فاقد محله ما دمنا على الارض حيين
ومشتاق لزوله اللي كل ما بغيته قبالي
ما انساه لو تساوى بقبره تحت طين
ياعين اللي من شوف الفقد تعانين
فاقد صوت اللي على القلب غالي
ياكم من الشوق والوجد تمنيين
شوف اللي ماغابت صورته في بالي
ياكبر فقدك يوم غبت وغاب نورك
كن الزمن من عقب فرقاك مادار
باقي اثر صوتك بقلبي وبالاماكن
وباقي طيفك في عيوني له اخبار
ادعي لك الرحمن في كل ليله
عسى لك الفردوس في واسع الدار
واصبر على حكم الزمن والمقادير
ما كل جرح يلتئم لو له اعذار
رغم الشقاء ورغم التعب والمعانات
وطول السنين وغيبتك ما نسيتك
يالي مكانك داخل القلب ما مات
عقب البطى ماكني الا بديتك
نعم بكيتك مره وعشر مرات
وهاللحين لامني ذكرتك بكيتك
غزاني الحزن وفرحي بالصدر مرهون
على يومٍ بعد ماعشته جتني شجوني
انا يمه بغيبتك مانيب صاحي ولا مجنون
على كثر ماجتني يايمه حمول تتعب المتون
مثل حمل نعشك مافيه حمل اتعب متوني