Su 🦅.

كلنا كَلّ قمر لهو جانب مظلم🌒.

[شعر @mg_3u]

يالله يامعطي العطايا مراديف
ياللي ما تلحق مد جودك بمنّه

ترزقني الخيره وزين التصاريف
ورضاك يوم رضاك مفتاح جنة ..

[ᴴᴬᴹᴺᴵ @3bhtt]

إي والله انّي آخافك وآمنك وانّي
احبك .. من اول الدنيا ليا آخرها

قل للزمن يبتعد لا يبعدك عنّي
وقل للمشاوير توقف لا نسافرها

وانقذني ارجوك من تخميني وظنّي
تعبت أكبر وساويسي واصغرها

اجيك مرهق ومتضايق ومتعنّي
واروح ودموع عيني عنك ساترها

ودّي اعلمك بـ همومي ولكنّي
اخاف اعلمك فيها .. ما تقدّرها

وانا حياوي وطبعي من صغر سنّي
افارق الناس .. قبل اجرح مشاعرها

آحس باحساس تعبّني وجننّي
ليت الاحاسيس تتصوّر واصورها

ودّي تشوف بعيونك كيف تحزنّي
فكرة : لو تصير ذكرى واتذكّرها

خذني على قد تفكيري وطمنّي
واحلف وكثّر من حلوفك وكررها

احتاجك تكون حاجه ضايعه منّي ،
ذخرتها لجل بـ انسى وين ذاخرها ؟

يمكنّي اخاف لا اخذها ويمكنّي
ضيّعتها من يدي عشان ادورها
#محمد_جار_الله

[معكاز شعر @M3kkaz]

ساكت لاني مقتنع في سكوتي
لان الحكي ما يوم رد الذي راح

واللي كتب رزقي وحظي وموتي
قادر يعوضني عن الحزن بافراح .

[قروب اشعار @aShi3ar]

تقدم على وضح النقى واضرب الميدان
ولا تلتفت يا عاشق المجد والقمه

تنّهض سوات الطير واصهل صهيل حصان
ولا يزعجك صفق الهبايب ولا الغمه .

[ٰ @shkuser]

لا تفكر فيه غيرك قد ينال اعجابي
كم وكم من رمش يغمزلي ولا ناظرته

مابذا عشق بدوي هذا غرام اعرابي
كل يوم يزود لين اموت ماعيرته

القصايد والشعور وقلبي العزابي
والجوارح ممتلكها والعقل حيرته

انت بنكٍ للغرام وصرت فيك مرابي
كل ما اربح ربح لحساب الغلا جيرته

[معكاز شعر @M3kkaz]

لا ضاعت الخوّه من يدين الانذال
يبقى لها عند النشاما بقايا

وان خرّبوا سمعة هل الطيب جهّال
سقنا المراجل مثل سوق المطايا .

[قروب شعر @Group_she3er]

زاهدين بكل شي إلا الفضيلة
و راضيين بكل شي إلا المذلة

و إن طمعنا ما طمعنا إلا بـ ليلة
من ليال العمر تسوى العمر كله

[سـٌدآح .. @1874th]

لأجل الغلا الأولي و إحساسه الباقي
كل الأماكن معك تستاهل العنوه
َ
لا زلت بأعماق من بمحبتك باقي
و لا زال قدرك عزيز و شوفتك منوه ")

[سعود بن مبارك @Saud_almshly_]

انطوى الليل والعين الشقيّه شقيّه
باقيٍ في طرفها وحشةٍ من عتيمة

طاحت دموعها في راح كفي نديه
دمعتينٍ كريمة في يمينٍ كريمة

يا وجودي وأنا مانيب أحفظ الوصيه
شفت ما عفت لكن ماعطيت الخريمة

مع طريق الهوى سقّت الجمل والمطيه
لين حفّيت سماريها وقد هي محيّمة

كان قلبي على خبري عزومه قويه
كيف يرضى على مثلي ومثله هزيمة

كيف سادت على صهوة غرورة بنّيه
كل ما صد عنها تلّته بـ الشكيمة

طفلةٍ من خليط الكبر والنرجسيه
جات من صلّب بدر وجات من بطن غيمة

مدّها الحظ من عمق المواجع هديه
كنه يغفر ذنبه فـ السنين القديمة

في لقاها تلّعثمت ونسيت التحيه
المقام أكبر مْن القول وأعز قيمة

ضاع كل الكلام وماتت الأبجديه
واللغة في لقا العشاق تصبح عقيمة

ليتها يوم ترسم لي حدود الخطيه
ماتثنى تحت ثوب النقى و الحشيمة

ما أقدر أقتل بريق الضحكة الشاعريه
قسوه آدم على حوى تراها جريمة

والهوى لو توطيه النفوس الرديه
يرتقي به عزيز النفس صلب العزيمة

أنتي أخر عناقيد الفرح يا بنيه
قبّليني علشان أعترف بـ الهزيمة

[Su 🦅. @suli_H]

بعض الغلا يكسر جميع القوانين
يصعب على جور الزمان اعتراضه .

[ِ @rh_em98]

تبخري بـ الزين وارهي بخوره
خليه يسري بين سودّ الجدايل

عزالله أن المسك فاح بـ عطوره
من حول عنق الزين والزين هايل

[Su 🦅. @suli_H]

عيد السنه عيدين بحساب الأرقام
وانت الهنا وأعياد عمري وروحي

عيدي مبارك فيك يا عيد الأيـام
حلوه سنيني فيك يا عيد روحي.

[Su 🦅. @suli_H]

إنت المهم ومن ملا قلبي أهيام
حبيت أهنيك يا هواي وطموحي

عيد السنة عيدين بحساب الأرقام
وإنت الهنا وأعياد عمري وروحي.

[Su 🦅. @suli_H]

أشوفك سحابٍ في مجيّه حيا و أمطار
وأشوفك مجي القوم والحرب و السلّه

و أشوفك نهارٍ ماتوارى عن الأنظار
يا عنّك إني أفضّل شموسه على ظلّه

تعال إن بدأ لك في دروبي ضحى وديار
هذا الصدر مرتع وأنت خابره وتْدلّه

وخذ أول شبابي عمر لاشحت الاعمار
وإذا كان مايكفي فداك العمر كلّه .

[Su 🦅. @suli_H]

المحبّة قبل اعرفك شي عادي واعتيادي
بس عقبك والله انها في نظر عيني عظيمة

ودي احطك وسط عيني واغمض لا ارادي
من كثر خوفي عليك من الصواديف الأليمه.

[Su 🦅. @suli_H]

اعتبر من يقول فيه منك اربعين
ياردّي عقل ولا في عيونه عما

انت مالله خلق منك سوا نسختين
نسخةٍ فوق الارض، ونسخةٍ فالسماء.

[Su 🦅. @suli_H]

الحاجه اللي ماتجينا على الكيف
عسى عوضها دعوّةٍ مستجابه .

[Su 🦅. @suli_H]

سقنا فعول الطيب لو الزمن شاح
على الوفا بروس المراقيب نرقى

لا احدٍ يقول ان الوفا بالزمن راح
دور ومن دور مع الناس يلقى .

[قروب شعر @Group_she3er]

لو تسال عيوني عن حدود التمني
قالت لقى وجهك وجلسه قبالك.

[Su 🦅. @suli_H]

أما تجي صافي مثل ما عهدناك
ولا الجفى دربه وسيع وتدلّه .