سطام بن عبدالرحمن

أعذب القول أصدقه

[سطام بن عبدالرحمن @sq__69]

ما كـل من جـر المواويـل طربـــان
بعض العرب من ضيقت البال غنّا
،
و ما كل من عانق قوافيه ولهـان
بعض القوافي تشكي الحال عنّا

[سطام بن عبدالرحمن @sq__69]

النــاس ما تدري وش اللي ورانـا
وما كل شيـ(ن) داخل القلب ينقال
،
نعطيهم الضحكة و نخفي عنانـا
نسكت ونحمد ربنا على كل حال

[سطام بن عبدالرحمن @sq__69]

ما يوسع خاطري ويسر بالي
غير شوفتها عساني ما اعدمها
.
جنتي يابنت جدي واخت خالي
ياعساي اعيش وابقى من خدمها

[سطام بن عبدالرحمن @sq__69]

لا تضيق من الظروف و لا تنفس
دور بصدرك مساحه و أغتنمها
.
هد عمرك ، ركز شوي ، و تنفس
جيب لك ذكرى جميلة و ابتسمها

[سطام بن عبدالرحمن @sq__69]

زلات واجـــد تجي بالمزح و الهذره
لا تحتفظ بالصغاير يا قفص صدري
،
إن ما عرف قدري اللي منتظر عذره
يكفيني إني كبيـــر و عارفـ(ن) قدري

[سطام بن عبدالرحمن @sq__69]

#بيت_شعر_من_ذوقك
،
يا صاحبي لا صرت ضايق و مهموم
ابحث عن أسباب الحيـاة السعيدة
،
حرر قيود الأمــــس و ابدأ من اليوم
افتح علـى دنياك صفـــحة جديدة

[سطام بن عبدالرحمن @sq__69]

#بيت_شعر_من_ذوقك
،
أﻧﺎ ﻟﻴﺎ ﻣﻦ ﺿﺎﻕ ﺻﺪﺭﻱ ﺗﺬﻛﺮّﺕ
إن ﺍﻟﻠﻪ أﻗﺮﺏ ﻣﻦ ﺟﻤﻴﻊ ﺍﻟﺨﻼﻳـﻖ
،
أﺭﺗــﺎﺡ ﻻ ﻣﻨﻲ ﺫﻛــﺮﺗـﻪ ﻭ ﻛﺒـــﺮّﺕ
ﻭأﻓﺮﺡ ﺑﺬﻛﺮه ﻛـﻞ ﻣﺎ كنت ضايق

[سطام بن عبدالرحمن @sq__69]

#بيت_شعر_من_ذوقك
،
ان شانت الدنيا ترى العمر مقسوم
محدن حياته جت علــى ما يريده
،
الحـزن مهما طــــال لا يمكن يدوم
بعض التجارب فــي حياتك مفيده

[سطام بن عبدالرحمن @sq__69]

#بيت_شعر_من_ذوقك
،
فيني طبايع ناس ماتوا من أزمان
و فيني صبر أيوب عـ اللي بلانـي
،
ماني خفيف و لو تجيبون ميزان
أثقل من أثقل ناس عاشوا زماني

[سطام بن عبدالرحمن @sq__69]

#بيت_شعر_من_ذوقك
،
أعشقك و أحن لك و أحيا بقربك
وكل ما جيت أنتهي شفتك بداية
،
كيف ما أحبك وأنت حدود حبك
من هنا لـ هنااااك إلى ماله نهايـة

[سطام بن عبدالرحمن @sq__69]

#بيت_شعر_من_ذوقك
،
نطوي مع الأيام عـامـ(ن) ورا عـام
و تمـر ساعات الفـرح فـي دقايـق
،
أيـــام راحت بالعمر مثـل الأحـلام
يومـ(ن) بهـا زعـلان و أيــام رايـــق

[سطام بن عبدالرحمن @sq__69]

#بيت_شعر_من_ذوقك
،
فديــت منهو لا لقى الصدر ضايق
أقبــل يجـر الصوت لا تضـــايقونه
،
وضحكت كني طول هالوقت رايق
مـدري لصوتـه أو لخــاطر عيونــه

[سطام بن عبدالرحمن @sq__69]

جامل تشوف الكل بالخير يطريك
نافق تعيش آحلى حياة بسعادھ
،
آكذب يزيد الحب والناس تشريك
يَ للأسف اليوم ھ الوضع عادھ

[سطام بن عبدالرحمن @sq__69]

ما تاقف الدنيا على جرح عابر
بكره يقوّيك الصبر .. و تناساه
.
اللي يحبّك .. ما يحب المكابر
ماهو ليا من شاف حزنك تعدّاه

[سطام بن عبدالرحمن @sq__69]

تعلمت من سود الليالي حـكم و دروس
و لازلت أردد بيت شعرٍ عـلى لساني
،
صديق المصالح لو شرى خوتك بفلوس
طبيعي يبيعك لا قسى الوقت مجاني

[سطام بن عبدالرحمن @sq__69]

يقول وش زودي عن الناس عندك
و اقول كلك يا هوى خاطري زود
ِ
نصيـــب قلبي قادنـي ليـن حدك
مـــا كن غيـرك بالمخاليق موجــود

[سطام بن عبدالرحمن @sq__69]

درب المحبه في بداياته اعجــاب
وياما من [ الاعجاب ] حنا بدينا
.
واثر الزعل ياتي ولا توجد أسباب
فجأه زعل و فراق ثم . . انتهينـــا

[سطام بن عبدالرحمن @sq__69]

من عَف كَف .......... و من تألم تَعلم
و من عاش بالواقع ما تغريه الأحلام
،
ما يندم الســــاكت كثر من تكلـم
و لا يامن العاقل صواديف الأيام

[سطام بن عبدالرحمن @sq__69]

يـالله ياللي ما على عينـــك غطـــا
و تشــــوف كل اللي عبادك تعمله
،
يــا رب ســامحنا على كثر الخطا
و حال(ن) سترته بالجميل اتجمله

[سطام بن عبدالرحمن @sq__69]

عجـبت من نفســـي ولله العجب
آحرص على رزقي و ربي كافله
،
كل العرب و اللي بعد غير العرب
لو حايلوا رزقي فلاحد(ن) ماكله