،،

هين ولين.. عسر وصعيب

[،، @shqax]

ركعة الوتر
تطلب فيها من الله ما تُريد
قد تُصبِحُ غدًا وتحقّق لك ما أردت
وان لم تكُن مُصليًا فكُن مُستغفرًا
﴿ والمُسْتَغْفِرينَ بالأسْحَار ﴾

[،، @shqax]

ما يشلع الخاطر و يثير الشعوف
الا ثواني عشتها عمر على قلّها
ياشين قل التواصل وكثر الظروف
وياحلو سرد السوالف دقّها وجلّها
قلبي في رجى نظره وضحكة هنوف
والتفاتة مرحبا ولبيه في حلّها
تهون الكايده لو ترجّى للصدوف
الي تصب اسباب الصدف وتزلّها
يغض جفن عيني عن وجه الرعوف
الي ترضى بقسم الحياه و تملّها
وشلون نفوسنا عن حبايبها تعوف
وشلون سيوف الهجر عليهم نسلّها
عسى قلوبٍ ذبحها الجفا تروف
وعسى الراحله تاصل دارها ومحلّها
ليا ضاع شوف عيني وصار قلبي يشوف
اقول الكلام الي يرضي الناس ذي كلّها.

[،، @shqax]

اليا انتهى فصلٍ من ضمن الفصول
وش حيلة الي في غيابك ما سلا
التفنن والابداع والطرف الخجول
قد ملاك ربي من الزين قد ملا
لو طال الزمن مصير بالي يطول
اما نورّدها على مشتهانا وإما فلا
معاد ادري ويش اخلي وويش اقول
مير انك جمعتي الملح مع الحلا.

[،، @shqax]

ياعذاب عينٍ ما يفارقها السهر
تشوف عيونك في السما مدوّنه

القمر.. ما يزين إلا بنصّ الشهر
وانتِ زينك مكتمل طول السّنه

[،، @shqax]

قابل اتعس ايامك بالوجه الفكاهي
ما يحل التعاسه طبعك الحساس
شعور القناعه ترا ماله مضاهي
لو خلّف وراه شعور هم وياس
والله ان احتياجي لك بالحيل راهي
يا حاجتي لاباس عليك لاباس
كنت في عد نجوم السما لاهي
اثر القمر حلا هالكون من الاساس.

[،، @shqax]

ماتعودت اردد الا ياليت وياليت
لو تختلف المواقف ويضيع عدّي
وعلى كثر ما امرّك ما قد جيت
وعلى كثر ما اشتقت باح سدّي
وجودك والله انه اعظم الي لقيت
معرفتك حسّنت سمعة الناس عندي.

[،، @shqax]

الليله مثل امسها خاطري ضايق
ما كن النجوم غارقه في بحرها
حتى بين الجماعه والجو رايق
غيمة حزن تصب علي بـ مطرها
كنها تفاصيل مخلوق بين الخلايق
الليله عسى الله يعين الي سهرها.

[،، @shqax]

ما جت الايام على كيف من تمناها
من بغى كسبها راح يتبع هوا شفّها
كل امنيه تَحْمل تفاصيل حبي معاها
مثل البحور الي رسى قلبي على ضفّها
وانا رفضت اشوف وش تخفي وراها
لاني كل ما بغيت حاجه صار عكْسَها.

[،، @shqax]

صبر المبتلى للناس اكبر مثال
ما يميل يوم دنياه قامت تميل
الامور الثقيله ما يحلها الاتكال
ماتبي الي يكرر كلمة مستحيل
وصف الله ثلاث امو�� بالجمال
الصبر والهجر والصفح الجميل.

[،، @shqax]

بين الغياب وبين الشوق تسري أفكاري
وانا غريبٍ يطالع ضيا هاك المدينه..

[،، @shqax]

لقيت بحزة الليل سكون الظلام
تضيع ساعات مسامره على الفاضي
معاد ابي من الدنيا غير السلام
ابسط اسباب السعاده انا معها راضي
كثر معك التفكير وقل معك الكلام
وانا من الثنتين قد صرت متقاضي
الوقت معاد يلحقه لا شرهه ولا ملام
كل صبح اطوي معه صفحة من الماضي…

[،، @shqax]

يالمكان القديم ليه اختفوا زوارك
انا هنا في انتظارهم كان الله احياني
عقب سنين الحصانه تكسرت اسوارك
وخابرٍ مقصدك كله على شانها وشاني
برد معك الكلام .. وكثرت اعذارك
اضحكني ليلك احيان، واحيان بكّاني.