سعد خميس البوصي الشمري .

[سعد خميس البوصي الشمري . @sici3l]

رضيت بالله ربًّا
وبالاسلام ديناً
وبمحمد صلى الله عليه وسلم رسولاً ونبياً

[نجم جزاع الاسلمي @nagim_2005]

ماهو خطاك انك تكبر علينا
هذا خطانا فوق حجمك عطيناك

حنا على طيب التعامل ربينا
والطيب مايصلح لمثلك وشرواك

#نجم_الاسلمي

[سعد خميس البوصي الشمري . @sici3l]

مقدام بيته دايم مشرع الروق
ونجرٍ ينادي لتعاليل هيا

الله حسيبه من وقف بيننا عوق
حيثن ولد عمه نشب لي هنيا

٢ / ٢

شاعرها والدي خميس صلفيق الشمري
عام ١٤١٣

[سعد خميس البوصي الشمري . @sici3l]

يامنيف انا لي عشقةٍ منزله فوق
بين النجوم وحول نجم الثريا

لا شجعت ماجد ولا شافت صفوق
ولا يطربه لعب الهريفي بشيا

ماهي مع اللي تاخذ الرقم بالسوق
ولا غازلوها في طريق العليا

معشوقتي قضت حياته مع النوق
بنت الذي رحب بضيفه وحيا

١ / ٢

[غازي مطلق الشمري @hambf04]

#شعر
#رفحاء
بيض الله وجهك ابا فارس
الشاعر خميس صلفيق الشمري على هذه الابيات الجزلة التي لامست القلوب وعبرت بصدق عن مكانة الوالد رحمه الله
كلمات وفاء لا تستغرب من شاعر مبدع صح لسانك وهذا ليس بغريب على شاعر يحمل هذا الحس والوفاء .

[تركـي بَن شمـر ☪︎. @a_fi42]

يقول خميس الصلفيق الشمري:
يامنيـف أنا لي عشقة منزله فـوق
فوق السحـاب وحول نجــم الثريا

بنت الذي قضى حيـاته مع النوق
ونجــره ينادي للمشــاكـــيل هيــــا

ماهي من اللي ياخذ الرقم بالسوق
ولا غازلوها في طريق العليّا

ماشجعت ماجد ولا شافت صفوق
ولا يعجبه لعب الهريفي بشيا.

[عمر سعود الرخيص @omar299]

يا منيف انا لي عشقةٍ منزله فوق
فوق النجوم وحول نجم الثريا
ماشجعت ماجد ولا شافت صفوق
ولاهمها لعب الهريفي بشيا

( خميس صلفيق الوبيري )

[سعد خميس البوصي الشمري . @sici3l]

@vol7g خمسين شيخٍ في يمينه نحرهم
وخلا ذيابه نجد بالحرب طليان

من يقصد الشاعر ؟

[سعد خميس البوصي الشمري . @sici3l]

#SaudiArabia

[سعد خميس البوصي الشمري . @sici3l]

وجدي على ظامر السرجوف
اللي مثل حلوة البايح
يا وضحنن حدرت لصيوف
لأرض ٍ عليها المطر طايح
ترعى هيت. ماعليها خوف
بين السناعيس و الصايح

[أبو موضي @ArabianQ8]

"ما بين اطيع وبين اخشّم وما اطيع
شمسي بدت باول نهاره تليّل
شر الموايد يوم قمنا مشابيع
على شرف دمعة عجوزن وعيّل
ضحية الوضع الردي ذي مواضيع
خلتني انحل فلسفة والتخيّل
يا هم قلبي والعيون المداميع
من وين ما حايلتها ما تحيّل"

[سعد خميس البوصي الشمري . @sici3l]

لابار عزم الشجاع وطاح حيل الضعيف
ماشفت فينا قليل المعرفه .. والعزم
فينا الولد ! .. مستحيل إنه يعود رديف
لاضاق باله يجيك " بنشوة المحتزم "
المعركه عندنا سجّه وموطن و ريف
ويعود الطايش .. من أمجادنا ملتزم
لو نقضي أيامنا في حربه وحد سيف
مانقبل نعيش دور : الطايح المنهزم

[سعد خميس البوصي الشمري . @sici3l]

رضيت بالله ربًّا وبالاسلام ديناً وبمحمد صلى الله عليه وسلم رسولاً ونبياً

[سعد خميس البوصي الشمري . @sici3l]

يالراحل اللي عقبك الصدر جيّاش
ما جيت لحظه فـ الخيال ونكرتك

وشلون بنسى عطفك اللي معي عاش
وانا لا مات اللي ما اعرفه ذكرتك

[سعد خميس البوصي الشمري . @sici3l]

" حتى لو انك عارف الرد وشلون
قادر ومرهي من جميع النواحي

لاتخسر الصاحي على شان مجنون
تجاهل المجنون لعيون صاحي "

[سعد خميس البوصي الشمري . @sici3l]

تختلي به سود الافكار .. و تبيّح خفاه
تاركه فـ الحلق عبرة و فـ الكبد لهَدَه

الحزين يشوف في بسمته ، سترة نجاه
لو ورا البسمه من الحزن قومة و قعده

من كثر ما هزّه الماضي اللي ، ما نساه
" ودّه إنه ما يفكر . . فـ بكرة و بعده "

[سعد خميس البوصي الشمري . @sici3l]

والله ان لي شهر ماني بطيب
مونس خلف الضلوع العوج حرّه

اتعاضى واتغيشم واتسيّب
واتظاهر بالامور المستقرّه

من نشدني من بعيد ومن قريّب
قلت مافيه اطيب من الحال مره

واظهر الهيبه على العالم واغيّب
ضيقة حطت لها فالصدر جرّه

اشهد ان ضيق الصدر ملعون صيّب
ياكل ايام العمر والعمر مرّه

[محمد ابن هرشان @mas_f16]

قدمك الجوّ حلّق يا شهير الجناح
لا تهاب العلا دام العلا منزلك !

والله انّي ملقبك الخوي و السلاح
يوم توّك صغير و عزوتك تجهلك

يوم كنت المضرّى للطرب والمزاح
و من ضحك لك تعدّه واحدٍ من هلك

اوّلك : تحسب ان الدرب قدمك متاح ؟
أنا للحين مدري كيف مرّ آولك !

الليالي محطّه و الجواز الكفاح
كمّ مطنوخ صمّل -دون راي- و سلك

نذر لا تارد عدود الروى و القراح
لين تضمن رغد عيشك و مستقبلك

صاحبك من هل الطنيه لا صاح الصياح
شال همّك و شيّد بـ السماء مدهلك

وجهي ابيض و لو انّ الليالي شحاح
ما تدور المبادي لو يدور الفلك

كلّ ما طال دربٍ عتمته ما تزاح
التوافيق نور الدرب لا من حلَك

يسعف الحظّ راع المرجله و الصلاح
مثل ما تسعف الحنكه جناب الملك

[سعد خميس البوصي الشمري . @sici3l]

قضيت لحظات حلوه في مخيّلتي
مايقدر الواقع التافه — يوفّرها

[معكاز شعر @M3kkaz]

ضحيت بالواقع على شان الاحلام
وضحيت بالغالي على شان غالي

حتى الغرام اللي كسر قلبي العام
ماني بحاله كان ماهو بحالي

ماينحسب عمر البنادم بالاعوام
بعض السنين نعيش فيها ليالي

وجه التشابه بين قلبك والايام
القلب خالي والليالي خوالي .