( رسالة )
مير لا انحاست ظروفك وخانتك الظنون
وشانت وجيه المخاليق والنور اختفى
لد لي ويزين وجهي ولا ترد مغبون
اسألك في جاه ربك وجاه المصطفى
حطني في وجه خصمك يكون اللي يكون
لو اناطح لـ اجل عينك ظلاعين الشفى !
مع غروب الشمس في ذاك المكان
اللي تفاصيله تثير الاسألة
طرا علي اللي ما شفته من زمان
ولا اعرف بيته ولا اعرف اهله
رضى علي الخوف من عقب الامان
وجبرني اقبل شي ما كنت اقبله
ما بين ليت و لو واللي كان كان
الواقع المفروض ،، كيف اعدله ؟
لو الامل يعرف حدود الاتزان
ما كان وصلني لـ هذي المرحله !
طولتهااا يا قلب جعلك ما تهان
واحد وقفى عنك وين المشكله ؟
ما قد خبرت ان عشرك تعوّد ثمان
خبري بك الصامل وراعي الاوله
اللياا متى هالوضع ي الله المستعاان
حاربت معك بـ شكل ما تتخيله
ما دمت باقي حي ، مافات الاوان
تجاهل الطاري ولو تستثقله
لبّس قساوتك القديمه عنفوان
وسلمني الموضوع كاامل و ازهله
لو يقدر الورد يسرق قلب من شمّه
ماتقدر الشمس تسرق بارد ظلالي
اخترت درب الظما عن صافي الجمّه
ووالفت صبري عليه وطال ترحالي
ما كل من يسري بـ يسري على همّه
ياما سريت الظلام وخاطري سالي
والبارح .. النفس مخنوقه ومنغمّه
وسرّاني الحزن للي مر في بالي
اشوف صورتْه بالجوال واضمّه
واودّعه وامسح اللي له بجوالي
سمّ الجفا مرجله ولاّ ردى سمّه
انا عزمت وجزمت وشفته اشوالي
إليا متى .. والمشاعر فيه مهتمّه
سويت كل شي لكن ويش سوى لي ؟
ماعاد اعرف اتكلم مع بني عمّه
لاسولفوا كن صورة وجهه قبالي
اصد والناس حول الناس ملتمّه
واتشطّر بعيد عنهم واجلس لحالي
كني يتيمٍ فقد من ليلتين .. امّه
ولاّ كريم استحى من جيبه الخالي
اغصّ في عبرتي واضيّع اليمّه
واسج رجلي من الضيقه على فالي
مال الخيانه عذر في ذمتي ذمّه
العذر ما ينقبل فـ خيانة الغالي
من اوّل اشوفه السامي على القمّه
والجاي من عمري ومستقبل آمالي
والحين ما عاد يفرق مدحه وذمّه
مثل : ابتسامة رضا فـ وجيه عذالي
يهمّني الحب بس الحب .. ما همّه
ياليت ماني كذا وخصالي خصالي
أبعدت شرهة دموعي عن طرف كمّه
وعلقّتها في طرف جفني من هبالي
أواسي الجرح .. واراضيه .. وألمّه
واقول لـ الدمع لا تبكي على حالي
لو يستحي حزني البارح على دمّه
ما كان جابه على غفله على بالي
لا تجلدين الذات وتقولين عن نفسك قمر
كان القمر آيه من الآيات ف انتي البسَمله
ترى القمر مايكتمل زينه سوى نصف الشهر
وأنتي طــوال العمّر كلـه .. كاملــه ومكمله🤍