الغفيلي ؛

[الغفيلي ؛ @siif89]

عندما ياتي يوم وياتيكم خبر وفاتي اتمنى ان لا تنسوني من دعائكم فانتم املي بعد الله❤

[الغفيلي ؛ @siif89]

ياصاحبي محد (ن ) من التسذب معصوم
وانا بفضل الله صايم مصلي

دقت علي يابو نايف حروه النوم
ساعه سمعت الصوت فزيت كلي

اطيح واجلس واخذ شوي واقوم
تلت معاليدزي من اقصاه تلي

قالت من انت قلت انا انسان مدعوم
قالت وش انت قلت ضابط مضلي

متنى عليه التاج مع قطعه نجوم
والقاع مليانه غنيمي وبلّي

وعلى المزارع كله شبوك وعقوم
وبعض الاراضي قلت خله تولي

شيخ ولد شيخ مقدر ومحشوم
كلن يقول اقوم واجلس محلي

وعندي ثلاث طيور من ال مكتوم
وخمسة طيور جاتني من حولي

وكل الدول له في جوازاتي ختوم
وفي كل عام يجدده سايقً لي

وسيارتي رنج مجنط ومكتوم
وحي العليا كلبوها فلل لي

هذا بكوم وكومه الارصده كوم
الراجحي لولا رصيدي مولي

وفوق الحلال الزين واجد ومنضوم
وجه بشوش وخاطر مسفهلي

فيصل احس اخطيت واغويت مريوم
كل السوالف تسذب والتسذب كلي

ماتدري اني جندي اول بمرسوم
من الملك توه لفى منحتن لي

والبنك يلهط راتبي ياملا اللوم
والرنج مامن رنج ماغير هلي

ياصاحبي عطني من علومك علوم
تكفى طلبتك تساني اخطيت قلي

[الغفيلي ؛ @siif89]

طال ليل وزاد شوق وحن قلب ومر طاري
وخاطب الليل القصيد اللي متعبني نذيره

منعزل والعاشق يبين على وجهه مواري
شوقه يدك الضلوع ويكشف الي فالسريره

هيبت قلب جسور وزودت فيه العزاري
ماقواها لو معه باس على جيوش كثيره

مبتدا حرب المحبه تشبه لذات الصواري
بالجيوش وبالدروع وبالسلاح وبالذخيره

[الغفيلي ؛ @siif89]

يا حي الديار اللي . . ليا جيتها سجيت
ونسيت البلاد وزحمة الناس والصجه :)

[الغفيلي ؛ @siif89]

اعاتبك مرة على شان تقدير
عنواني يمكن ماوضح من كتابي

واعاتبك مرة كاسلوب تحذير
اما اعتدل ولا خصيمك غيابي

والثالثة لو توقع النفس وتطير
لي عزة تفرض عليّه صوابي

اللي يحب رضاه برضاه بيصير
الا الكرامه جرحها من عذابي

[الغفيلي ؛ @siif89]

يابنت انا من هوى الخفرات متهيب
النفس طابت ورب الكون مغنيني

الناس واجد وغيري فالعرب طيب
وانا من الزين عندي من ملا عيني

[الغفيلي ؛ @siif89]

نعطي ليا قفت ونعطي ليا جت
ماعندنا في الحالتين اختلافي

نحب مدخال البيوت الرفيعات
ونحب تأتينا كبار الملافي

ثقال ونحب العلوم الثقيلات
وعن غيرها لا والله الا عيافي

[الغفيلي ؛ @siif89]

أنا في رجا الله لو ماتنصفني الأقدار
أوّقف وانا متسامي وخاطري راضي

تهون الحياة من وين ماشفت لطف البار
لو يروح حلمي من يدي عشت متغاضي

تمنيت شيء .. وقَدّر الله شيء وصار
يعيض الله اللي راح حلمه على الفاضي

[الغفيلي ؛ @siif89]

يكفي اني ما لحقتك بنقصان
وحتى الخطا منك قبلته وعذرته

وعلى كثر ماصابني منك خذلان
الا ان قلبك بالجفا ما كسرته

حاولت اداري خاطرك قدر الامكان
ويا للأسف طيبي جحدته ونكرته

[الغفيلي ؛ @siif89]

الكثير والكثير من:"جعل العوض في مقبلات الليالي / ويالله عسى اللي يشرح البال .. نلقاه"

[الغفيلي ؛ @siif89]

هَل الليالي التي وَلّتْ تَعودُ لنا؟
وهَل يَعودُ لنا الماضي الذي عَبَرَ؟
أيَّامَ لا الشَّوْقُ بالنيرانِ يَحْرقُنا
ولا الحَنينُ يَهيجُ الوَجْدَ والذِّكَرَ

[الغفيلي ؛ @siif89]

يا سعود ياللي كل شاعر يناديك
يشكي عليك من الظروف العظيمه

هو انت شيخ ونعتزي كلنا فيك
او لك حكايه بالسنين القديمه

والا خوي دنيا ولك عين ترجيك
والا حروفك بالبحر مستقيمه

ياسعود رد الصوت ياسعود وشفيك
عبّر قصايدنا يا مال الغنيمه .

[الغفيلي ؛ @siif89]

ياناشدن عني تراني حدا اثنين
اما جليس كرام , ولا خلاوي .

[الغفيلي ؛ @siif89]

جيتني جيّه عظيمة تشبه لـ جيّة نصيحة
ردّت المذنب عن النار وعن ذنوبٍ كبائر .

[الغفيلي ؛ @siif89]

يالمور خذ خانت الخامس من اليمنى
تحتر تبرد ترى الاخلاق خربانه

والله لتبطي وحنا ماتفاهمنا
مدام " ميقوع " ماعقبت قلبانه

[الغفيلي ؛ @siif89]

على كثر ما فكر بوجهك قبل ما انام
رسمتك بعقلي دون لوحه ولا ريشه

نهض قلبي بحبك مثل نهضه الاسلام
بجيه صلاح الدين الايوبي و جيشه

[الغفيلي ؛ @siif89]

الغياب اخر طريقً من حدود السلام
وكل شي يهون ..الا غياااابه مشكله

انتهى عمرً من الحب .. ماحوله كلام
ماله اسم الا اني اقول اجمل مرحله

حتى لو اني تجرعتّ هجره قبل عام
والله ان القلب بيته .. وباقي يدهله

واصلً لـ اخر مراحل من حدود الهيام
اللهم ان كان هذا سحر يالله ابطله

[الغفيلي ؛ @siif89]

والناس تتزاحم على شرب الأنهار
وأنا مكفيني عن الناس بيري

ويوم الطيور تهاجر وتقطع أبحار
أنا مبرقع داخل الصدر طيري

ماني لكل مضيّع دياره ديار
وماهو ضروري كلٍ يذوق خيري

أنا فدا اللي ينتظرني على نار
إن غبت عنّه مايعوّضه غيري

[الغفيلي ؛ @siif89]

✋🏻