مسعود المهّان

شاعر / حساب للتوثيق فقط

[مسعود المهّان @sn_i20]

يارب جيتك تايب وجيت مخطي
مجافي الدنيا ومشتاق ل الدين

نادم على ذنبً مسويه ….مبطي
وخايف من اللي يمكن يصير بعدين

[مسعود المهّان @sn_i20]

ياصاحبي قمنا نصفي الاصاحيب
اسمع كلامي واغنم الليل واسره

حنا نموت من الحياء موتة الذيب
ماهو ب حنا اللي يموتون حسره

تصيب هقوات الرجاجيل وتخيب
من كان ودك تربحه …لاتخسره

المرجله في منهج اهل المواجيب
سهله لو العالم يقولون عسره

اقلها طيب النباء والتراحيب
واجلها نفسً على الطيب جسره

ترا السوي ماودك يسوي العيب
ان سلم منه كل الاوضاع يسره

على كثر مكاسر الطيب والطيب
ماشفت في بعض الرجاجيل كسره

[مسعود المهّان @sn_i20]

ترا العيب كله عيب والطيب كله طيب
ولايغرق البحاره الى ……..قواربها

وترا الصدق كله صدق والريب كله ريب
وترا الجرب جرب وتعدي اللي يقاربها

ايذا شفتها مترتبه كمل ……الترتيب
وايذا عذرها من جنبها …لاتعذربها

وايذا شفتها خربانه وتقبل التخريب
تضامن مع اللي خربوها …وخربها

[مسعود المهّان @sn_i20]

راضين بالمكتوب والمقسوم
حتى لو ان وجه الزمان اكلح

معروف احد معطاء واحد محروم
ومن فوض امره للولي افلح

لاكن تعودنا نشيل هموم
دنيا بدون هموم ماتصلح

[مسعود المهّان @sn_i20]

تعداني المنقود يامعزب الضيفان
ترا الله ب شيً ما اقدر ابديه باليني

تسريني طيوفه من المجلس المليان
ولا ودي اعلم وش اللي ….مسريني

[مسعود المهّان @sn_i20]

تكاثرو في مجتمعنا الخايبين
وياخوفك التهمه تلبّس الابرياء

تكفون لاينزل مقام الطيبين
اللي عن الهزله يجي فيهم حياء

وسوق المراجل لايجيه مطففين
وتصير وقفة صامل الوقفه رياء

#مسعود_المهّان

[مسعود المهّان @sn_i20]

✍🏻
#مسعود_المهّان

[مسعود المهّان @sn_i20]

الضربه اللي من بعيد اشوا
يمكن مسافتها …..تهونها

والضربه اللي من قريب اقوا
انشد بعيدين المدا …عنها

واشد مايبلا من …..البلوا
كلمة سفيهً …..مايثمنها

#مسعود_المهّان

[مسعود المهّان @sn_i20]

والله اني يارفيقي ف المواقف راسي
بس جاني من زماني هجمةً مرتده

مامعي من راس مالي كله الى راسي
وعزته عن كل درب مايعز ….ترده

نعرف نعطي ونفزع ونحزن ونواسي
ونعرف نسكن لحدنا ماخذينا ..مده

ادع لي لاشفت راسي فالثرا متواسي
راسً صبيً م��ت يتبع سلم ابيه وجده

#مسعود_المهّان

[مسعود المهّان @sn_i20]

انا ويش ابي يوم اتجمل مع اقصاء الناس
سوى السمعه اللي يرفع الراس طاريها

اشوف اني المسئول عن كل طيب راس
وارحب بهقوات النشاماء ……وألبيها

….✒️

#مسعود_المهان

[مسعود المهّان @sn_i20]

يهين قل المال روس الحلاحيل
يالله تعطينا كثر ……ماعطينا

تسد حاجتنا قلال ..المداخيل
لاكن عيون اقليل الحال.. فينا

نفزع قبل لايلحق الطيب الميل
نخاف ينصانا ولا في ……يدينا

وايذا الجمايل دين بين الرجاجيل
اللي لنا ب تسدد اللي…. علينا

#مسعود_المهان
#شعر

[مسعود المهّان @sn_i20]

ل نجد حكامه ول الصين سوره
اللي عليها العود حارب وعياء

لين اصبحت كوره على وجه كووره
وفي ضلها كل البلاد… تفياء

استامنو في ديرةاخوان نوره
اللي حموها فالثراء والثرياء

#المملكة_العربية__السعودية

[مسعود المهّان @sn_i20]

العاقل ان شافك يروح مصفي
ويشوفك الشايب ويصبغ شيب

الردف عايش والخصر متوفي
من انت حظه عاش عمر شعيب

الناس لو شافوك وانت مقفي
ماقالو ان طرد المقفي عيب

….✒️

#شعر

[مسعود المهّان @sn_i20]

عرضوني كل ماضقت نفحات الهبوب
اللي هبت من جهتهم ماهي بالبارده

#شعر

[مسعود المهّان @sn_i20]

انا احسب انك ترتكي للثقالي
وعلى ماقالو للصعايب ذخرناك

ويوم اقبلت صكات سود الليالي
من ضمن صكات الليالي لقيناك

مسعود المهّان

#شعر

[مسعود المهّان @sn_i20]

لاوطاك الفقر والحظ بينّ ظلامه
كل ماتملكه يمناك حاول تبيعه

كل شي اجلده غير الشنب والكرامه
الشنب والكرامه والله انها شنيعه

….✒️

#شعر

[مسعود المهّان @sn_i20]

ياوجهي اللي عن دروب الرداء محتميك
من دونك يلوح براقي وصوت ارعدي

ياعين لا طارت عيون الرجاجيل فيك
اخفي سوايا ظروف ايامنا وجحدي

اعبر من الطعنه اللي في فواد الدريك
الحاجه اللي على بيت الشحيح تحدي

واثر الليالي ل وجعتنا تدور شريك
وتلقى الرفيق المخسّر والرفيق الردي

#شعر
…��️