سالم سليّم

[جرّاح العتيبي @AL___9999]

متى تهب الهبوب البارده من جنوب
عشان يبرد حشاي و خاطري يسفهل

قامت تصافقني الايام من كل صوب
ماباقي إلا افقد أعصابي و دمعي يهل

الحب يثر على الإنسان مثل الحبوب
تراه ماهو سهل ياللي تحسبه سهل

لا زاد ضغط اتصال الشوق بين القلوب
يرجّع العاشق العاقل لـ سن الجهل

يحس بـ انه غريب بكل حزة غروب
ويبطي من الذكريات الماضية منذهل

قلبي لعب به هوا الغيدا الفروع اللعوب
قامت تجـره شـوي شـوي على مهل

تقول بيتً من اول يندهل ومعروب
واليوم تلعب به الانسام مافيه اهل :)

[صالح النشيرا @saleh_neshaira]

يوم كان الفن .. في مصر .. العزيزه
والجنيه .. يقاوم .. الغزو ( الفرنكي )

شيٍ .. .. نجيزه .. وشيٍ .... مانجيزه
مايوطي .. صوتنا ( تحويل .. بنكي )

كل .. ماجينا .. نقول ( الفن ) ميزه
صاحت السودان مع ( وّد الكرنكي )

[صالح النشيرا @saleh_neshaira]

من طمع في ذلولي ماورَع من زهابي
ومن سرق وردةٍ وحده سرق له حديقه..

[د. مشعل الزعبي @alzuaby]

يكفيني اللي وصلني لا تناديني
بعَد تركتك دخيلك روح واتركني

إلى متى اخْفي همومي عن محبِّيني
يا فَرْحي الظاهر ويا جرحي المَكْني

خلاص ملِّيت واللي فات يكفيني
الدرب كايد وحمل أحلامي أنهكني

لا تَرْجي الشوق لديارك يودِّيني
هذاك قبل أعرك الدنيا وتعركني

كنت إن سمعت بهمومك دمَّعت عيني
واليوم صارت دموعك ما تحرِّكني

حتى الهوى اللي تسيَّد في شراييني
صرت أملك أمره بعد ما كان يملكني

لا احترت قمت أتشاور بيني وبيني
ما عاد أحد في قراراتي يشاركني

ولا ضاع لي حقّ قمت أشره على يْديني
ما عاد يربكني اللي كان يربكني

أجي لدوَّامة الذكرَى برجليني
بسّ أتحدَّى بقايا الشوق تدركني

من بعد حبك تغيَّر كل ما فيني
خالفت منهاجي اللي كاد يهلكني

وأضحكني اللي من أول كان يِبْكِيني
وأبْكاني اللي من أوَّل كان يِضْحِكني

خلاص واللي وصلني منك يكفيني
ما دام حبّك تركني روح واتركني

[فهد قطنان @Fahad_Qatnan]

"المجنون شخصياً"

[عبدالعزيز العبلان @azizalablan]

يا لقاي بذاتي المتغرّبه ، عن ذاتي
يارضا نفسي على خير الزمان وشره

أنت جيت وجابك الله عقب طول شتاتي
وعودت فيك السنين الذابله مخضرّه

نظرتي .. ذوقي .. سواليفي .. غناي .. سكاتي
ودي أعرف لـ إرتباط اللي معك وش سره

فيك من حزني ، كثر مافيك من ضحكاتي
فيه أحد قال أنت تشبهني قبل هالمرّه ؟

[سلمان بن عبدالعزيز @KingSalman]

نشكر المولى عز وجل أن شرّفنا بخدمة الحرمين الشريفين، ورعاية حجاج بيته الحرام، سائلين الله أن يتقبل من الحجاج حجهم ونسكهم وطاعاتهم.
ومع حلول عيد الأضحى المبارك، نهنئ شعبنا في هذا الوطن المبارك وأمتنا الإسلامية بهذه المناسبة، وندعوه سبحانه أن يجعله عيد خير وسلام واستقرار على أمتنا والعالم أجمع.
وكل عام وأنتم بخير.

[سعود بن مبارك @Saud_almshly_]

بين حي الهفوف وبين حي الوزيه
أحْتَشى خاطري والليل يرخي عباته

أتوادع معَّ يومٍ طوته العشية
وأتوجد على حلمٍ تلاشت رفاته

الضمير النقي لا شم ريح الخطية
شبت النار في ذاته على شان ذاته

ليت لجروحنا المستعصية مرجعية
كل جرحً يطيب نْرجعه لـ مْهاته

تاق قلبي على ذيك الرسوم الخليّه
كنّ قلبي يْطمني على ذكرياته

لعنبوا لايمي في حب نجد العذية
موّلد الشاعر المجروح و أغلى بناته

من عشق من ديار العزوة الفيصلية
ما يْلد النظر للغرب ومخلفاته

هايف القد: لو خانت يْديها يديّه
حبها فالحنايا ما تزعزع ثباته

طيفها كل ما مر العيون الشقية
أخلف الموّمن اللي خاشعٍ في صلاته

بعد ماشفت فيها الشِعر و الشاعرية
صار عندي على بدع القصيد استماتة

خيّرة العاديات الصفر ساس وهوية
ما ربت عند مَن يرفع عليها عصاته

تشرب التَّيْه قدام الوجيه القوية
كحلة عيونها تكحل عْيون الشماتة

واحدٍ ما كسب من ودها لو تحية
لو ينوش السماء بيديه وش منجزاته

كنت في ضفها مثل الخوي مع خويه
يْحفظ قيمته ويعرف يقرأ سكاته

لين شفت الرموش العكف صارت ندية
مثل حدّ الرهيف اللي تقاّطر شباته

قلت: ما دايم إلا وجه رب البرية
الوصال انتهى عمره وحانت وفاته

الخطا مستحيل يكون منها عليّه
غير هذا خطا قلبي وهذي جزاته

جعل يسقى علي عاد الحياة الشليه
قبل عوج الرقاب تْعاود الإلتفاته

يا عواذل ترى مانيب احفظ الوصية
من يبيني على ظنه يوفر وصاته

قلتوا الحب قلت: الحب أمان وحميّة
قلتوا الكره قلت: الكره يوّقض سباته

أذكروا قيس وش صابه من العامرية
وافزعوا لي قبل والله لاسوّي سواته

[مزيد الوسمي @mzed_9]

من قلب الرياض 🇸🇦

الله اللي قسم الارزاق تقسيم
وخصّكم فالسحاب تعانقونه

كل من صار ودّه يفرش الغيم
تعترض هيبة آل سعود دونه

[عبدالله السراهيد @Alsraheed]

« انعكاس النور… »

ما قدرت آحتوي قلبي عشان آقنعه
شاب وآنا آدعي الله يصلحه ويهديه

الحقيقة : « ملامحها » بدون آقنعة
ما آحدٍ جت له الدنيا .. على ما يبيه

وحشة ضلوع صدري والشيم تمنعه
وحشة أسوار بيتٍ .. هاجروا ساكنيه

عقب ما كان ( مليانٍ ) حياة وسعة
ما بقى الا انعكاس النور منه وإليه

في زوايا الغرف : لقطات متوزعة
من بقايا ابتسامات وملامح وجيه

أقترب كل ما يشّر علي بـ آصبعه
راحلٍ كل يوم آشتاق له وآحتريه

ينبلج مثل نور الشمس من مطلعه
يوم يبسط على وجه الثرى راحتيه

ويتوارى عن أنظار الجميع أجمعه
مثل حلم اليتيم اللي فقد والديه

اه يا حزني اللي ما قدرت اردعه
واه يا قلبي اللي ما قدرت احتويه

رحت والحلم نجمٍ في سماي اتبعه
وجيت بيّاع عندي حلم من يشتريه

مرني في فصل واحد فصول أربعة
أنتهي من فصل وآطيح فاللي يليه

اللي ودعني .. المفروض ما آودّعه
آتحلوى الطعون اللي تجي من يديه

أكثر انسان سامعني ماكنت اسمعه
واكثر انسان جارحني تمسكت فيه

ضاع من يستحقّ اقضي حياتي معه
في رجاء واحدٍ ضيّعت عمري عليه

[مشاري محمد @dih2i]

سيدة سدرة الوادي ودمث الجناب

[محمد فهد @Mf_mf111]

انا الصباح ان تفتق ! لكن سنيني
اسود من الحبّه اللي حبّها خالك

والله لو اني ماخاف الله يمديني
اسوي اشياء ماتطري على بالك

[هداج @iiHADAG]

يشوفها الشاعر اللي مبطي من الجديد
ويقوم منها وهو مليان صدره .. شعر !

[علي بن سالم @alisalemh]

كل عام وانتم بخير

[سلمان بن عبدالعزيز @KingSalman]

نحمد الله سبحانه وتعالى أن أكرمنا بإتمام صيام شهر رمضان المبارك وقيامه، ونسأل الله أن يديم علينا أمننا واستقرارنا، وأن يحفظ أبطالنا البواسل على الثغور والحدود في مختلف القطاعات العسكرية والمدنية.
وكل عام وأنتم بخير، وبلادنا في عز ورفعة.

[سعود بن مبارك @Saud_almshly_]

هو مرك الشوق وألا هز وجدانك؟
هونّي على البال وألا سامحً مني؟

نسيت يوم أسرق الكلمة من لسانك
عادك "رضيع الهوى" ماصرت متجني

لكن كبرت وكبر حبك وطغيانك
وانا على الحال لا وني ولا وني

حتى بيوت القصيد اللي على شانك
( جْروحك الناطقة ) نيابةً عني

والرغبة اللي تراودني لنسيانك
وثقت فيها .. ولكن خيبة ضني

[ناصر الحمادين @nalhmadeen]

ياعاصمة نجد بنت المجد برد وسلام
انتي شموخك عظيم وهيبتك مفخره
..
تفداك روس ٍ تشوف الموت مسك الختام
من دونك العمر لايغلى ولا نذخره

🇸🇦💚

[محمد فهد @Mf_mf111]

ان قامت الحرب ، مارحنا مراح الرياح
لو ان حذف الجنايز مثل حذف الحصا

يستسلم الخايف اللي في يدينه سلاح
لاواجه الصامل اللي في يدينه عصا !

[جمال بندر @JamalBander]

غزل قبل يدخل علينا رمضان 😄.
.
.
انت يا فخر الصناعة ويا زين الصفات
وجهك يثير الاحاسيس ويثير اللغط
.
ودي اكتب لك من الشعر.. عشر معلقات
فوق جيدك خمس فصحى وخمس من النبط
.
ان بغيت اعيش.. سولف واخذ مني وهات
وان بغيت اموت سلهم بنظراتك فقط
.
انت تفعل ما بدى لك بدون مبررات
الغلط لا صرت راعيه ما كنه غلط

[رفعان العرجاني @Refaan_alarjani]

لا تقدّا فالعرب داني وقاصي
خلك اللي يبلشون ويتبعونه

حكمة الشيبان بيضان النواصي
من تعلق فالعرب ماينفعونه

ماورا طرد البنات الا المعاصي
ولا ورا طرد الرجال الا المهونة