يا امير ليت اللي على الغصن مشحون
يسكت ويسمع صوتي شلون اجرّه
ماهيب عاده يصبح الصبح مسجون
والحر حر الا ليا مات حره
حتى الكلام اللي مقفى وموزون
يبكي عليك من الحزن ويتشرّه
منت بعلى رف المواعيد مركون
والله ليبقى لك من العين قرّه
انت البدر والبدر مهما يقولون:
يدفن بالارض ويطلع من المجرّه
لكن عوضنا في شبيهك من الكون
اليا اكتمل في دورة الشهر مرّه
#بدر_بن_عبدالمحسن
ياهل امن الطرق ماجاكم طراقي
مع طريق القار طرقتهم طويلة
دونهم حالت مسافات ومتاقي
وطارد المقفين الا واعزتي لة
زارني من واحدٍ منهم براقي
ولا بقى لي عقبهم بالصبر حيلة
وجابني مع دربهم موعد تلاقي
ليلة لأهل الهوى تسوى ألف ليلة