sltan

[معكاز شعر @M3kkaz]

ياصبر الارض اللي تضم الرياجيل
نمشي عليها والنشاما تحتها 

ياما غدا في بطنها من حلاحيل
صحايفٍ شهب الليالي طوتها .

[معكاز شعر @M3kkaz]

كان المعزه عندكم يوم واسبوع
ثم تنتهي مع دورة الوقت واتضيع

حنه المعزه عندنا راس مرفوع
لامن شرينا شخص مانقدر انبيع .

[معكاز شعر @M3kkaz]

الرابح اللي بقلبه دايم الطاعه ،
اول ماينشد اذا سافر عن القبله .

[معكاز شعر @M3kkaz]

طق يا مطر وانزل على الأرض رحمه
واشرح صدور اللي عن الذنب تابوا
ٰ
ويارب .. مع كل دعوه .. وكل كلمه
تسقي ( قبور ) اللي عن العين غابوا .

[معكاز شعر @M3kkaz]

علاج الكبود اللي من الناس والمجلاس
لها فترةٍ من تالي الوقت مندبله

وساع الفجوج وشبة النار والنسناس
وخوة مطاليقٍ سواليفهم قبله .

[معكاز شعر @M3kkaz]

الجو زان " وزانت نفوس الاوادم معاه "
ياخاطري ما اظن لـ الضيقه محلن تجيه

من كثر مانفسي رضيّه صرت احب الحياه
واللي مزعلني " على هالجو راضي عليه "

[sltan @slt_on2]

@M3kkaz يروح مراح الي قفته السوافي
غيره كثير الناس مايمجدونه

[معكاز شعر @M3kkaz]

« يــا مرحبا ترحـيبةٍ كلهــا تراب »
في وجه من عاداك والا انت محشوم .

[معكاز شعر @M3kkaz]

طردٍ ورى الي فات مايغني الحي 
اعـرف مسافـات الحـيـاه القصيره
ٰ
لا عـاد تندم فـي حياتك علـى شي 
مـاراح راح وجعل في الامر خيره .

[معكاز شعر @M3kkaz]

رافــق خويً بـ المراجل يخاويك
لا شاف زلاتك عن الناس غطاك .

[‏᷂عسر٨٨ @Qhta10ni]

خلوه سارح مع طواريه وانسوه
يسترجع اللي فات من ذكرياته

يمكن تذكّر من توفو وخلوه
والا تذكّر ضحكة اصغربناته

والا يهوجس بأطيب اثنين جابوه
والا يفكر بعمر مضى من حياته

[معكاز شعر @M3kkaz]

اساير الوقت وظروفي تجي عكسي 
ودي أعيش العمر مرتاح ومحايد 
ٰ 
محتاج اضبط علاقاتي مع نفسي 
احدها لـ الرخا و تعانق الكايد .

[معكاز شعر @M3kkaz]

روسٍ خلقها الله لنوم المخده ،، 
وروسٍ خلقها الله ليوم العزاوي .

[معكاز شعر @M3kkaz]

تذكرت ابوي ولا تذكرت مثله شي
ولا ألوم عيني كل ماسال مدمعها

تموت الرجال وذكرها الحي يبقى حي
وتموت الرخوم وذكرها يندفن معها .

[معكاز شعر @M3kkaz]

يوم ابوي اختار في منسب خوالي
ماخذا الا بنت عودٍ ما يهدد

جيت للدنيا كذا والراس عالي
شِيخة الجدين والمنسب مردد .

[محمد بن صفنان @zn3O5]

على المرحبا والبن الاشقر وريح الهيل
وبصدورنا يقلط لنا .. قبل مجلسنا

انا والله اني شفقٍ لشوفته بالحيل
هذا والله اللي كل ما جاء .. ينومسنا

#محمد_بن_صفنان

[معكاز شعر @M3kkaz]

لعل من يسعى ورا رفعة الراس
ربي يحقق بالحياه امنياته

ولعل من يسعى ورا آذيّة الناس
صكات بقعى تشغله في حياته .

[معكاز شعر @M3kkaz]

على رفْقة الطيّب يسير الزمن قدّام
أماري بطيبه و أرفع الرّاس و أردّد
ٰ
سلامي على اللي ما تنكّر مع الأيّام
غلاه و نباه و موقف الطّيب متجدّد .

[معكاز شعر @M3kkaz]

ليت العمر وقّف على ذيك الازمان
« وليت الطفولة ما عطتنا ظهرها » .

[معكاز شعر @M3kkaz]

اقسم قسم بالله يابعض الاقراب
يا قربهم كنّه على الكبد عاله

واقسم قسم بالله يابعض الاجناب
تحرجك من زود الكرم والجماله .