته حاجته وانت الآمال
والا اعتذرته وانت مرتاح بالك
ولصرت راعي دين مضرب للامثال
واصلحت حالك واصلح الله عيالك
ورطبٍ لسانك في مبيتٍ ومقيال
من ذكر ربك ، هذا هو راس مالك
هذي هي الارزاق يا طيّب الفال
دوام عليها طيّب الله فالك
المال غادِ رايحِ ما بها اجدال
قيل الطمع فالمال ساس المهالك
اما تشيله حمل والحمل ميّال
والا على امتان الكرامات شالك
انفق على المحتاج في كل الاحوال
تنفق يمينك ما لا تعلم شمالك
المال زايل عنك لو طال ما طال
لو لك فلل في دبيّ والا الزمالك
#عبدالله_سحيم
#شعراء_بلقرن
#العرضيات
حدتني الدنيا على غير ما اريد
غير الزمان ان طاع ولا نطيعه
اصارع احداث الزمن واقطع البيد
واهل الحسد مثل السباع المجيعه
لكن باسي فاللقاء باس ابو زيد
واعالج اصحاب الخدع بالخديعه
الحرب خدعه والمناهل مواريد
وراعي صنيع الطيب نحفظ صنيعه
و ارقى على رجم المعالي تراديد
رغم المواجع والضروف الفضيعه
تمشي جمال عقيل خبت وجلاميد
ما همها صيف الزمان وربيعه
هقواتنا ي اهل الهقاوي بواريد
والمجد شاره والرمي نستطيعه
الذيب جر اعواه في عالي الحيد
ما هو بضبعٍ ملتوي سد ريعه
والحر له مخلب ولا يعدم الصيد
والرزق واسع وارض ربي وسيعه
#عبدالله_سحيم
مايوفق للصلاه الا موفق
الله اللي ثبته واهدى فؤاده
لا تشفق في حياتك لا تشفق
في غلامٍ يشتكي من قل زاده
طالما ان قلبه مع ربه مرفّق
والله ان يبشر ورزقه في زياده
الشفاقة فـ المهبل والمطفق
الذي ماساق ركبه للعباده
التفق زينه على الجنب المتفق
والصلاح سلاح لـ اصحاب الرياده
والعطاء سيلٍ من الله امتدفق
للتقيَّ اللي على الله اعتماده
من يقل من صافق ايامة تصفق
علموه ان الصلاه اصل السعاده
النصايح ماهي بهرجٍ ملفق
واعرف الدنيا تبي صبر وجلاده
#عبدالله_سحيم
من يدور للمعاذير ،عن واجبك حاص
حتى لو ما عنده الا العوافي والسلام
والكفو لو كان فالساق مرمي بالرصاص
والله ان يافي بوعده ويقبل لك شمام
احدٍ يدور على ادناة ميقاف الخلاص
واحد يخلصك من هول غارات الزحام
بعضهم لو تعطي العمر له تمرة خلاص
ردها شوكة سلم في كلا عيونك قوام
وبعضهم فاللازم اثقل من جبال النماص
وبعضهم فاللازم اخف من ريش النعام
العرب ما هم سوا دون ذمٍ وانتقاص
والمواقف منصفه والذلول الها خطام
والزمن دوار لكن دوراته قصاص
النقا مردود والطيب للطيّب حزام
صح ما حنا بوقت ابن طلحة وابن عاص
لكن الدنيا لازالت على احسن ما يرام
#عبدالله_سحيم
لو عطى وجه بامواله عروض التجاره
كان خلى الذهب والماس من كل ضفه
يعطى لشوف ضيفانه وربعه بشارة
جعل يفداه من رحب وروحة ب كفه ♥️
جدي محمد بن ردعان في مشهد عجز تجسيده صناع دراما الضيوف 😉
#سلطان_سعيد_حزمي
اخترنا لكم قصيدتين من أجمل حفلات الزمن الجميل -قبل ٣٨ سنة تقريباً-بقرية الحرجة بلقرن والمحاورة رباعية ، عايض بن خفير وسالم بن عزيز " رحمه الله" مشكّلين ثنائي ضد بن ثايب وبن قبّاس. وكانت الحفلة فيها تحدّي حتى بين المزّيفين والزّواعة ، طبعاً الحفلة كاملة موجودة في اليوتيوب .
هذا لهيب القيض ما يرحم الحي
العيس تبرك من لهيبه وصاليه
عاد القماري يوم تبحث عن الفي
ممكن لهيب القيض فالجو يشويه
يا اهل العدود اللي بها يدفق المي
حطوا سبيلٍ كل عطشان يرويه
خير (اصدقه) فالماء ويا مرهي الري
في كل كبدٍ رطبه اجرٍ تلاقيه
عبدالله بن سحيم