نوااف الحربي

كل مااكتبه اجتهادات مني..ولا افضل الاقتباس

[نوااف الحربي @spell403]

ان كنت تجهل وش سبايب برودي
واني قريب اليوم ومن بكره اروح
انا غريب اطوار واعرف حدودي
ويصعب عليْ اكون سبّه لمجروح
لا تندمين ان مااوصلنّك ردودي
الصمت بعض احيان ابلغ من البوح
#بوح_آخر_الليل

[نوااف الحربي @spell403]

بيني وبينك بالخواطر مراسيل
تطغى على شعور الجفا والعزيمه
غلاك ثابت كنّه الجدي وسهيل
والليل عطرك مايفارق نسيمه
هاذا شعوري ماتهم التفاصيل
من قلب صادق والنوايا سليمه
#بوح_آخر_الليل

[نوااف الحربي @spell403]

حلم عمري مثل حلمي في منامي
وان بغيته صدق محتاج الشجاعه
خايف الجرأه تقل من احترامي
وخايف ان سرّي يسولف بالاذاعه
#بوح_آخر_الليل

[نوااف الحربي @spell403]

لو كل شي بحياتي يرضي طموحي
ماعشت عمري بعيد وخاطري متعب
خل الغلا واحفظه من روحك لروحي
والحب ياشوق لايُعطى ولا يُطلب
#بوح_آخر_الليل

[نوااف الحربي @spell403]

ماعاد باقي شي يمكن نقوله
الوضع نفسه ماتغيّر ولاشي
القلب ضايع والاماني خجوله
حتى الشغف لاهو بميّت ولا حي
#بوح_آخر_الليل

[نوااف الحربي @spell403]

تميّز مساك بروعة البوح والطلّه
والمبسم اللي يذوب احساس وعذوبه
من لايراعي شعورك بالغلا خلّه
واختار من يبتدي بدرب الهوا دوبه
وابعد عن اللي طواه الحزن واحتلّه
ماعاد ياثق بأحد وناوي على التّوبه
#بوح_آخر_الليل

[نوااف الحربي @spell403]

قبل امس مرَت واعترض دونها الغيم
لو ان مايحفِي سنا الشمس غيمه
بس ارتوت روحي لو ان المطر ديم
وقت المحل يكفي من
الوبل ديمه
#بوح_آخر_الليل

[نوااف الحربي @spell403]

مدري تأكدت ولّا مصدّق اوهامي
وإذا الأمر صدق وين العقل والمنطق
ليش اشتري هم..ماتكفيني آلامي
ووش ذنب قلبٍ وثق في قلبي وصدّق
#بوح_آخر_الليل

[نوااف الحربي @spell403]

كلٍّ بهالدنيا مع الوقت ينسى
أمّا بحكم ظروف ولّا تخلّي
والحب مركب والثقه دوم مرسى
واللي موللي لو منعته موللي
#بوح_آخر_الليل

[نوااف الحربي @spell403]

قولو لها ماني على خبرها العام
القلب شايب والهقاوي رديّه
بعد العشا انصى المعاميل وانام
الفرش جاعد والوساده يديّه
#بوح_آخر_الليل

[نوااف الحربي @spell403]

انت العوض لكن لو اعطيتني وقت
امسح جروح العام وانسى طموحي
محتاج خمس سنين في مرحلة صمت
لاتسمع اخباري ولا تشوف بوحي
امّا غلبني الشوق ولّا تحكّمت
وسلّمتك احساسي وقلبي وروحي
#بوح_آخر_الليل

[نوااف الحربي @spell403]

قالت مواعيد الهوا خلّها عنك
من لا يداري شيمتي لايجيني
وخذ الكلام الصدق منّي ماهو منك
لا عاد تطريني ولا ترتجيني
قال العفو يابنت الاجواد ضامنك
ماني عديم اخلاق بس افهميني
اللي اعرفه والذي سامعه عنك
يكفي..وقدرك فوق راسي وعيني
#بوح_آخر_الليل

[نوااف الحربي @spell403]

هلا في ليلة المسرى..هلا في خطوة الفرقى
هلا في ماتبقّى من حنين.. وكسرة الخاطر
تأمَلت العنا ينزل..ولكن العنا يرقا
وتوارت كل احلام الغلا.. ياحظي العاثر
دخيلك لاتمنيني..ترى بس الألم يبقى
وطيوف الحزن ماتهدى..وقلبي انهار ويكابر
#بوح_آخر_الليل

[نوااف الحربي @spell403]

ادري بلا موعد تفاجئك الحروف
وقلبك يقول إبعد..وروحك تزهده
هاذا انا..في مثل ماعينك تشوف
مالي حياة ولا صفاة
محدّده
ولا انته بعد مثلي..ولا تقوى الظروف
وكل الطرق ياعين ابوي مسدّده
#بوح_آخر_الليل

[نوااف الحربي @spell403]

ماسألتك تحبْ..ومن تحبه وليه
كلمة الحب روعه..بس منك انت غير
الغلا لاتجاوز..حد نقدر عليه
اكثر اللي تبيه..إنّا تشوفك بخير
#بوح_آخر_الليل

[نوااف الحربي @spell403]

بلا شعور ولا ندم شفت الطريق
اللي جبال الحزن كانت تحجبه
ومن السلام الداخلي صار الصديق
ذاك العدو اللي حواله متعبه
وهم الرضا والحزن بالدنيا بريق
لاهو سراب ولا زلال وتشربه
#بوح_آخر_الليل

[نوااف الحربي @spell403]

انا اليوم ماني مثلي العام قبل يطوف
ولا برضي الزعلان ولا بزْعل الرّاضي
سقى الله من له وقفةٍ تجبر الملهوف
سحابه رواني وبلها وازهر فياضي
انا كيف ابنسى الطّيب من
راعي المعروف
وابدّل سعادة حاضري في عنا الماضي
#بوح_آخر_الليل

[نوااف الحربي @spell403]

انا صرت مثل موادع الاهل والاحباب
يبي عالمٍ ماعاش مثله ولا شافه
تمر الليالي مايرى حوله الّا اغراب
يبي يعيش مثل الناس والنفس عيّافه
#بوح_آخر_الليل

[نوااف الحربي @spell403]

انا ماني اللي لادعيته يجيك بساع
ملى قلبي إحساس الندم حيل من طيشه
تعبت ارسم احلامي مابين السما والقاع
وزمان المحل مازال يرسل مطاريشه
#بوح_آخر_الليل

[نوااف الحربي @spell403]

خلّ الشعور ليا ارتقى نايف الطّود
يصعب على غيرك يحدد مساره
من يتبع الهيّن يعوّد بلا فود
الصيد واجد والغنيمه حباره
ولا تكبّر اللي بالاصل ماله وجود
بعض المكاسب من صنوف الخساره
#بوح_آخر_الليل