المنادي ما يبطلك يا باب ••) الغياب
والضماير يوم قلنا لها أصحي ما صحت
شيّبت روس الرياجيل في عمر الشباب
استحوا وصدوف الايام عيّت ما استحت
أُصْ ياصوت الحسايف ويا صوت العتاب
نفسي من معاتب الناس ملت واستحت
كل ما رفعت غالي على روس الهضاب
أتفكر بعد كم يوم واشوفه •• )) تحت
ستبقى ذكراك موشومة في الذاكرة،
لا يقوى عليها النسيان ولا تُدركها يد الغياب مهما جرى،
وإني في ذلك لكما يقول علي الدعية:
"أحاول أنساك لكن كلّ ما أحاول
محاولاتي على النسيان بارت بي
من طاوله حُبّ مثلك مات ما طاول
كمّ ليلةٍ جتني أشواقك وطارت بي"
ما قبلك حدٍ عوّد لـ عيني بعد ماطاح
ولا بعدك إلا الضحكة اللي مضيّعها
إذا أن الحياة اللي معك هم ماينزاح
أبعيشها بـ همومها و بـ مدامعها
تمادى السكوت اللي دفنته ورا الأفراح
هذي ضحكتي لي عام و أنا أتصنعها
دفعت الثمن في لحظةٍ عشتها مرتاح
أبضيع فيها و ضاع كل العمر معها
الدموع اللي أحبسها طوال السنين
كلها في ضحى ذا العيد نزلتها
عايدوك المسيحيين و المسلمين
وانا روحي على معايدك عللتها
يا حسافة على الرفقة و طول السنين
حتى كل عام و أنت بخير ما قلتها💔
واهنيّ الداله اللي عن التفكير ساج
ما بعد جرّب عنا الوقت من يومه صبي
وإلا أنا ماغير أدوّر من الضيق الخراج
وكل ليل يزيد همّي وضيقي وتعبي
علة ٍفي خاطري ما لقيت لها علاج
من سبب ميلات الأيام ماهي بـ سببي
من يسلفني سعة بال وأخلاق ومزاج
وياخذ الضيقة وياخذ عليها اللي يبي؟
وترحل مالحقك إلا القصيد وشرهة الطلّاب
وقلبٍ مايخونه في الحياة إلا تجاريبه
أنا ماني بعاقلك الدروب ولارضيت احباب
حزين إني اشوفك حق وانت تشوفني ريبه
لو إن الغيمة اقفت ما تلّحقت الهبوب عتاب
أنا حتى الجفاف إن كان في طارفك راضي به.
ياملح الأيام عيت تستقيم البخوت
لي عقد أحاول وأحاول غير مالله قسم
عيو عليك الحرار مشرعين البيوت
صوارمٍ في مجالسهم يفوح الدسم
زبدة خليط الكلام اللي يهتك السكوت
يبقى وتبقين في خيرة قصيدي وسم
والله مانسى معاريفك علي لين أموت
مادام فالقلب نبض وفالريايا نسم
البارحه هبت علي الريح من كل الجهات
حتى عرفت إن الليالي غير والوقفات غير
وقمت اتلفت فالسنين الي غدت مني فوات
وامنت ب ان العمر مهما طال فالدنيا قصير
كلٍ يموت وينتهي والوقت يمضي هات هات
ولاعاد يبقى الا الذكر إن كأن شر أو كان خير .