S.

[S. @sl6a43]

الناس منهم مخاوف وانت منك الآمان
تشبه شعور السكينة و انشراح الصدر

بين الشهور الطويلة مثل شهر رمضان
وبين الليال الفضيلة مثل ليلة قدر

[S. @sl6a43]

تقول ياليت مال الناس عندك شفوف
و اقول احبك ، و غيرك جعلهم في حريق

شعوري اللي بدونك بين وحشه و خوف
شعور شايب توحش في عزا آخر صديق

[S. @sl6a43]

وشلون ابنسى ذكرياتٍ لها صوت ؟
يا اول مصير وصار ماهو مصيري

ماعاد عندي حل غير انك تموت
ولا جحيمٍ لي ، و جنة لـ غيري

[S. @sl6a43]

من سهر عينيّ أنا روحي بخطر
مَا هناا جفني منامه له شهٌور .

[S. @sl6a43]

ريح ملايكتك ولاتكلف جهدك
والله لا قبلك ولا بعدك ولا

ماعندي أحلى من شهدك إلا شهدك
ولا عندي أغلى من غلاك ولا غلا

[S. @sl6a43]

انت عزيزٍ بس انا طير حوران
اصد عن دربٍ يجي بالهواني

لاصار ماني في حياتك بسلطان
لاترجي المرباع وسط المواني .

[S. @sl6a43]

اخترت صعب يستحق الشقى به
ما للسهل في بحر الأمجاد مرسى

[S. @sl6a43]

كنت أتمنى أقضي العمر وياك
و نعيش طول الوقت يدّك بـ يدّي

و كنت بـ رُغم طيشك و كثرة خطاياك
أحبِك بـ ضحكي . . أحبِك بـ جدّي

و كنت أتحدى فيك ذولا و ذولاك
و يا لـ الأسف ما كنت قد التحدي

حدّيتني على الفراق بـ سواياك
ولّا أنا . . والله ما كان ودّي .

[S. @sl6a43]

جيتك و عندي حاجه بين أياديك
و المشكله تقدر عليها و قصرت

بشّر اللي متلفت لك يناديك
قله تركته لخاطرك ماتأخرت

صدقني انها غلطتي يوم أداريك
ولا أنت لولا غلطتي كان ماصرت

كبرتك بعين البعيد و حواليك
أبيك تكبر و المصيبه تكبرت

حاولت أغير فيك من كثر ما أغليك
قدرت لكنك عليّا تغيرت ..

[S. @sl6a43]

أترك لي شيئًا يشعرني أنك مهتم لأمري
إشارة أغيظ بها الأيام التي تحاول إقناعي بعكس ذلك .

[S. @sl6a43]

أنا اذكر تعاهدنا و دعيت أنت وقلت امين
عسى حبنا بـ اعلى المراقيب منزلته

انا وانت ما ننسى بعض دامنا حيين
هذا عهدنا ولا انت ناسي و بدلته ؟

عموماً انا ما قلت هذا عشان تلين
نصيبي حصل لو كان ما بيه حصلته

فمان الكريم و جعل ربي بعدك يعين
فداك الخطا كله من آخره لـ أولته

[S. @sl6a43]

بلحظة حزني الشديد حسيت إني :
أنا تايه ما أدل إلا دربك .. أجي؟

لكن جتني لحظة إدارك كالتالي
"ودي اجيك بس جرحك ردّني"

[S. @sl6a43]

تفكيرك بشخص تحبه، ونفذت كل محاولاتك بأن يرجع وتحافظ عليه؟ تمسك بأول كلمة وابتعد، ذلك الطف بكثير عليك .

[S. @sl6a43]

يا طيب حظي كان انا حلم دنياك
ياللي تقول اني امانك وخوفك

تحبني ادري حكالي محياك
رعشة ايدينك وارتباكة حروفك

اشيل همك دوم كني انا اياك
صارت ظروفك مو ظروفك ظروفي

....... .
(ادفن خوفك فيني، أنا امانك للابَد )

[S. @sl6a43]

يوجد شخص فحياتك لاتجري
عليه قوانينك مع بقية الأشخاص
يزعل منك ترضيه
يغيب عنك تنتظره
يعُود بلا عذر تعذره

بالمناسبة أنت تفكر به الآن

[S. @sl6a43]

"والله ماشوف المخاليق كون بنص عين
وأنت لا مريت .. لدّيت عيني كاملة".

........ قالت ليه عطيتهم النص عين ؟.

[S. @sl6a43]

لا اتمنى تأتي فكرة، التخلّي عنه ..

[S. @sl6a43]

- هو شخص واحد
مازلت اتمكن أراه من ورا صدري .

[S. @sl6a43]

من متى كانت إجابتنا على قد السؤال
من متى كانت سوالفنا سوالف بارده ؟

من متى كلمة أحبك شهر كامل ما تقال
تكسر جناحي من عنادك وأنا اللي فارده

للأسف كنت الفراق أشوفه أقرب للخيال
صرت أشوفه واقعي جداً وفكره وارده

[S. @sl6a43]

انا يوم انتحي عنك و أصد بـ عزتي و اشوم
ابكسر حاجز عنادك مادام انك تحداني
ٰ
كبير اطيح من عينك ولااصغر في عيني يوم
انا ماني على كيفك تدورني و تلقاني .