سُندس

أخدة تويتر فشة خلق مو أكتر #Artist ٢٠٢٤-١٢-٨ | أربع وعشرون عام من الأمل

[سُندس @sund00]

عندي عالواقع يلي بكفيني من أشغال وجدية وعلاقات اجتماعية وصداقات وأنشطة مفيدة وبتهمني لهيك لا تتوقع مني هون عتويتر قدم شي مهم أو جدي أنا هون لقضي وقتي الفاضي بشغلات ما بتفيد

[سُندس @sund00]

يلي ما بضحك هو حدث مهم واحد اني عملت عملية ما كنت بتوقع 1% انه اعملها ويصير معي هيك شي أو عيش هيك حدث وهيك ضعف

[سُندس @sund00]

يلي بضحك انه مافي شي مهم صار بحياتي من لما سحبت ولحد هي اللحظة

[سُندس @sund00]

عقلي عم يخبرني انه شكله عُدنا لنبربر ونحكي ونشكي هون أنا وشخصياتي الخمسين والله أعلم

[أنس الدغيم @anasaldogheim]

قالوا: فرِحتَ؟ نعم فرِحتُ وهاجَني
مَوتُ الطُّغاةِ ومصرَعُ العُمَلاءِ
اليومَ يفرحُ كلُّ حُرٍّ صادقٍ
والحُزنُ حَظُّ السُّوقَةِ الجُبَناءِ
فالحمدُللهِ الذي مِن شَأنِهِ
أن يضرِبَ الأعداءَ بالأعداءِ

[سُندس @sund00]

- تسهر مع الأحلام التي تمنت يومًا أن تتحقق وسحقتها الظروف الحالية والأمر الواقع من أجل عيش حياة عادية تميل لنوع من الاستقرار الفظ المُنهك،
حيث أن تحقيق الأحلام أصبح رفاهية لا تمتلكها هنا وان حققتها لربما تغرق وتغرق في حياة تُكافح بها ألف مرة لوحدها -

[سُندس @sund00]

كل ما بشوف ستوريات لحدا رايح عمرة بتدمع عيوني بدون ما حس..
يارب تطعمني ياها مع أهلي عن قريب

[سُندس @sund00]

@Fatimash82 شكرًا لأن كل ما بحس حالي رجعت خطوة
بشوف مسجاتك وبرجع بمشيا لقدام
ما بتعرفي قديه تأثير كلماتك هو شي عظيم بالنسبة لسندس 🤍

[سُندس @sund00]

مين هاد يلي طلع وحدد توقيت معين لأنه الإنسان يعمل شي بفترة من فترات حياته أو بعمر محدد؟ مين؟ كرماله لله عطوني هاد الدستور لشوفه اذا فعلًا حقيقي.. والله قرفتونا عادي خلينا نعيش حياتنا ببطء ما رح يروح علينا شي، وان راح
الله معه مو من نصيبا وخلص بقا

[سُندس @sund00]

بعرف انه صعب بالوقت الحالي، بس ما بيعني انه رح يكون صعب بالمستقبل أو بعد سنين
الصبر هو مفتاح كل شي، ورح حاول اني اصبر.. وبتمنى جدًا اني ارتقي بصبري هاد لحتى ياخدني للرضا واني جد بنهاية المطاف ارضا

[سُندس @sund00]

شو تكنولوجيا والله لنسبق الدول الأوروبية
رجعونا على تقديم الطلب ورقيًا اذا ما عندكم كادر ولا سستم شغال
لساتني بأول مرحلة ولسا ما تأكد لسا في الدفع والرغبات
عهل الحالة ان شاء الله بخلص تسجيل بمفاضلة سنة 2027

[سُندس @sund00]

ما بيلبقلنا بهل البلد التطور لا والله..
قال تسجيل الكتروني قال 🤦‍♀️
بيتأكد حسابي من هون للسنة الجاية ان شاء الله ولا بلا ما اتفاءل؟
- صرله يومين قيد المراجعة -

[سُندس @sund00]

حاسة انه كل أمنياتي رح تتحقق هالسنة
وكل شي كنت متمنية جربه رح اقدر أعمله
مجرد الإحساس بس خلاني حس بالجبر كيف ما يصير عنجد
راضية يا الله بكل قضاءك وبكل الخطوات يلي رح تيسرها لألي،
اخترلي ولا تخيرني ورح كون راضية حتى ولو خالف مطلبي
الحمد لله على العطاء والمنع الحمد لله

[رُفيدة @__Rofaida__]

لطالما كانت يَديّ مشدودة حول مِقبض حقيبة سفر غير مرئية،
كنتُ دائمًا مستعدة للمغادرة، لا توجد غرفة واحدة في هذا العالم أَنتمي إليها.

[سُندس @sund00]

@AsS1471865 لكل الاختصاصات
حتى الدبلوم

[سُندس @sund00]

ما بيلبقلنا بهل البلد التطور لا والله..
قال تسجيل الكتروني قال 🤦‍♀️
بيتأكد حسابي من هون للسنة الجاية ان شاء الله ولا بلا ما اتفاءل؟
- صرله يومين قيد المراجعة -

[سُندس @sund00]

@trryinghuman لا ما دخل
معلوماتي كلها صح
بس قال في ضغط عالسستم

[سُندس @sund00]

اختصار عطلتي : لقاءات عائلية + نوم نايمة كل اليوم

أنجزت شي؟ طبعًا لا بس مو مشكلة أصلًا العطلة للراحة مو للإنجاز، شكرًا يا أنا لأن أخيرًا فهمتي هاد الشي وعشتيه بحياتك دون جلد ذات 💖

[سُندس @sund00]

في خطوة بدي أقدم عليها بس كتير مترددة وما عرفانة أخد قرار لأنه جد اذا بتصير فهي رح تكون صغبة مع كل الالتزامات يلي بحياتي
بس كمان مافيني فوتها لأن عندي رغبة كبيرة كتير فيها ورح تكون خطوة لتحقيق اهداف كتير كبيرة بالنسبة لألي
اللهم اختر لي ودبر لي أموري فإني لا أحسن التدبير..

[سُندس @sund00]

كل دعواتي الصغيرة (العظيمة بقدر صغرها)عم تحقق هالفترة منها تمديد العطلة وقصص تانية، وحاليًا عندي أمنية أو دعوة انه تتلج عنا واطلع وحقق حلم الطفلة يلي جواتي بإنها تعمل رجل ثلج.
هل رح تتحقق؟ ممكن اي وممكن لاء، لأن أنا بأبئس بقعة (كل 10 سنة لتتلج مرة) ولكنّ مافي شي مستحيل.

[بَلاغَة @Blagha1]

أبطالنا عبروا مأساة أمتهم
ونحن في كفنِ الألفاظ نحتضرُ

وددتُ لو كنتُ يوماً في مواكبهم
أو ليتني كنت جسراً حينما عبروا

أ.د عبدالعزيز المقالح رحمه الله