Dr. Sumiya

Валю инвестинг, Эрүүл хэв маяг,
Cardiologist, PhD, MNUMS

[Dr. Sumiya @sumiyamgl]

Фэйсбүүк сервер унаад байх шиг байна тэ?

[Dr. Sumiya @sumiyamgl]

Монгол улс 2025 онд:
Монголын нийт экспортын орлого бол
50–60% нүүрс,
20–25% зэсийн баяжмал,
5–10% алт
Үлдсэн хувь төмрийн хүдэр, жонш болон бусад бүтээгдэхүүн ордог.
Зэсийн баяжмалын дийлэнхийг Оюутолгой, Эрдэнэт үйлдвэр ордог.

[Dr. Sumiya @sumiyamgl]

2605. Артерийн даралт ихсэх эмгэг залуусд цөөнгүй тохиолдож байна.
Артерийн даралт ихсэх эмгэг ахимаг насанд тохиолддог эмгэг гэдэг боловч сүүлийн үед залуусын дунд цөөнгүй ажиглагдах боллоо. Нэн ялангуяа даралт хэт ихэсдэг, хайхрамжгүй явсанаас улбаалж зүрхний булчин томорсон, бүр агших чадвар алдагдаж зүрхний дутагдал орсон залуус мэр сэр байна. Залуу болохоор тэр бүр шинж тэмдэг илэрдэггүй, артерийн даралт ихэссэн боловч ач холбогдол өгөхгүй, эмчид үзүүлж шаардлагатай бол эмээ уухгүй зэрэг олон шалтгаан энэ эмгэгийг хүндрэхэд хүргэж байна.
#зүрхнийцахилгаанбичлэг #артерийнгипертензи #зүрхсудасныэмгэг
https://t.co/jzcCGB9EEk

[Dr. Sumiya @sumiyamgl]

Би номныхоо пиар гэж гурилтдаг юм шиг байна. Зарим нь номныхоо пиар айхтар хийж байх чинээ ✊.

[Dr. Sumiya @sumiyamgl]

https://t.co/8OR2aPboWe

[Dr. Sumiya @sumiyamgl]

Энэ hantavirus эвгүй вирус байх чинь. Яагаад гэвэл судасны эндотелийн β3 integrin хэмээх рецептортой холбогдоно. Улмаар уушиг хавагнуулах, даралт унах байдлаар хүндрэлд хүргэдэг тул хоруу чанар өндөр. Одоо хүнээс хүнд халдварлах чадвартай нь батлагдаж байх шиг байна. Энэ вирусын халдварлах чадвар нэмэгдвэл хэцүүхэн зүйл болох боловч цаг хугацаа харуулах байхдаа 📷.

[Dr. Sumiya @sumiyamgl]

2605. Хэм алдагдал үүсэх, зүрхний бичлэгээр оношлох тухай? #reels #shorts
Зүрх хэмээх эрхтэн өөрөө сэрэл үүсгэж, сэрлээ дамжуулж, бүх эсдээ хүргэж нэгэн жигд агшилт хийдэг эрхтэн. Тэгэхээр хэм алдагдал гэдэг бол хэвийн зүйл алдагдаж сэрэл үүсэх эсүүдээс сэрэл үүсэхгүй байх, сэрэл дамжуулалт алдагдах, сэрэл эмгэгээр үүсэх, сэрэл эмгэгээр дамжих зэргээр маш олон хэм алдагдлын эмгэгийг үүсгэдэг. Энэ хэмийн талаарх хамгийн их мэдээлэл өгдөг шинжилгээ бол зүрхний цахилгаан бичлэг, тэр дундаа 24, 48 цагийн уртасгасан холтер байдаг.
#зүрхнийцахилгаанбичлэг #хэмалдагдал #холтермониторинг
https://t.co/pPTu9jRyWz

[Dr. Sumiya @sumiyamgl]

Зүрхний цахилгаан бичлэг гэж юу вэ? #reels #shorts
Зүрх бол зөвхөн булчинлаг эрхтэн гэж ойлгож болохгүй өөрөөсөө бичил цахилгааныг үүсгэж, цахилгааныг дамжуулж, зүрхний эс энэ цахилгаанаар сэрж нэгэн жигд агшилт хийдэг. Энэ бичил цахилгаан биеийн гадаргуугаар тархах үед электродын тусламжтайгаар бичиж бүртгэж буй аргыг бид зүрхний цахилгаан бичлэг гэдэг. Зүрхний цахилгаан бичлэгээр бид зүрх судасны 50 гаруй эмгэгийг оношлох боломжтой байдаг.
#зүрхнийцахилгаанбичлэг #зүрх #сэрэл
https://t.co/btA0F225C7

[Dr. Sumiya @sumiyamgl]

Артерийн дээд доод даралт гэж юу вэ? #reels #shorts
Монгол хүн тархинд цус харвах эмгэгээр хөдөлмөрийн чадвараа алдаж саа саажилттай болохоос гадна нас баралтанд хүргэж байна. Энэ тархинд цус харвах эмгэгийн томоохон шалтгаан бол артерийн даралт ихсэх өвчин юм. Артерийн даралт тайван үед удаа дараа хэмжихэд дээд даралт >140 мм.муб дээш, эсвэл доод даралт >90 мм.муб дээш байвал артерийн даралт ихсэх эмгэгтэй болж байнаа гэсэн үг. Ер нь өөрөө өвдсөн өвчин эмгэгийн талаар ойлголт мэдлэг сайн байх хэрэгтэй шүү.
#артерийнгипертензи #артерийндаралт #эрүүлхэвмаяг
https://t.co/4UKyk9tvgp

[Dr. Sumiya @sumiyamgl]

Цаг алдахгүй 24 цагийн холтер зүрхний бичлэг хийлгэж зүрх судасны эмчид үзүүлж зөвлөгөө авах хэрэгтэй.
#хэмалдагдал #хэмалдагдал #беавермедэмнэлэг
24, 48, 72 цаг ба 5, 7 хоногийн холтер ЗЦБ хийлгэх, зүрх судасны эмчийн зөвлөгөө авах бол 80857724 утсаар цаг авах, эсвэл чат бичнэ.
https://t.co/YNBUwUtNAV

[Dr. Sumiya @sumiyamgl]

2604. Гүйх хэв маягтай хүмүүс судалгаагаар урт наслах боломжийг нэмэгдүүлдэг #reels #shorts
Улаанбаатар хотод марофон зохиогдоод энэ гүйлтэнд оролцох гэсэн залуус хүмүүс хаа сайгүй гүйгээд үнэхээр сайхан байна. Урт наслах үндсэн философи бол эрүүл хэв маяг юм. Тэр дундаа спорт дасгал хөдөлгөөн бол юугаарч орлуулшгүй эм гэдгийг сайн мэдэх бизээ.
(Интерном https://t.co/cjVdehsdBh).
#зүрхсудас #гүйхдадал #эрүүлхэвмаяг
https://t.co/zZjCLHgjSr

[Dr. Sumiya @sumiyamgl]

2604. Зүрхний дэлсэх буюу зүрхний цохилтын олшрох үед яах вэ?
Зүрх хэвийн үед 1 мин 60-80 цохилт цусыг бүх биеэр тараадаг. Хэрэв зүрхний цохилтын тоо 1 мин >90 дээш болж өөрчлөгдвөл зүрх дэлсэх буюу зүрхний цохилтын тоо олширдог. Зүрхний цохилтын тоо олшрохыг эрүүл, эмгэг, хэм алдагдлын шалтгаантай дэлсэлт хэмээн ангилдаг. Эрүүл дэлсэлт бол симпатик мэдрэл идэвхжих, стресстэх, ачаалал авахад дэлсдэг. Эмгэг гаралтай шалтгаанд бамбай булчирхайн хордлого, цус багадалт, үрэвсэлтэй байх зэрэг зүрхний бус шалтгаан орохоос гадна зүрхний шалтгаан болох зүрхний дутагдал, ишеми, хавхлагын эмгэгийн улмаас дасан зохицох гэж дэлсдэг. Хэм алдагдлын шалтгаанд бол зүрхний цохилтын олшруулах төрлийн хэм алдагдал орно.
Энэ үед эмч бид нар 24, 48, 72 цагийн холтер, зүрхний эхо хийлгэхийг зөвлөдөг.
#зүрхдэлсэх #холтераппарат #тахиаритми
24, 48, 72 цаг ба 5, 7 хоногийн холтер ЗЦБ хийлгэх, зүрхний эхо хийлгэх бол 80857724 утсаар цаг авах, эсвэл чат бичнэ.
https://t.co/b3LYTa78OF

[Dr. Sumiya @sumiyamgl]

Ерөнхийлөгч > Ерөнхий сайд > Парламент юм болоод явчих шиг боллоо.

[Dr. Sumiya @sumiyamgl]

Зозо мундаг юмаа шинэ зеаландын хүчирхэг багийг буулгаж авлаа.

[Dr. Sumiya @sumiyamgl]

2603. Зүрхний хэм алдагдах үед ямар шинж тэмдэг илэрдэг вэ?
Сүүлийн үед хэм алдагдал их тохиолдох боллоо. Яагаад гэвэл зүрх цочроох, гэмтээх, зүрх судасны эмгэгийн үед хэм алдагдал үүсч болдог. Тухайлбал, хоолойн ангина зүрхэндээ орох үед зүрхний хавхлага, доторх гадаргууд бичил үрэвсэл өрнөж байдаг, ковид халдвар авсан үед зүрх судасны доторх давхаргад бичил үрэвсэл үүсэх боломжтой байдаг. Яагаад гэвэл эмгэгжамын нөлөөгөөр бичил үрэвсэл үүсч зүрх цочирдог. Одоо ковид хамар залгиур хоолой барьсан ханиад байдлаар балархай хэлбэрээр өвдөж буйг үгүйсгэхгүй. Энэ үед эмгэгжамаараа зүрхийг цочроож бичил үрэвсэл үүсгэх боломжтой.
Хэм алдагдах үед зүрхний цохилт жигд бус болох, зүрхний цохилт 50 доош бага болох, шууны артерийн судсыг тэмтрэхэд жигд бус цохилох, зүрх эвгүй оргих дультчих зовиур илрэхээс гадна толгой эргэх, зүрхний цохилт гэнэт нэмэгдэх, дотор муухайрах шинж олонтаа ажиглагдаж байна. #хэмалдагдал #холтераппарат #беавермедэмнэлэг
24, 48, 72 цаг ба 5, 7 хоногийн холтер ЗЦБ хийлгэх, зүрх судасны эмчийн зөвлөгөө авах бол 80857724 утсаар цаг авах, эсвэл чат бичнэ.
https://t.co/MMWmcQyMGn

[Dr. Sumiya @sumiyamgl]

2603. Үнэ цэнэтэй хувьцааг хэзээ авбал тохиромжтой вэ?
Уоррен Баффет ах хэлдэгдээ, үнэ цэнэтэй хувьцааг боломжийн үнээр авч урт хугацаанд хөрөнгө оруул. Яагаад гэвэл бид хувьцааны зах зээлээс ханшийн өсөлт, мөн ноогдол ашиг хэмээх хоёр зүйлээр ашиг хүртдэг. Тэгвэл үнэ цэнэтэй хувьцаа буюу бизнесийг боломжийн үнээр авахын тулд дараах зүйлийг баримтлах хэрэгтэй юм байна.
1. Эдийн засагч суларч хувьцаа хямдаар үнэлэгдэх үед ахиу аваад байвал нэг өдөр алт болно. Яагаад гэвэл эдийн засагч хямарсан үед биржийн индекс буурч үнэ цэнэтэй хувьцааны үнэ сулардаг.
2. Ноогдол ашиг тараах бүртгэлийн өдрийн дараа хувьцааны үнэ унадаг. Монголд бол шорт арилжаа хийдэг нөхдүүд ашгаа аваад гарах буюу авсан хувьцаагаа зарах үед хувьцааны үнэ суларч болно.
3. Зах зээлийн хүлээлт, эдийн засгийн мэдээ, санхүүгийн тайлантай уялдуулж арилжаа хийж сурах хэрэгтэй.
Та нар ямар үед авдаг вэ?
#валюинвестинг #үнэцэнэ
https://t.co/ZnvtvLRxLn

[Dr. Sumiya @sumiyamgl]

Xiaomi компани 2011 онд анхны ухаалаг утсаа танилцуулж байсан үе. Өнөөдөр дэлхийн том технологийн брэндүүдийн нэг болжээ.
Stand on the shoulders of giants
Lei Jun

[Dr. Sumiya @sumiyamgl]

Батмагнай чацга алдсан,
Хангай халуурч унтаарсан,
Орхонбаяр мөөмөө хөхөхгүй хоносон гэнэ.
Хавар болохоор хүүхдийн тасаг бөхийн дэвжээ болчихдог юм байна, ирээдүйн аваргууд ихээр өвдсөн бололтой 🥳.
Үр хүүхдийнхээ гарыг сайн угааж, хааяа гадуур явахдаа маск зүүлгээрэй 🙏.
Ер нь манай бөхчүүд яагаад ийм том биетэй болдог юм бол?
1️⃣ Ген
2️⃣ Хоол
3️⃣ Сүү
Та нарын бодол?

[Dr. Sumiya @sumiyamgl]

2603. Зүрхний шигдээсийн үед цаг хугацаа алдаж болохгүй? #reels #shorts
За манай оюутнууд хийжээ, зүрхний цочмог шигдээсийн үед дараах 9 шинжийн олонх нь илэрч байвал зүрх судасны эмчид үзүүлэх эсвэл ойр байрлах эмнэлэгт зүрхний цахилгаан бичлэг хийлгэх хэрэгтэй. Яагаад цаг хугацаа алдаж болохгүй вэ гэвэл зүрхний булчин үхжиж байдаг юм. Өөрөөр хэлбэл зүрхийг тэжээх титэм судас бөглөрөх, цочмогоор нарийсах үед цусан хангамж гэнэт хомсдож зүрхний булчин тэжээл авч чадахгүй болно. Бид эмийн сан орж эм ууж аргацааж цаг хугацаа алдах нь зүрхний шигдээс хүндрэх, нас баралтыг нэмэгдүүлэх эрсдэлтэй.
Ц.Сумъяа эмчээ дэмжихийг хүсвэл эрүүл хэв маяг номоо унших боломжтой.
(Интерном https://t.co/cjVdehsdBh).
#зүрхнийшигдээс #зүрхээрөвдөх #эрүүлхэвмаяг
https://t.co/whWynGzSXK

[Dr. Sumiya @sumiyamgl]

2603. Нүүдэлчид соёлтой бид алдах магадлал ихтэй байж болох юм.
Бид санхүүгийн боловсрол дутмаг тул янз бүрийн койн, сүлжээ энэ тэр зүйлд мөнгөө алддаг. Бид сонирхогч биш хирнээ мэргэжлийн юм шиг гайхалтай хөрөнгө оруулалт хийж нэг дор их мөнгө олохыг эрхэмлэдэг. Урд хөршийн соёл шиг ямх ямхаар ахих бодол төлөвшөөгүй нэг дор их ашиг олох юм шиг бодож сэтгэж байдаг. Аргагүй биздээ эрт дээр үед урд хөршөө дайлаар мордоод гэнэт их ашиг олоод сурсан биз.
Мэргэжлийн том анализ хийдэг хүмүүс хэлдэг сонирхогч бол алдаа бага гаргах хэрэгтэй, тэд гайхалтай хөрөнгө оруулалт хийж гэнэт ашиг хийх тухай бодох хэрэггүй. Бид гэнэт их ашиг хийх тухай бодох тусам ихээр алдах буюу эрсдэл их юм. Гайхалтай хөрөнгө оруулалтыг мэргэжлийн хүмүүс хийдэг яагаад гэвэл тэд маш сайн судалж 7 хэмжиж 1 огтолдог хүмүүс. Иймд сонирхогч нар бол алдахгүй байх тухай бодох хэрэгтэй, гайхалтай гэх зүйл битгий бод гэж. Бид хөрөнгө оруулалт, санхүүгийн боловсролд эхэлж суралцах урлаг болох эхлээд алдахгүй байхад болно. Яагаад гэвэл олохоосоо илүү алдах нь их бол олоод ч хэрэггүй гэсэн үг юм.
#валюинвестинг #нүүдэлчинсоёл