سليمان السمحان

[سليمان السمحان @sm7nn]

فمان الله يا وجه ٍ " تغطى بالثرى " و إرتاح
عسى هالروح في أعلى جنان الخلد مسرورة

[سليمان السمحان @sm7nn]

مؤمن بِـ أن العمر ينقص ليّا زاد
ولليوم مالي بزحمة الناس شلّه

أنا الكثير اللِي ملى وجيه الأجواد
وحيد لأن .. اشباهي الحين قلّه

[سليمان السمحان @sm7nn]

﴿وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُل رَّبِّ ارْحَمْهُمَا كَمَا رَبَّيَانِي صَغِيرًا﴾

[سليمان السمحان @sm7nn]

أمي المعنى الحقيقي للسلام
أمي القمره في كل ليل اسهره

من كسبت أمي علي بالحرام
ما يهم الي في عمري اخسره

[سليمان السمحان @sm7nn]

هددوني بذيبً بالجبل والذيب فتاك
ثم جيته وروضته وصار الذيب جني

وازعجوني بتاريخ البطل هذا وهذاك
وأثر ماعندهم وأبطالهم غير الهبني

[سليمان السمحان @sm7nn]

كل عام وانتم عايدين وفايزين
وارزاقكم وافراحكم متزايده

الله يعيده عند كل المسلمين
ويغفر لقلبٍ ماقدرنا نعايده .

[سليمان السمحان @sm7nn]

الناس واجد واقرب الناس مني
رجلٍ يبادلني الغلا والحشيمة

شخصٍ ادور له عذر لا عزمني
وشخصٍ اجيه بلا اتصال وعزيمة .

[سليمان السمحان @sm7nn]

إن قصروا فيك .. سدينا ولا يهمك
وإن جو على هقوتك حنا انتعداها .

[سليمان السمحان @sm7nn]

تغانموا لـ رمضان الأجر من بدري
وتسابقوا لـ المساجد واحيوا السنّه

العمر زوّال « والانسان ما يدري »
يروح لـ النار ، ولاّ يروح لـ الجنّه .

[سليمان السمحان @sm7nn]

يالله رجيتك اكفنا شر الاقدار
وحقق لنا اللي ماتطوله يدينا

واسألك غفرانك وعتقك من النار
واكتب لنا الجنه مع والدينا .

[سليمان السمحان @sm7nn]

يارب لا منّك طويت ، السجلات
و أمرت روحي في موادع جِسـدها

خذها وأنا ساجد بـ أحدَ الصلوات
وقد تبّت توبة صادقه ، ما بعـدها

[سليمان السمحان @sm7nn]

في مثل هذا اليوم اصبحت بفاجعة رحيلك من على الدنيا ،ها قد اكملت فقيدتي عامها الثالث تحت الثرى ، رحلتي الى رباً كريماً غفوراً رحيم، اللهم ارحم عزيزة القلب والروح واجمعني بها في جناتك اللهم ارحم جدتي عائشه❤️

[سليمان السمحان @sm7nn]

ان كانها بالفخر جينا نقول ونطول
يثنا علينا السلام الي عليه السلام

ياللي جمعتو الكلام الي عليه الفعول
حنا جمعنا الفعول اللي عليها الكلام

[سليمان السمحان @sm7nn]

فقدنا وجيهٍ شوفها للمريض علاج
عسى الله يجمعنا بهم يوم غفرانه ".

[سليمان السمحان @sm7nn]

الناس متفاوته بـ الطبع و السـاس
ناسٍ بلا حشمة .. وناس مْعروفـه

من يحترمنا على العين وعلى الراس
ومن شاف نفسه علينا .. ما نشوفه

[سليمان السمحان @sm7nn]

ماوصلت ابوي في طيبه وقوة باسه
بس انا من قو باس ابوي يقوى باسي

ودي اني حايشن الطيب وارفع راسه
بس حاش الطيب كله قبل يخلق راسي

[سليمان السمحان @sm7nn]

بيض اللّٰه وجه من وفا بالعهد كفّى
حرٍّنذر نفسه مع الطيب وافي

إن جا نهارك ما حسبها ولا خفّى
الطيب فعله والسماحـة سنافي

[سليمان السمحان @sm7nn]

اطربي يانفس وعيشي وسوي ماتبين
مايزيد العمر مدح العباد وذمها

لاكسبتي طاعه الله وبر الوالدين
خلي وساع الحناجر تموت بهمها

[سليمان السمحان @sm7nn]

ابشرك متعافين ولا علينا خلاف
نرد السلام وننطح الي يناطحنا

يوم أن الضعوف تطيح بساعه الميقاف
لك الحمد ياربي وقفنا ولا طحنا

[سليمان السمحان @sm7nn]

أن جاء ، نحطه بين طيّات الأهداب
وان صدّ ما عشنا العمر في إنتظاره

[سليمان السمحان @sm7nn]

اللهم امي و ابي في كل عام ❤️