شطر

" الشجاعه عز والموت مامنه نجاة ".

[شطر @sl505a]

لا غبت عنكم وفي ترابي توفيت
استروا عيوبي و ادعوا لي بالثبات

تذكروا الصحبة لو اني قد اخطيت
وانسوا خطاي واذكروا حلو الصفات .

[شطر @sl505a]

- ضيدان بن قضعان -
هو لقى له قلب عقبي له ذرى
او غدى مثلي من الفرقا وحيد

[شطر @sl505a]

خطفني غرام اللي على شارعه مريت
غزال تحت هيبة قوانين . . موطنّـا

تجيه القلوب اللي تشابه حصا حليت
وترجع وهي خضراء مثل روضة مهنّـا

هذا عادي اليا طحت عنده ولا سميت
مطيح يخلي كل من طاح يتهنّـا ❣️

[شطر @sl505a]

ياما قطعت الطريق الموحش لحالي
في حزّةً تذبح الساعه عقاربها

مايرخص العمر غير اللي فقد غالي
ومازاد روس الدهاه إلا تجاربها

يمناي يمناي لا عمي ولا خالي
يوم المصايب تفتلي شواربها .

[شطر @sl505a]

فاقدك والكون بغيابك كئيب
لا أحد قبلك ولا بعدك أحد

عفت خلق الله من بعيد وقريب
وأعتزلت الناس بعدك للأبد

كل واحد صار بعيوني غريب
ما فقدتك كن فاقد لي بلد

كان همي في حياتي لا تغيب
الحياة بدون ضحكاتك نكد

ماني أول شخص فاقد له حبيب
بس بغيابك أنا أكثر من فقد

[شطر @sl505a]

أحدٍ تسوقه للمراجل عزومه
وأحدٍ عن دروب المراجل مغلط

واحدٍ تباشر لابته في قدومه
وإحدٍ على زلات ربعه مسلط

كم منصبٍ عالي وراعيه بومه
لاتنصدم بالناس حزمة جحلط

اللي مايقضي لـ ابن عمه لزومه
وشهوله بصدر المجالس يقلط .

[شطر @sl505a]

اذا ضقت خلوني لحالي مع التفكير
لحد يتصل فيني ليا ضقت خلوني

تشوفوني ان زانت حياتي وصرت بخير وعد حر مير الحين مابي تشوفوني

هروبي من الواقع مايحتاج للتبرير
من الضيق صرت احب احول تليفوني

اذا اللّٰه كتب لي خير والله لاعيش بخير وان مت من كثر المعاناة بيحوني

[شطر @sl505a]

مشغلني التفكير في بعض الأمور تجمعت في وقت واحد كلها

محتاج لي مخرج و منفذ للعبور
للشجره .. اللي تحتويني ظلها

صبرت فـ الدنيا و أنا ماني صبور
شيبت من كثر الهموم و حملها

احلام في عقلي و في راسي تدور
بس النهاية ماقدرت اوصل لها

[شطر @sl505a]

النصيحة :
سولف وحاول ماتكثر سوالفك
الهرج مفتاح الصدور المقافيل

أما يحطك في مكانن يشرفك
ولايحطك مضحكه للرياجيل

القريحة :
ماني مغنّي كلما غنوا الناس
بعض القصايد بنت عم الفضيحة

اما تجيني فكرةٍ تقعد الراس
والا استريح و تستريح القريحة.

[شطر @sl505a]

البارحه كني على صالي النار
بغى يطير القلب لولا ضلوعي

ما يذبح الرجال يا كود الأفكار
لا قامت تلاحيه من كل نوعي

عزالله اني من عنا الوقت محتار
خطرً على عيني تهل الدموعي

وانا لي مع اهل المواقيف مقدار
عيب علي اطيح عقب الطلوعي

[شطر @sl505a]

البارحه يوم كلن نام يانايف
أخوك مهو بلا نايم ولا واعي

يحوف قلبه من همومه ميه حايف
من غير هم قديم بين الاضلاعي

هم يزعزع جبال طويق والطايف
مخفيه لي مدة مع باقي أوجاعي

[شطر @sl505a]

ياوجدي اليا طرفت شمس العصير
واقبل دجى الليل وطرالي ما طرى

وودعت ضوح النور الاول والاخير
وامسيت متضايق ولا احدً بي درى

وسرتني همومن رحاها تستدير
ونامت عباد اللّٰه وانا ليلي سرى

[شطر @sl505a]

اخطيت في حقك وانا كلي احساس
والادمي ما يمنعه عن خطاها

يا غايتي يا نادرة بين هالناس
عيني بعد زعلك تكدر سماها

العذر جاك وساقه الود نوماس
لارضى عيونك يا بعد من غلاها

سامحي حبيبٍ صابه الهم والياس
نفسه عقب صدك تزايد شقاها

[شطر @sl505a]

انا البارحه ليلي سرا الاعب المسباح
مع هاجسي لين انقطع خيط مسباحي
ㅤ
بعد مانفضت المسبحه للخرز طياح
من الهاجس الي يودع السد ينباحي
ㅤ
همومي بحور وتغرق الماهر السباح
ويغرق بها من كان ماهر وسباحي

[شطر @sl505a]

كنّا انا وياك والثالث الليل
و يضيع كل الليل بيني وبينك

حنّا تعودنا على بعضنا حيل
هذا انا والليَل بس انت وينك ؟

[شطر @sl505a]

لا باس يالجوف الكتوم وسلامات
فيك اسرفت كف الجروح الكريمه

‌واللي يشوف الوجه والابتسامات
ما يدري ان الصدر مسرح جريمه

[شطر @sl505a]

من كثر ما ليلة وداعك طويله
ما طاحت دموعي انا طحت كلي

يا ليت جرحي طير و أخلي سبيله
لكني أجهل وش يكون التخلي

كل شيء أبلقى في حياتي بديله
إلا انت و ليل العتب و التغلي

و أيامنا اللي بالمحبه طويله
والله ما كانت فراغ و تسلّي .

[شطر @sl505a]

لا تلومني لاجيت كلي من اقصاي
مافية غيرك لا تضايقت جيته

جيتك ولا غيرك ذكرته بمسراي
جيتك وكل انسان غيرك نسيته

جيتك وانا ماني بـ أنا تايه الراي
جيتك وانا مدري وش اللي بغيته

جيتك وقلبي دقته تسبق خطاي
جيتك اقول مفارقك ما قويته

[شطر @sl505a]

ماينجح الا من ظروفه تربيه
يقسى عليه الوقت لين يتربا

يحمي له الميسم زمانه ويكويه
وان جظ من هذي لذيك يتنبى

واكبر نجاحه معرفة حق واليه
لاوحى منادي الحق كبر ولبى

والي ركن لضل مستأمنٍ فيه
ماهوب دايم في ضلاله مخبا

يبي يجيه ايام تبحث خوافيه
اما يقال : ونعـم .. ولا يهبـا

[شطر @sl505a]

عسى لا نخونا ربعنا ، فالنهار الشين
نجي عند هقوة ربعنا يوم تنخانا

وعسى الموقف اللي فيه الرجال تبين
نشرف عليه بموقفٍ يطلق لحانا

سلفنا شيوخٍ تروي السيف ابو حدين
تعرف العرب ممشا سلفنا وممشانا

نعد الصحيح وخيرة ربوعنا الـغالين
ليا ضاق واحدهم يجينا ويلقانا .