يا اللي تقولون الحياء ..حيّ ما مات
أنا لقيته .. بالبثوث متوفّي
مطعون واللي طاعنه عشر طعنات
واضح على الشاشه ماهوب متخفّي
هذا يسب اهل الشيم والمروّات
وهذاك .. نقصه كمّله بالتشفّي
راحت تقاليد القبايل ولا جات
وشلون أردّك يا الزمان المقفّي
ابن القبيلة في بثوث البنيّات
بالصوت والصوره عليها مصفّي
الوجه بارد ما يبي شاهد إثبات
وان جاب حكمه قال قومي ولفّي
مشهور لكن شهرته بالتفاهات
عن سيرته كبّس وشيّر تكفّي !!