مجمج

آه يا جود الحزن وياي والفرحه شحوح

[مجمج @sl7r_]

سامح الله ظني يوم ظنيت انك غير .

[مجمج @sl7r_]

@im_m17 الله

[مجمج @sl7r_]

القمر لو شافك أتشوفه وتحته تمر
هوّ لازم يبهرك وأنت لازم تبهره

عاد ويش يفك دهشه قمر قابل قمر ؟
كل وأحد يحسب انّه مقابل منظره

[مجمج @sl7r_]

"لا شال همّه شال همّه لحاله / واذا فرح .. وزَّع على اللي حواليه"

[مجمج @sl7r_]

"يا الله
لا تاه الكلام وضاقت رحابي
سخَّر لي إنسان
يدعي لي مع الجمعة"

[مجمج @sl7r_]

جعل الليّالي تداري خَاطر الطيبّ .

[مجمج @sl7r_]

إن كان عندي هم «أكبر همّي»
فرحة أهلي لو تنشرى بأحزاني

أستودعك ربّي .. أبوي و أمي
و أستودعك ربي جميع أخواني

[مجمج @sl7r_]

ما مات صبري ولا مل الامل من رجاه
ياحظ .. ابي صدفه اتعين الصبر والجلد .

[مجمج @sl7r_]

تعذبني التفاصيل الدقيقة .. وتستفزّ قواي
وأفسِّر كل حاجة مالها مقصد ومقصوده

انا موجعني اني رغم حدِّة نبرتي وقْساي
اصد وعبرتي تبطي وهي فالحلق معقوده

[مجمج @sl7r_]

"عساي أرجع لنفسي ... نفسي الأولى" عسى.

[مجمج @sl7r_]

« خلوني اخذ راحتي وارتاح من ضيق الخناق
محتاج لي سجه تعيد الراحه المستبعده »

[مجمج @sl7r_]

شعار هالأيام « صابرٍ وأتصبّر »

[مجمج @sl7r_]

«من كثر ماضاقت من أحبابي عيوني
ماعاد شفت الطريق اللي يوديني

شريت ببكاي ضحكتهم وبكوني
الا أحرقوا دم قلبي في شراييني

صديت عنهم ورحت أمشي على هوني
وأن جيت أدورهم الله لا يحييني»

[مجمج @sl7r_]

يَ كبد ، من صرف الزمان مجاره
راعيش ماتطفي الصعايب ضوّه .

[قصايد @hnoof_x]

صرت اقلل كلامي عن كثير الكلام
ما ابغي الناس تاخذني بشكاتها

كل ما اسمع هروجٍ نصها مايسام
قلت مالي ورا العالم ونياتها

لين بعدت عنهم لأجل كثر الملام
ومعتزل جمعة اصحابي وجلساتها

وانا والله حزام لمن بغاني حزام
والنشاما ما اجي من دون هقواتها .

[مجمج @sl7r_]

«قلب الهواوي ما يفزّ ..إلا على طِريا وليف»
_مساعد الرَّشيدي

[مجمج @sl7r_]

«يامرحبا بالشتاء لاهب نسناسه
وسج القدم مع فجوجٍ تبهج الخاطر

واهل الرعايا تلوب الدار عساسه
في شف ذيدانهم لاملّت الفاطر»

[مجمج @sl7r_]

مرحبّا يا خيّرة الوقت
- يا مساء الربُوع -
لايق الترحيب لاجيت
«يا أغلى من يجي ولا نزيده»❣️

[مجمج @sl7r_]

بين صدفه جابها العمر و وداعٍ بـ أختياري
ما عرف قلبي يطيع الواقع أو يرضي ضميره

كنت اظن إن مرّت الأيام بـ يجف أنتظاري
ما هقيت إن الأمل يستمطر إليا جفّ بيره

كيف صارت وحشة الغربه تغنّي في دياري
ذبلت أنوار الشوارع و انطفت شبه الجزيره

[مجمج @sl7r_]

«من عطاه الله محبة في القلوب
أشهد أن الله معطيه الكثير

جعلني لا جيت للناس محبوب
وجعلني لا غبت مذكور بالخير»

[مجمج @sl7r_]

« غرو بدوٍ يقضي المصيّاف برا »
🌷