🪷

[🪷 @sofftsun]

أنثى ولا مثلك أنثى في نسّاء العالمين
لو تنجب الحور حور فْـ كل مطلع شهر

إن قلت فيك القصيد الزين تستاهلين
حقّك و حق الجمال الباهر المزدّهر

[🪷 @sofftsun]

طلت محيا العيوف . . إللي غلاها عفيف
فيها : الكبر و الغيا و الغطرسه و الحلا

ما بين سحر المفاتن و الضمير النظيف
وشلون . . ما أقول تفرق عن جميع الملا

العود ماله شبه . . و الوجه ماله وصيف
جمالها ؟ . . يستحق " التضحيه و الولا ❣️

[🪷 @sofftsun]

طهارة وجهك الراضي كأنه منخلق من لين
سحابٍ يروي أحساسي طهر ويلملم شتاتي

ذخرتك للشقى صدرٍ يكفيني عن الباقين
وذخرتك للمدى هقوه تشتت كل ضيقاتي

أنا يا ضحكة سنين الزمان وكل علمٍ زين
تركت الناس متعمد و عليك أسوق هقواتي

[🪷 @sofftsun]

" يا بنت سمّي كان رمشك تمّنى
أشق لك ثوب السما جود وعناد

وأشد لك زملٍ بجفن المعنّى
وأسري بوجهك لا غشى وجهي سهاد

يا حلو قدّك يوم قدّك تثنّى
محدٍ تغنّى فيك من خوف الإلحاد

حنّا البدو يا بنت .. وهذا لحنّا
نحبّك أكثر لا غدا حبّك جهاد"
❣️

[🪷 @sofftsun]

اسمك مخلّدة بالذاكرة تخليد
وصورتك بالعيون وبالصدر قصرك

الخسارة على اللي يحسبك للصيد
ودايم الفوز حظك والنصر نصرك

ما تزالين ريميّة وشيخة غيد
معجزة كل عصر وسيدة عصرك

هذي أبيات ذاخرها ليوم العيد
اسمعيها ولفّيها على خصرك

[🪷 @sofftsun]

أنا أدري الدروب طوال وأدري الحمول ثقال لكنّي معك حتّى لو أحارب أيامي
أنا حزامك إن شانت ظروفك ووقتك مال مثل ما أنت لا من شانت ظروفي حزامي
❣️

[أخبار السعودية @SaudiNews50]

اليوم 24 مايو..

اليوم العالمي للأخ .

[🪷 @sofftsun]

"عزاي إني رغم شدّة وضوحي ما عشقت إلاك
لكن اللي سرقني عن عيونك شدّة وضوحي

حبيبي وش مصير الشعر لولا طلّة محيّاك؟
دخيل الله لا تقتل هواي و تجرح مزوحي

تخيرتك و أنا ماني بجاهل وجهك و مبداك
أشوفك ديرةٍ ضمّت مداي .. ونصف من روحي"
❣️

[🪷 @sofftsun]

في ذمّتك أنتِ قصيدة صافحت كفّ الخيال
ولّا قصيدة صادقة خلقت على هيئة بشر ؟

منطوقك العذب المعتّق فيه من وجهك خصال
كنّ القصيد مقاسمك نصف العذوبة والسّحر

يا غاية السائل ويا اعذب إجابات السؤال
تدرين بانّ الشعر في حضرة جنابك منتصر

[🪷 @sofftsun]

«يالراحل اللي عقبك الصدر جيّاش
ما جيت لحظة فـ الخيال ونكرتك

وشلون بنسى عطفك اللي معي عاش
وانا لا مات اللي ما أعرفه ذكرتك»
:(

[🪷 @sofftsun]

قودني يا منوّة القلب لو ماني ضرير
وودّني لدروبك اللي تبيها ودّني

خذ يديني في يدينك مثل طفلٍ غرير
وحطّني في وسط صدرك وعقبه هِدّني

في غلاتي لا تشارك كبير ولا صغير
وعن جميع الناس بالكون كله بَدّني

[🪷 @sofftsun]

«أزهميني كل ما خانك زمانك وانجرحتي
وأبشري باللي يضمّد لك جروحك بيدينه»
❣️

[🪷 @sofftsun]

يا هلا يا روحٍ أعذب من مراهيش السحابه
و أطهر من الماء على ثوبٍ . . تغشّاه و تبلّه

[🪷 @sofftsun]

عيوفٍ مايملا عينها إلا أبلجٍ مدهوش
يحط القمر و الشمس في راحت يديها
❣️

[🪷 @sofftsun]

"لو حاويات النفط من شط الجبيل إلى الحفر"
طاحت على حظ بدويٍ ٍ ما يعرف يديرها

ما اختار عنها إلا مغاتير ومجاهيم وصفر
ذود مفليةٍ على حيرانها وبعيرها

لا تزعل الدنيا ولا تزعلك يا الظبي العفر
إن كان ما جازت لك الدنيا ندور غيرها

[🪷 @sofftsun]

يجمل خطاك بعيني إنك قليل أشباه
لو إن الخطا اللي منك ماهو بـ العاده

شعور الرضا ماكل من دوّره يلقاه
وأنا راضيٍ باللي يجي منك وزياده
❣️
— عبدالعزيز العبلان .

[🪷 @sofftsun]

علامك ما تهنّيتي .. بـ حلو النوم
يا من ربي عطاك الملح و القبلة

أشوف بـ عينك اللي كحلها مرسوم
سنا ضوّ بدويٍّ " نازلٍ بـ ابله "

بعد ما لاحت غيوم العتب و اللوم
قبل " برّاق عينك " ينتثر وبله

ترى اللي رافعٍ صوته عليك اليوم
يحبّك حبّ لابعده ، و لا قبله

[🪷 @sofftsun]

ما تلد بعينها في شخص عادي
ولا يسود الغابه الا حكم أسدها

بنت شيخٍ ما ينافس بالشدادي
كلمته كل القبيله تعتمدها

- ابن زويبن

[🪷 @sofftsun]

أشوف الليالي اللي تجيبه عريبة ساس
من أجزل ليال العمر ومن أبرك أعياده

كذب من يقول إن الهوى بالوصل ينقاس
أنا كل ما فارقتك .. أحبك زياده
❣️

[🪷 @sofftsun]

مرحبا يا ذنبي اللي ماكنّه من الذنوب
ماني بـ قايل لدرب الهدايه ودّني

والله إن قلبك مبدا على كل القلوب
مثل ما بدّيت قلبك عليهم بدّني

ماحدٍ قد ضدّني فالمعارك والحروب
بس مدري كيف سلهام عينك ضدّني

خاطرك يستاهل أرضيه لو تزعل شعوب
والله إن أرضيه لو الزمان يحدّني
❣️

[🪷 @sofftsun]

على قلبي لو أنك من ورا حدب الضلوع .. تويق
تعرف اللي لك من الحب الأسما يا العفيف الترف

خذ أحساسي قصيد و ضمّني لين آغفى و أفيق
وغض الطرف عنّي مثل ماني عنك أغض الط��ف