نجّم✨

استبيحي حرم عوج الحنايا وتيهي.!

[نجّم✨ @sm_f29]

جعلني في ستر ربي شاكر ومتحمد
والله لولا خشيته ما اخلي ولا ابقي

[نجّم✨ @sm_f29]

هات ياليل الطواري وش تبي يتجدد
واقربي يا وحشة الليل العتيم ودقي

ما جعلني كل ما انوي لي قرار اتردد
سبة احلامٌ تروح وكلها من حقي

السلاح وكلمة اللي بالخطا متعمد
يا تصيب القلب ولا تقتل المتلقي

وش يفيد اللي ضميره ف الزمن متجمد
لو كوته النار كمل يطلب المتبقي

[نجّم✨ @sm_f29]

وصلت لآخر مرحله معك ، وبديت من الصفر
ولازلت اكررها ولا مليت من تكريرها

لا تزعل الدنيا ولا تزعلك .. يالظبي العفر
إن كان ما جازت لك الدنيا ، ندوّر غيرها

[نجّم✨ @sm_f29]

وجيه العابرين تمرّني .. ما تلفت الأنظار
مدامك لافت أنظار القصيد و لافت أنظاري

أنا كل اللي أعرفه .. أحبك حُب بـ استمرار
وأشوفك راحة أيامي و أشوفك أجمل أقداري

وغريب الدار في حبّك ما عاد انّه غريب الدار
خذا حلو السنين و جاك لا بايع ولا شاري .

[نجّم✨ @sm_f29]

انيقة الذايقه واللبس والكلمه
جميلة الشكل ذات المنسب الراقي

يامبتغى كل حرف ومنتهى حِلْمه
يالورده اللي عليها يحرص الساقي

مالوم من ضاع بك مهما بلغ عِلْمه
ومالوم من قال حسنك لخبط اوراقي .

[نجّم✨ @sm_f29]

مع شايبٍ يزهى مقامه من التقدير
ياهون الصعاب اللي تذلّل علشانه

عساني معه في الشدّه اللي لها تاثير
ادمث من جنابه عند جاره وضيفانه

ابرّه وانا ممنون واحسّ بالتقصير
تفانيت ماجازيت فضله ولا احسانه

رضى الوالدين اهمّ والزم من ارضا الغير
هم اللي رضاهم من رضى الله سبحانه

-

[نجّم✨ @sm_f29]

تزبّر في ضلوع الصدر وأبرَق
وقاد السيل لأرض اللي يحبّه

يا عنْك إن القصيد الزين يفرق
مثل فرق المديح من المسبّة

يابو وجهٍ جميل وعودٍ أطرق
أنا كنت أعرفك والا مشبّه

أنا أحب البحر واللون الأزرق
وأحب أغرق وأحب اللي تحبه

عليك من السلام النور لا أشرق
نهارٍ مفرق حجاجك مصبّه

[نجّم✨ @sm_f29]

تبينها من جد؟ ولا من خيال؟
ملامحك ملح الحياة ولونها

خلّي عيون الطير وعيون الغزال
عيونك أجمل من جمال عيونها"

[نجّم✨ @sm_f29]

وشلون أجيك وجسمي مْن التعب فاض
وتكسر فـ خاطر جيّتي ماتداري

وأنا ليا حط المرض فيني أعراض
زهمت وجهك مازهمت الطواري

[نجّم✨ @sm_f29]

ياوجه القمر جعلك فدا وجهها المملوح
لو انك تشعشع ما تجي ..مثل غرتها

تميّز عليك بـ عينها اللي تخطف الروح
و سیفٍ توهجر سلته فوق ..جمرتها

و تميّز عليك بـ ليلها الأدهم المطروح
لا قامت تكفكف مخمله فوق هامتها

تماوج وراه و بان ضوح الضحى بوضوح
سنا خدها بعثر ..غياهيب ..ليلتها

[نجّم✨ @sm_f29]

يا صباح الخير يا منتهى السحر المباح
يا نعيماً في حياتي قطوفه دانيه

تصبح الدنيا وأهلها على شمس الصباح
وأنت شوفك صبح ثاني وشمسً ثانيه .

[نجّم✨ @sm_f29]

« جعلني من حبّك السرمدي ما عاد افوق
خل عاد المنطق الزين — والوجه البهيي »

—

[نجّم✨ @sm_f29]

أنا وكيل الزلّه المدموحه
اللي يمشيها - غلا راعيها -

ضحكة ثمانك لو تكلّف روحه
يحطها في يدك و يخليها

والله و رب عيونك المملوحه
- اني لا أزعلها و لا أبكيها

[نجّم✨ @sm_f29]

أنت كنك بارد النسناس في عز الرطوبه
تبتسم وتندّي الأزهار وتهب الذواري :)

[نجّم✨ @sm_f29]

طلت محيا العيوف . . إللي غلاها عفيف
فيها : الكبر و الغيا و الغطرسه و الحلا

ما بين سحر المفاتن و الضمير النظيف
وشلون . . ما أقول تفرق عن جميع الملا

العود ماله شبه . . و الوجه ماله وصيف
جمالها ؟ . . يستحق " التضحيه و الولا .

[نجّم✨ @sm_f29]

يامرحبا والعيون . . بـ شوفتك قرت
من يوم غيبتْك واشواقي على ماهي

اقول . . نورت ولا . . جيتك . . سرّت ؟
قلبً عشق وجنتك مع طرفك الساهي

اللطف من الغيمه البيضا الى درت
واحلا من السكر اللي باخر الشاهي

ابسط وصايف غزال الريم لا مرت
تلّهي . . المنتبه وتنبه . . اللاهي !

[نجّم✨ @sm_f29]

أذخريني لـ المقادير و عجاف السنين
و الظروف اللي هبوب الزمان تهبها

و أطلبي مني و ألبي وش اللي تطلبين
لو تبين . . أزل روحي غلا و أصبها

[نجّم✨ @sm_f29]

شلون بسمح من وصالك و وجهك سموح
يا إللي على باقي الترفات متعالية

إن رحتي أروح في دربك أجل وين أروح
مكانتي غاليه و أنتي بعد غالية

ماهو بـ عيب أعتبر جرحك مثابة طموح
العيب لو منك سنين العمر خالية

لو تنشديني وش اللي جازلك فـ الجروح
جروحك الأوله و جروحك التالية

[نجّم✨ @sm_f29]

عقبك تنازلت عن آخر دقيقة شباب
وزبنت رب العباد بشيبي ...وزلتي

لعلي اعتاض في بُعدك دعاء...مستجاب
ولا انت باموت وانا خابرك... علتي

[نجّم✨ @sm_f29]

يعيش الحب ويعيش الوله ويموت كل فراق
لنـا الله .. ما أنتـهينا يـالغرام وحـبّنـا باقـي

صباح الخير من قلبٍ لحوح وخافقٍ مشتاق
أنا مع كل صبح أقوم .. وأعبّـر عن أشـواقي .