سلطان بن راشد

متذوق للشعر... كن جهولاً ولا تكن جاهلاً

[سلطان بن راشد @slt9_]

اللهم أرحم أمي برحمتك التي وسعت كل شيء

[سلطان بن راشد @slt9_]

من ضميرٍ ما أخلفت سود الليالي في نظامه
يوم مهزوز المبادي يخلف أفكاره نديمه

كم عثا فينا الزمان وطاش من جرف العدامه
وأستباح أحلامنا لكن مبادينا سليمه

ولا عطيناه المذله لجل يعطينا السلامه
أن غدت ريمه وش العبره بملك شداد ريمه..

[سلطان بن راشد @slt9_]

جادلٍ تلعب مثل لعب الحشاشه
لو توسّد يدك ما كنها تنسّم

من كثر مافي ملامحها بشاشه
لا بغت تبكي قبل تبكي تبسّم..

[سلطان بن راشد @slt9_]

شعور السكينة في حضورك شعور البار
ليا (مازح أمه) وضحكت له بعد ضيقه..

[سلطان بن راشد @slt9_]

اليا عسرك الحـظ والوضـع محتاس
هذي مقادير الله اللي فرضها

ولاضاقت الدنيا مثل ضيق الانفاس
اقدار ربي ماحدً يعترضها

مصايب الايـام تبـغي قـوي باس
ماهمته سود الليال ومرضها

ماعـاد تنفـع قولـه النـاس للنـاس
الناس تال الوقت تاكل بعضها..

[سلطان بن راشد @slt9_]

لولا التوكل على الله والرجاء والعزوم
يمدي الليالي توطتنا وهي ماشيه..

[سلطان بن راشد @slt9_]

من عف كف ومن تألم تعلم
ومن عاش بالواقع ماتغريه الاحلام

مايندم الساكت كثر من تكلم
ولايامن العاقل صواديف الايام..

[سلطان بن راشد @slt9_]

عسى نفسي اللي بين الأحلام و الغايات
ما تفقد شعور الكلمة اللي تحفّزها

على كثر ما مرت علينا من العثرات
يا كثر الظروف اللي عبرنا حواجزها..

[سلطان بن راشد @slt9_]

لا أعتراض لحكمة الله ولا اذم القدر
توها عيني تبصر وصارت صافية

الله أكبر يا عيوني حرمتيني النظر
أثر شوف أمي كذيا يجيب العافية..

[سلطان بن راشد @slt9_]

حانت الفرصة ولكن ما انتهزت الفرصة
جيت أباغنمها وعيّت شيمتي وأخلاقي..

[سلطان بن راشد @slt9_]

عفى الله عن كلامٍ في حنايا الصدر ماينقال
تركته لـ الزمن لو هو ثقيل و جمرته حيّه

وعفى الله عن همومٍ ما تخلي مستريح البال
يعيش أيام عمره في صفا ذهن و صفا نيّه

وعفى الله عن هواجيسٍ توقف بي على الاطلال
تعيد الذكريات اللي مع الأيام منسيّه..

[سلطان بن راشد @slt9_]

ماعاد تغريني الدنيا مع أنها متاع
تقول لي هيت لك وأقول مالك لوى

مدري من الوعي ولا كثرة الاطلاع
زيادة الوعي تثّر في سليم القوى

قسّاني الوقت لين اصبحت قاسي طباع
وأنا من أوّل يحركني نسيم الهوى..

[سلطان بن راشد @slt9_]

في سلم الاحباب عادي كل حاجه تصير
يعني طبيعي تشوف المنتصر منهزم..

[سلطان بن راشد @slt9_]

تعذبني مقولة كلّ شيٍ بالزمن ملحوق
يا ذكي اللي غسل يده من الملحوق يا ذكيه..

[سلطان بن راشد @slt9_]

واقسم لي الخير والخيره وعقلٍ رشيد
واغفر لي اللي مضى من العمر واللي بقى..

[سلطان بن راشد @slt9_]

عندي على كل إحتمالاتي عتاب
كل إحتمال فْـ حينه وغير حينه

الشمس لو تاخذ من المشرق غْياب
محال تاخذ لهفتي ياسمينة

قريب ليت الحلم يفتح لك الباب
بعيد ليت الدرب يندى جبينه

مثل النهر تتخلّل إيِدي وتنساب
وتقِلّ بي وتصبّ فـ أبعد مدينة..

[سلطان بن راشد @slt9_]

مثل ما تفضح عيون السوالف نظرة المحتار
فضح دمعتك يـ ضحك المكابر صوت ابو نوره..

[سلطان بن راشد @slt9_]

تدانى لك معَ باب الولع و الشوق قلب و بال
و حنّت لك مواريف الشجر و الغصن و الكدري

لا تستسهل مطيحي لا تثنى عودك ولا مال
و أنا رجال ما فوقي حدٍ غيري ولا حدري..

[سلطان بن راشد @slt9_]

أعيشك حلم و أحيابك طواري عابرة و وصال
و أموت بكل كلمة من شفاهك و أنت ما تدري

أخذ وجهي مناديلٍ تْداري دمعك الهمال
وَلا تْكذب لسان الوقت لا علّمْك عن ندري

عليك الروح يشعفها مسيلٍ من سرابك سال
و يوقف دونها خوفي و مشروهي على قدري

[سلطان بن راشد @slt9_]

أنتي أمان الفؤاد اللي من الغربة
يهيم بالفكر من وادي إلى وادي

لو أن دونك سيوف وبندق وحربه
جات الطعون بـ حَشاه وجالك مفادي

واليوم صرتي أماني قلبه ودربه
اللي يسوق القدم صوبه بلا إرادي..

[سلطان بن راشد @slt9_]

إيه بالله ورا صدري هموم ووراه علوم
تخلّي حَمام الدَوْح يَسْجَع على أَغْصانه..