سلطان بن سعود

اكتفوا بالقراءة فقط .

[سلطان بن سعود @su5_2]

آندى من يدين البخيل المقبرة
تستقبل آلموتى ، وعيت تمتلي

[سلطان بن سعود @su5_2]

عرفتك وانا نفسي صبوره على الاقدار
قبل تختبر . . صكات الاقدار مقدرتي

ماعاد آعرف من كثر ماني معك محتار
تغيّرت انا . . ولا أنتي ، اللي تغيرتي

- عبدالله السراهيد

[سلطان بن سعود @su5_2]

مرحبا يا صفوة الجيل صافية الجبين
ابرك الساعات و اغلا الليالي كلها

صرّحي فالحب مره و أصرّح مرتين
ايه أحبك و السوالف معك ما املها

يعلم مكمّل مزاياك رب العالمين
قبل لا أعرف كثرها مكتفي في قلها

الصراحة يهلك الشك ويعيش اليقين
كان حبك مشكلة ؟ مابي أعرف حلها

[سلطان بن سعود @su5_2]

يوم شفت الورد ينبت على أطراف الطريق
قلت أكيد إنّك تمرّين دايم. . من هنا"

[سلطان بن سعود @su5_2]

أعرف أعبر بالشعر ما أعرف أعبر بالكلام
الظاهر إني ما أجيّد بهالحياة إلا الشعر

[سلطان بن سعود @su5_2]

رهنت العمر كله على مبسمك ورضاك
قصور الهوى مافيه غيرك يشرفهااا

[سلطان بن سعود @su5_2]

@9990Nasser @barq نفس الوضع لي ساعتين محول

[سلطان بن سعود @su5_2]

تمادي ياخشف الريم لين الكلام يطول
مساء وصباح النور واخباري اخبارك

[سلطان بن سعود @su5_2]

يمديك ترجع مازال في قلبي …عرقٍ يبيك

ارجوك تسرع لا تضيع الفرصة دامه بيديك

[سلطان بن سعود @su5_2]

عليك السلام الوافر الي بدون قياس 
ياعنقٍ عليه معلق باقي امالي

مع انكٌ بعيد وطرقتك تتعب العساس 
انا اشوف حلي فيك واشوف ترحالي

يطل القمر ولا يغيب القمر لا باس
الاغلى تهون بـ حضرته قيمه الغالي

عن الطلة اللي تنتظرها جميع الناس
أنا في انتظار الطلة اللي على بالي

[سلطان بن سعود @su5_2]

احتمال الواحد يشيل فوق الاحتمال
واحتمال يصير حاجه يحب يصيرها

كل واحد له مزاجه ، وكلن له مجال
العقول تميّز اوزانها .. تفكيرها

لكن اللي مستحيل ومحال ومستحال
آيـةٍ بـالارض ، نـعـجـز على تفسيرها

تجتمع فيها النوابغ ، وتعجز من سؤال :
دامها من طين وش فرقها عن غيرها ؟!

[سلطان بن سعود @su5_2]

تم الغاء مساء الخير لهذا اليوم

سلفوني وسع خاطر وخلوني اعيش
والله إن بعض الليالي تضيق خاطري

[سلطان بن سعود @su5_2]

يارفيقي خاطري ماش وافكاري شتات
خلني ل مطاول الليل الاسود والسهر

والله اني ضايق الصدر من كل الجهات
وفاقد النوم الطبيعي لي اكثر من شهر

المداهيل القديمه وبعض الذكريات
اظهرت من عيني الخافي اللي ماظهر

وكان م اللّٰه عاضني فالليال المقبلات
مات حلمي قدم عيني ومت من القهر .

[سلطان بن سعود @su5_2]

طلّي الليله .. مثل طلتك ذاك .. الزمان
يوم كان الوصل متبوع .. والعاشق تبع

يوم كنا يد فـ يد طيش . . و عنفوان
ما علينا خوف من سلم ولاّ من طبع

جددي ذكرى المحبين في نفس المكان
وغيري وقت اللقا من ثمان الى سبع

وش يصبرني على الشوق للساعة ثمان
انا اخاف أموت . . لا جت ثمان إلا ربع

[سلطان بن سعود @su5_2]

لا على عيني غشاوة ولا وجهي قناع
مقتنع في حجم علمي وفي حجم جهلي

البشر فيهم هوامش ومن سقط المتاع
ما لهم تأثير واضح على مستقبلي

والحياة و مجريات التلاقي والوداع
خضت لي فيها تجارب وجيت بْما يلي

يوم فضلت انعزالي على كل اجتماع
استرحت وصارت الراحة ألزم ما علي .

[سلطان بن سعود @su5_2]

عند الجمال الطبيعي غابوا الأربعين
جمالها ينسي اللي .. زارها كم لبث ؟

من شافهاا يذكر أن الحور لـ المؤمنين 
لا تحسب الله خلقها فـ البسيطه عبث

[سلطان بن سعود @su5_2]

من يشوف وضع اخواننا بين جوع وخوف
تلاشى الكلام اللي على خاطره كله

انا مونسٍ من حالهم حرقةٍ في الجوف
مثل حرق " صلو الجمر " في عاتق الدله

لاقامت على الاسلام حربٍ على المكشوف
مع المسلمين " اللي نصرهم وهم قلّه "

مثل ما السجين يعيش ولا يمدّ الشوف
مانقدر نعيش احرار والقدس محتلّه

[سلطان بن سعود @su5_2]

قبلك حياتي ترى ماهي بمرغوبه
وشلون جدّد وجودك رغبتي مدري
َ
عن عيني الناس ملغيه و محجوبه
ما أشوفك الا سماي وكلهم حدري

[سلطان بن سعود @su5_2]

عيدك مبارك ، يا بعد كل من لّي
لو اني ابطي ما كتبت الجديدة

أكفيتني عن الرفيق المسلّي
واغنيتني عن الحياة الرغيدة

يكفيني انك بين الاحباب .. خلّي
ويكفي قصيدي فيك لا قمت اعيده

والله يا حبك ما نقص منه ملّي
ما تِنقصه ولا تزيده .. قصيدة

[سلطان بن سعود @su5_2]

ماني بـ زعلان و الدنيا تلف وتدور
يجيبك الوقت متضايق وتطلب عذر
َ
كلامي اللي سمعته لا يمرك مرور
بذكرك فيه ' كان الله عطاني عمر '

[سلطان بن سعود @su5_2]

يقولون سارق نومة العين ماهو لص
أجل وش يسمى سارق القلب من يومه

صباح الوفا والساعه الحين "سبع ونص"
بتوقيت قلبي وانت قلبك على نومه !