-

[- @sin2rl]

عن ضجيج الناس والمجتمع جاني جفال
كن ما ذولا بـ ناسي ولا ذي بـ بلدي
ㅤ
الهروب احيان نوع من انواع النضال
لاوطت رجلك طريق الضياع السرمدي
ㅤ
جيت محتاجك وفيني كلامٍ ما يقال
اتعزز وارفع الصوت وامشي و اعدي
ㅤ
حطني في وجه حضنك من صدوف الليال
تايهٍ لا اخطيت من ضمتك وين آغدي

-سعود مبارك

[- @sin2rl]

يامرحبا يا حفيدة ناقلين السيوف
يا ذخر من ترتع البل في ذرى سيفها

يوم المعارك ودقّلات السرايا تطوف
ترعى الخطر بالمشوّك في رها ريفها

أنتِ هوى البال يا منوة بعاد الشفوف
يا بنت قومٍ على العليا مشاريفها

عيطًا تخطرف ليا منها مشت ما تشوف
تقول: ما خذتن الدنيا على كيفها

[- @sin2rl]

البال صوبك وحولك وحواليك
وأقضي نهاري بين ذكراك وطاريك

يا كثر ما أخفي شعورٍ بداخلي
وألقى قلبي كل يومٍ يناديك

وإن غبت عن عيني يمرّني طيفك
ويصير كل الكون يذكّرني فيك

[- @sin2rl]

فارقه بين ربات الحسن و الجمال
مبسمك طوق النجاه و عينك التهلكه

من أبسط حقوقك تشوفين نفسك لحال
ما حولك الا ملامح ناس مستهلكه
- عبد الرحمن بن جزا

[- @sin2rl]

عسى الايام السعيده داااااااييييمه
وعسى الافراح عن ايامنا ماتغيب❤️

[- @sin2rl]

اغلى منك مالقيت ولا ودي القى
عز الله انك غايه القلب واحب ناسي

[- @sin2rl]

1/10/2026
يا عساهـا تكثر الأفـراح و الليـالي المِـلاح 🤍..

[- @sin2rl]

مواري غلاك تبين في وجه من يغليك
ليا مر طيفك في خياله . . بانت الضحكه

[- @sin2rl]

اضيق والقى ضحكتي في محيّاك
واتعب واحصل راحتي بين اياديك

الله يخليك ويديمك ويرعاك
« والله يلوم اللي يلومني فيك »

[- @sin2rl]

1448/4/18❤️..

[- @sin2rl]

من غلاك من العرب قمت أتهيب
وانا من قومٍ يسوون الجنادع

غير قدام اتدانا و اتغيب
طالبك و اذخر عليك من المخادع

لا توادعني وانا مانيب بطيب
خلني لين اتعافى .. و انتوادع

[- @sin2rl]

حَارت دموعي في عيُوني وصديت
وأرمشَت مابيها تبين وطاحت !

[- @sin2rl]

محدٍ على الدنيا ينافس غلاتك
تتعب جميع الناس مايوصلونك

العين لأجلك ما تراعي سواتك
والقلب يحرم بالهوى ما يخونك

[- @sin2rl]

البارحه يوم اغلب الناس هجاد
لقيت نفسي في صراع أنحيادي

مابين عقلً يكره الحب بـ اجهاد
وبين قلبً طاح وسط الغيادي

العقل ينصح قلب احبابه بعاد
والقلب عيا لا يطيع المرادي

يانفس نامي لا يصيبك توجاد
الي نبيه يانفس راح ونساني.

[- @sin2rl]

تقسى الطبوع اللي من أول ليّنه
وش عاد يبقى لا بدت تقسى الطبوع

وجه الوصال اللي تعبت أزيّنه
أصعب علي أحيان من كسر الضلوع

خل الكلام مغلظه وحنيّنه
راح الكلام ولا بعد جات الدموع

الخوف من ليلة وداعٍ هيّنه
عقب الوداع الهيّن نعاف الرجوع

[- @sin2rl]

وين أغديّ ؟
يوم كل مداهيل الأرض وفساحتها
ضيقه على قلبٍ بحجم الكف

[- @sin2rl]

لا تفكر فيه غيرك قد ينال إعجابي
كم وكم من رمش يغمز لي ولا ناظرته

ما بذا عشق بدوي هذا غرام أعرابي
كل يوم يزود لين أموت ما عيّرته

القصايد والشعور وقلبي العزابي
والجوارح ممتلكها والعقل حيّرته

انت بنكٍ للغرام وصرت فيك مرابي
كل ما أربح ربح لحساب الغلا جيّرته

[- @sin2rl]

ما يسعد النفس غير مشاهد الغالي
ولا السواليف ناخذها و نعطيها

ربيـع قلبي وشفي و أكبر آمالي
لاماه فرحه وقلبي طايرٍ فيها

إن طاب يومه يطيب و ينعدل حالي
و إن ضاق نفسي تعذب من طواريها

لا فيه قبله ولا غيره شغل بالي
وش يسعِد النفس غير إقبال غاليها

[- @sin2rl]

لا يهمك لا عذول ولا حسودي
هد روعك يا حبيبي لا تطير

أنت حبك كنه الحكم السعودي
« ثبته عبدالعزيز ولا تغير »❤️

[- @sin2rl]

لو الغَلا ينشَاف شافًوك وسَط عيني
ما بين رمش العين —— لك منزلٍ عـالي