Siciid jama

[Mohamed Yusuf Bakayle @MoBakayle]

Madaxweyne Cirro ayaa la kulmay Guddoomiyihii hore ee Guddiga Cunaqabataynta Iiraan ee dawladda Israel, iminkana ah Agaasimaha Guud ee Machadka Siyaasadda Dadka Yuhuudda.

Washington: Madaxweyne Cirro iyo Dr. Shuki Friedman, Agaasimaha Guud ee Machadka Siyaasadda Dadka Yuhuudda (JPPI), oo ah xarun cilmi-baadhis iyo talo-bixin-siyaasadeed oo fadhigeedu yahay Quddus, ayaa ku kulmay shirka MEAD ee ka dhacay Washington, dalka Maraykanka.

Dr. Friedman waa aqoonyahan ku takhasusay sharciga, waxaanu bare ka yahay Kulliyadda Sharciga ee Peres Academic Center. Waxa uu hore uga soo shaqeeyay Xafiiska Ra’iisalwasaaraha Israa||L, isagoo madax ka ahaa qaybta sharciga caalamiga ah.

Waxa kale oo uu soo noqday Guddoomiyaha Guddiga Cunaqabataynta Iran iyo Xoghayaha Guddiga qiimaynta miisaaniyadda difaaca.

Waa khabiir aqoon durugsan u leh sharciga caalamiga ah, sharciga Islaamka, arrimaha amniga, xidhiidhka diinta iyo dawladda iyo ololaha BDS.