ِ

مجموعة آنسان

[ِ @ssa29]

لك الله ماقدرت أسلى بعدك ولا قدرت أطيق
تفاصيل الحياة .. اللي ما فيها من تفاصيلك !

[ِ @ssa29]

لا تنشد عن غلاك وحُبك اللي ما عليه ظلال
أحببببك والحياه اللي بدونك ما تصوّرهااااا

[ِ @ssa29]

هوايّ العذب أنا مالي وطن غير العيون السود
خذيني في كنفها لين رمشك يبسط ظلاله

على كثر الوجيه اللي تبين وتختفي وتعود
أنا ما شفت مثلك يا غزالٍ شايفٍ حاله

تميل الريشه إللي فوق راسك مع هبوب النود
ليا جيتي ما بين الناس مغرورة ومختاله

ملامح يوسفيّة زينها راهي و لا محدود
أجمل من القمر وأجمل من عشرة من أمثاله

ليا قالوا لك انك فارقه قولي عليكم زود
عليكم زود و أزينكم وجه مشروب فنجاله

يا سبحان العظيم إللي فرق وجهك عن الموجود
يجي و الناس حوله جالسين و كنّه لحاله

أنا ما ودي أشكر في حياتي غير ابوك العود
مسوي له جمايل بعد ما جاب اجمل سلاله

عيون الناس لا لدّت على سلسالك المحسود
يحسدونه على طيب المكان وطيب الإطلاله

نحطك فالصدر ونحط في عين الحسود العود
عساه اليا نطق بالشين فال الله ولا فاله

حلفت ان الحزن ما يدخل بقلبك وانا موجود
أنا موجود لأجل أزينه و ازيّن أحواله

[ِ @ssa29]

مرحبا قبل السؤال ومرحبا بعد الأجابة
ياهوى القلب العليل وبلسمه من كل عله

مابعد صوتك جمال ولا بعد شوفك رحابه
أنت اللي تستحق الغلا .. دقه وجله

من يشوفك يبتسم لو كان عايش في كئابه
كيف عاد اللي بقلبه لك مكانه مستقلة

[ِ @ssa29]

يا سيّد الروحات والجيّات
والذكريات الحلوه المرّه

تبي تعرف معناة جلد الذات؟
شفني وانا اعاود الكرّه

بيتك مزار الضيق والآهات
وعلى الرغم من ذلك .. امرّه

مازال وجهك سيّد الاوقات
رغم الغياب المرّ بالمرّه

يمكن تخون الذاكره مرات
ومعك انت ماخانت ولا مرّه !

[ِ @ssa29]

اذا قام الحنين يسوق قلبي قمت أسوق خطاي
أدوّر من دروبك درب قد جيناه . . و أضيعه

يا كثر صورك اللي ما نساها بالي النسّاي
لو إن عمري معك مَرّت سنينه مثل أسابيعه

حبيبي كيف أمر بشارعك ما تدري إني جاي ؟
و أنا أعرف الصباح اللي يجيبك من ذعاذيعه

[ِ @ssa29]

أنا لا أُخبر أحدًا عنك ، لكنك تفيض من عيناي وقيل في سياق ذالك :

ما قد تطرقَّت الطواري عنك و العالم تشوف
لكنك أكثر من تربَّع وسط عيني ' و أتضَّح !

[ِ @ssa29]

حبيبتي وشلون أصبّحك بالخير
وأنتي صباح الخير والخير كله

أنتي صباحات السعد والتباشير
على وجيهٍ بالرضا مسفهله

دامك صباحي وين ما أروح وأسير
والله مأدور فوق راسي مظله

جيتي وصارت لك ضلوعي جماهير
ويتل منّها شوقي اللي يتله

ومدام جيتيني فـ أنا حالي بخير
لو كان جرحي ما أسترته الأجله

[ِ @ssa29]

يا لبيّك الحنونه يا وجودي منك يا لبيه
أنا لبيه عندي بـ الغلا والحب مرهونه

أعرف الحب لكن مستحيل استخدمه ترفيه
جعل ربي يهين اللي على اهواهم يهينونه

وش اسوي ؟ مع اللي لاسليت ومرني طاريه
نفض قلبي غبار الذكريات وجنت جنونه

احسب إني نسيته واثرني مازلت ملك ايديه
واحسب إني وصلته واثرني لازلت من دونه

احبه مثل ماحب الحياة اللي تشعشع فيه
واخافه مثل ماخاف السهوم اللي من عيونه

أميّز صورته لو حال من دون الوجيه وجيه
وأثمّن كلمته حتى ولو ماهيب موزونه

لذلك ياصغير السن لاتطرد سراب التيه
على هونك وخل أحساسك الطاغي على هونه

لا تبدي لي مشاعر قلبك اللي مستحيل ارضيه
ترى ما عاد ليّ قلبٍ يحس بْمن يحبونه

[ِ @ssa29]

انا اللي كل ماهبت من القبله هبوب النود
تضيّق خاطري ذكـرى قديمه ساكنه فيني (؛

بعد ماغاب ريح المسك والعنبر ودهن العود
ذكرته وادري اني لو ذكرت الزين ناسيني !!

انا مدري شسوي والطواري ماعليها زود
تـهيـضني ولا بـاقي عليها ،، الا تبكيني

من ايديني خذته صدوف بقعا والليال السود
وهو لايمكن ياخذه غلا غيره ،، من ايديني

توديني .. طيوفه في متاهات الفضى المجرود
وانا لامن صحيت اقول وين الله موديني ؟!

احبه .. كثر مامريت بيته ،، والعباد رقود !!
وكثر مالاح براق الغرام اللي مسريني

احبه / مير ماجابه غلاااي وحظي المقرود
ولا جابه حنين الشوق واللي منه مذييني

على نفسي مبديه وعلى اشغالي وشغل العود
وهو على ابسط حقووق المحبه مايبديني

نساني كن مابيني وبينه بـ الغراام عهود
ياليته بس يدري عن عناي ولا يعنيني

حبيبي كل ماضاقت تذكرني وانا موجود
مافي داعي تنشد عن سماي وعن عناويني

تمون وكثر ماتخطي علي وخاطري مضهود
عسى الله ما يجازيك بـ سوااتك يوم تجزيني

فمان الله / ياسكة غرام ٍ دربهااا مسدوود
فمان الله / ياغلا من عرفت وشافته عييني

فمان الله / ياملح الحياااة ،، وفرحة الموولود
فمان الله / ياحبٍ تسلط في شـراااايـني

فمان الله / ياشوقٍ تعداا بالحدود حدوود
فمان الله / يازولٍ عن الترفات مغنيني

فمان الله / ياعنق المهات وجزئي المفقود
فمان الله / ياطعم الحيات ولذة سنيني

فمان الله / يادمث الجناب وقسوة الجلموود
فمان الله / ياجرحٍ مع الايام مشقيني

فمان الله / ياسقم الفؤاد وضحكت الملهود
فمان الله / ياسرٍ دفنته بـيـنه وبـيـني

فمان الله / يابيت الغراام وطيحت العامود
فمان الله / ياحلم ٍ يموتنـي ويحييني

فمان الله / يانبض المشاعر والجروح شهود
فمان الله / ياخر من هقيت انه يخليني

[ِ @ssa29]

أعتبرني ليا من ضاق صدرك : مكان
فدوتك لو بكيت الليلة بـ طولها

أعتبرني حضن لامن فقدت الحنان
خل سِحبْ الهموم تصّب هملولها

أعتبرني ملاذ تحّس قربه بـ أمان
وأيّ كلمة تخاف تقولها ؟ قولها

أعتبرني شعور وفاقده من زمان
وجاء يلبّي نداء عينك ومرسولها !

[ِ @ssa29]

أسوق عمري في رجاها لو تعشّاني سباع
اهمّ شي أشوف شارعها .. ولفّـة بيتها

[ِ @ssa29]

يا ليت الزمان يعود بي لاول المشوار
قبل . . لا تقص أحداث الأيام تذكرتي

وتاخذني الدنيا ، عن الدار وأهل الدار
غريبٍ يضج بـ غصّتي همس حنجرتي

شعوري شعور التايه المرغم المنهار
آعرف آوّلي .. لكنّي آجهل وش آخرتي

أنا اللي بعد زود الغلا .. والسلام الحار
تنازلت .. لـ عيون المها ، عن مكابرتي

يابنت المطر مالك مصدٍ عن الامطار
من الغيم . . ولا من نسيمه تعطّرتي

عرفتك وانا نفسي صبوره على الاقدار
قبل تختبر . . صكات الاقدار مقدرتي

ماعاد آعرف من كثر ماني معك محتار
تغيّرت انا . . ولا أنتي ، اللي تغيرتي

يا شين الخطايا يوم تكبر مع الاعذار
تروحين كنك مخطية . . ما تعذّرتي

كلام العيون . . يبرر الواقع اللي صار
عطاك الزمن عدة خيارات واخترتي

ورحتي وأنا من يوم رحتي غريب أطوار
من الضيق صرت آدور في نفس دايرتي

يا ليت الكلام اللي حبسته ورى الاسوار
مجرد " رسايل عالقة " في .. مذكرتي

على كثر ما كانت . . ليال الوصال قصار
على كثر ، ما كانت " طويلة " بـ ذاكرتي

[ِ @ssa29]

انا غرب والي خاطري ينتحي له شرق
بعيدٍ وطن مضنون عيني عن أوطاني

حصل في غروب الشمس بيني وبينه فرق
عسى اللّٰه يقرب دار من حبه أشقاني

الى جا لذيذ النوم يسرق عيوني سرق
ذكرته بعيد وعافت النوم الاعياني

سقى اللّٰه ليا قام يتكاشف علي البرق
وانا أشوف زوله بين ربعي وخلاني

[ِ @ssa29]

حتى وأنا بـ السفر ماغاب لك طاري
كنك مسافر معي بالصوت والصوره

[ِ @ssa29]

سلام الله على اللي لو تركته ماقدرت أنساه
حبيبٍ كل ما هبّ الهوى حنّيت .. لـ دياره

ليَا هبَّت نسانيس الرِياح و جدَّدت ذكراه ؟
تربَّع في ضلوع الصدر كنَّه ماخذ بْـ ثاره

معي قلبٍ من صدوف الليالي جاه ما كفَّاه
تمثناه الرّهيْف اللي ترك قلبي على ناره

يقولون المخاوف تحكم العاشق يجرّ خْطاه
و أقول إنّي عشقته بس ، دربي كنت مختاره

كتبت الشعر فيه ولا كتبته غير لأجل رضاه
ماني بْـ محتاج لـ أنظار العرب لا لدَّت أنظاره

عليه الطَّله اللي تجبر الشاعر يجيب أقصاه
و عَليّ أسوق له غرٍّ .. " من الأبداع مِدراره "

يقول الله .. و أقول القصايد فيك ، يااااا الله
يمر البال طيفه ما يغيب إن غابت أخباره

حبيبي و أكثر العالم لهم بين العباد أشباه
شبيهك فـ السما لا طلّ كنّي مبشّر بشاره

رهين الشوق حتى لو تصنَّع ضحكة مْحيَّاه
ورى صدره هموم البُعد تلحِق غاره بـ غاره

يجفّ الحبر و تموت المشاعر ما شكى بلواه
يشوفك مرحلة .. فـ اوّل محطَّاته ، و مشواره

[ِ @ssa29]

سافرت أعانق حلمي اللي من العام
وأقول يكفيني من الحلم لقطه

ولا لقيت من :( السفر ) غير الأوهام
أسافر بشنطة : وأعود بشنطه

روحي مع اللي قسم أضلوعي أقسام
وفي كل ضلع له ممر ومحطه

قلبي يحن لشوفتك حَن . . ( الأيتام )
والشوق لامن بان ما أقدر أغطه

تهزمني ' عيونك !! يابو مبسمٍ تام
ومن قبلك وبعدك مسافة ونقطه

تطري علي :( لاجيت ) بسلى وبانام
وأقوم أدور ؟؟ للمواعيد خطه

واجيك من عقب السفر فيني - هيام
دمعي على خدي وفي الوجه شِطه

وأقول يا ألطف من ذعاذيع الأنسام
غلطة زماني يوم أفارقك غلطه

في شوفتك حققت أنا نص الأحلام
واللي بقى من باقي الحلم قطه ؟

[ِ @ssa29]

ما كنت أعرف إن المكان إللي يضمّك موطني
و إن البلاد الخاليه منك محطات إنتظار !

[ِ @ssa29]

تدلّل وش تبي ؟ يا المبسم الضحّاك
لجل عينك عذابي في الغرام يْهون

جمالك شي يستعصي على الإدراك
عليك الكل من هول الحسن مفتون

من يقاوم بهاك ! ولحظك الفتّاك ؟
من اللي هام فيك ! وما غدى مجنون ؟

عطيتك قلب مهما تجرحه ! يفداك
تمون وكل جرح ٍمن طرفْك يْمون

[ِ @ssa29]

سلامه العبدالله في حدث يوم الربوع .