سعيد البريدي

شاعر المفضله له

[سعيد البريدي @smalmri]

الى حزت ولزتّ وجاء فـ الامور امور
ولا عاد فيها ضحك وهروج وميانه

انا ما ني بقايل سلامات يا مشهور
ياكم طاغي قبلك لعب فيه طغيانه

ترى يوسف الي لحقْه من الليالي جور
هذا هو نبي فالبير ضحوّ به اخوانه

لونك تحسب الشعر في بيتكم محكور
هاذي والله الي مالها عندنا .. خانه

الى صار مابه لا قبولً ولا جمهور
ولا جبّت لك دره ؟ ولا جبت لك دانه ؟

محاضيبك قريّب ولا تستمع لـ الشور
عيونك تشوف الصح والناس غلطانه

حشمنا المسامع من ركاكه وزيف شعور
كتبنا ما يزهى قول : عان الشعر عانه

غرورك تمتع به على اللاش يا مغرور
غرورك علينا وش نشوفه علا شانه

عيال آدم وحواء مواليد تسع شهور
ولا فيهم الي يبلغ المجد بـ لسانه (:

[صالح النشيرا @saleh_neshaira]

تفقدت .. فـ الذود المجاهيم واختفّيت
ادير .. النظر …. واقول .. .. يمكني مشبّه

ولايعقل .. اني بـ اشري الوضح ماحسيت
وانا داري .. ان .. خلاجها ( نغمة .. منبّه )

لك .. الحمد يامحسن نبا كل من حبيت
لاحبيت .. عبدك .. صارت .. عبادك تحبّه

ياكم .. مرهٍ .. بانت لي الغرّه وصديت
مع اني …. على .. الغرات مادور السبّه

انا انعم بـ سترك كل م اصبحت ولا امسيت
واعبر .. البحور .. بـ كلمةٍ .. تفلق .. الغبّه

مابينت ضعفي لـ المخاليق يوم اخطيت
لو انهم .. دروا بي وقفوا لي على الحبّه

عبادٍ بعضهم .. يحسب اني من ال البيت
مع اني .. مجرد مسلمٍ ( ساتره .. ربه )

[سعيد البريدي @smalmri]

@q8uuy @mr_drgam يسلام يسلام

[جارالله بن حمد @q8uuy]

من جعل طيبه معى الأجناب كله
سيرته فاقت على سيرة ( عذاري )

المبدع ناصر الجهويل ( @mr_drgam )

[جابر البريدي @GABER_ALMARRI]

ازعلت لأجلك ناس وارضيت لي ناس
واخطيت يوم ازعلت وارضيت لأجلك

راع الوفاء قدره على العين والراس
بس انت حطيت الوفاء تحت رجلك

جابر البريدي

[ناصر البريدي @nasr_974]

ياهوى البال عقبك حلو الايام “مرّه “
كل ما مر طيفك دلة الشوق فاحت

كنك الفرصه اللي ما تجي غير … مره
زينّها يوم جات وشينّها يوم راحت

[سعيد البريدي @smalmri]

👍👍👍👍

[ناصر الحمادين @nalhmadeen]

لي 4 ايام عجزت اتجاوز قصيدة ياسر التويجري اللي غناها خالد ال بريك
اعرف نفسي واعرف تأثير القصيد في !

[ناصر الحمادين @nalhmadeen]

لي 4 ايام عجزت اتجاوز قصيدة ياسر التويجري اللي غناها خالد ال بريك
اعرف نفسي واعرف تأثير القصيد في !

[ناصر البريدي @nasr_974]

والله اني كنت مستانس ولا كن تالي
صارت الاخلاق ممّا شفت فيدراليه

اتضايق وانشغل واحيان حتى اشغالي
صرت اعرضها الخلا فـ الفتره الحاليه

الشدايد كايده والمدح سعره غالي
والمراجل قسم للي “ ينفّض الماليه “

لـ الصداقه سستمي مثل النظام الالي
كل ما شفت الضعوف اغير “ الاليه “

[عبدالرحمن بن سالم ، @a7bs91]

انا من اليوم لا اهادن ولا اصالح
لو الحمامه الى غنت تبكيني

ماهو بغاترني الصالح من الطالح
لكن اشوف الفراسه ما تكفيني

يبين حقد العدو في نابه الكالح
وأبين وانا تظهر وجهي يميني

اشوف حتى النهر مثل البحر مالح
الى كتبت القصيده بيني وبيني

انكان ماهو مجاريني مثل صالح
اللي ماهو مثل صالح لا يجاريني

في واقعي ماقدرت اعيش متصالح
من يوم شفت الرفيق يطيح من عيني

[جابر النشيرا @jaber_nshera]

المدح مايوخذ كذا بالتساهيل
لو تدفع من المال مبلغ وقدره

من شاف قدري من ورى الجدي وسهيل
شفت الجدي وسهيل مندون قدره

ماودنا ندخل معك في تفاصيل
حنّا نعرف ان ( المطاليق ) نُدره

واللي ينطّحها وجيه المقبايل
انكان مانت بـ ناطحه لاتغدره

ماحدنا نرسل عليك المراسيل
الا زمان ٍ مالنا فيه قُدره

من ضاق صدره من لزوم الرياجيل
لاعاد يضرب لـ الرياجيل صدره

[صالح النشيرا @saleh_neshaira]

لو تعتذر مره مع اللي طبت عنده مرتين
نسى وفاك وعلمك الطيّب وقال انك ردي

[عبدالرحمن بن سالم ، @a7bs91]

لا خارت اقواي واختلت محاريفي
وغدت ملامح زماني وجه قوماني

احفظني انكانك بتحفظ معاريفي
مهوب تحفظ معاريفي وتنساني

[سعيد البريدي @smalmri]

@sha3r_alhajri يسلااام يبو علي

[عبدالله بن خشمان @sha3r_alhajri]

ياملاذ القصيد اللي عليه الكلام
مابقى فالكلام حروف للي قرا

فيك الالهام يستوطن حدود الغمام
يستثير الشعور اللي يثير شعرا

في ذوات المقام .. وفي ذوات القوام
ماتنافسك نفس ولا خشرَك خشرا

انتي اجمل بنات آدم عليه السلام
تحت وجه السما السامي وفوق الثرا !

[محمد العذبه @mohmdalathbh]

يوم زرته من عقب حروة شهر من موته
والله ان كنّه يرحّب بي وهو في قبره

[سعيد البريدي @smalmri]

@masuod974 يسلاااااام

[مسعود آل شعفول @masuod974]

يبرز قصيد الشاعر مْن المعاناه
ياللي تقولون الشعر من فراغه

ماهوب لازم كل ليله ملالاه
"الصمت جند ٍ من جنود البلاغه"

كثرة ظهور المبدع تقلل حلاه
حتى لو انه يدكها من مراغه

[ظافر بن فرحان @zafr_frhan]

يابهجة العاني ويافرحة الضيف
ترى الخطيه منك ما نحتريها

والله لو ان مالك علينا معاريف
مانسمع العوجاء ونسكت عليها

[صالح النشيرا @saleh_neshaira]

لو ان لـ القدس خادم مثل هيبة خادم البيتين
ماطاولها الزمان .. ولا طمع فيها ( نتنياهو )

ياكم من واحدٍ متحزمٍ بـ اخوانه العشرين
وهم لاثوّر .. البارود .. لادلوا .. ولا تاهو

لو انه يثور طلقه طايشه من واحدٍ فـ الصين
( غدت في راس كفوٍ ماعلى شيبانه الا هو )