Susan Kharel

Only god can judge me, Others please don't waste your time.

[Rabi Lamichhane @hamrorabi]

असत्यमाथि सत्यको, अन्यायमाथि न्यायको विजयको शाश्वत सन्देश बोकेको नेपालीहरूको महान् चाड बडादशैँ (विजयादशमी), २०८३ को पुनीत अवसरमा म मेरो व्यक्तिगत तथा राष्ट्रिय स्वतन्त्र पार्टीका तर्फबाट स्वदेश तथा प्रवासमा रहनुभएका सम्पूर्ण आदरणीय आमाबुवा, दाजुभाइ तथा दिदीबहिनीहरूमा सुख, शान्ति, सुस्वास्थ्य, समृद्धि र उत्तरोत्तर प्रगतिको हार्दिक मङ्गलमय शुभकामना व्यक्त गर्दछु।

यस वर्षको बडादशैँ हामी विपत्ति र शोकको घडीमा मनाउँदै छौँ। धेरै नागरिकले अमूल्य जीवन गुमाउनुपरेको छ भने हजारौँ परिवार घरबारविहीन र विस्थापित भएका छन्। यस दुःखद घडीमा ज्यान गुमाउनेहरूप्रति भावपूर्ण श्रद्धाञ्जली अर्पण गर्दै, शोकाकुल परिवारजनमा गहिरो समवेदना व्यक्त गर्दछु। सङ्कटको यस संवेदनशील परिस्थितिमा मलाई विश्वास छ विजयादशमीको यस महान् पर्वले हामी सबैमा सकारात्मक ऊर्जाको सञ्चार गर्दै सिङ्गो नेपाली समाजलाई विगतभन्दा अझ सुदृढ र अभूतपूर्व एकताको सूत्रमा बाँध्न सफल हुनेछ।
नवदुर्गा भवानीले हामी सबैलाई आफ्ना व्यक्तिगत स्वार्थभन्दा माथि उठेर, राष्ट्र र जनताको सर्वोपरि हितमा निस्वार्थ भावले समर्पित हुने शक्ति, सद्बुद्धि र जस्तोसुकै सङ्कटसँग जुध्ने अदम्य साहस प्रदान गरून्। असत्यमाथि सत्यको विजयको यस महान् पर्वले हामीलाई निराशाबाट आशातर्फ र विपत्तिबाट नवनिर्माणतर्फ लम्किन नव ऊर्जा प्रदान गरोस्।

सकारात्मक ऊर्जा र नयाँ आशासहित, बडादशैँको हार्दिक शुभकामना !

[Mahabir Pun @MahabirPun]

🇳🇵गोरखा जिल्लाको बुढीगण्डकी नदीमा आएको बाढीमा परेका ब्यक्तीहरुको उद्धार र सहयोगको लागी नेपाल सरकारले राष्ट्रिय विपद ब्यबस्थापन प्राधिकरण (NDRRMA) मार्फत निम्न कदमहरु चाली सकेको छ।🙏

१. हालसम्म नेपाली सेनाको १२७ जना, नेपाल प्रहरीबाट ८३ जना र शसस्त्र प्रहरी बलबाट १७७ जना सुरक्षाकर्मी परिचालन भएको।
२. घटनाको कारण पत्ता लगाउन ३ जनाको ड्रोन तथा भूगर्भविद्सहितको टोली परिचालन भएको।
३. नेपाली सेनाको ३ वटा Special Force खोज र उद्धारको लागि परिचालन भएको।
४. सडक विभागको महानिर्देशक सहित स्थानीय पूर्वाधार विकास विभागको महानिर्देशकको टोली सडक तथा पुल Inspection का लागि गएको।
५. उद्धारको लागि नेपाली सेनाको ४ वटा हेलि परिचालन भएको
७. तत्काल अत्यावश्यक राहत सामाग्रीका लागि सडक र हेलिबाट सामाग्री ढुवानीको कार्य भैरहेको।
८. Rapid Assessment को लागि सम्वन्धित विज्ञ र विभागीय प्रमुख लाइ Drone सहित Helicopter मा प्रभावित क्षेत्रमा पठाउने तयारी भैरहेको।
९. प्रदेशवाट स्वास्थ्य टोली परिचालित भएको।
१०. सडक मार्ग बाट यात्रा मा रहेका यात्रुहरू लगायत (Stranded population) लाई अल्पकालीन व्यवस्था र सहयोग गर्न स्थानीय तह सँग समन्वय भएको, Rescue गर्नुपर्ने व्यक्तिहरूको विवरण प्राप्त हुदै गरेको र सो विवरण अद्यावधिक गरीएको प्राथमिकता का आधारमा उद्दार को तयारी हुदै गरेको ।
११. प्रारम्भिक क्षतिको विवरण संकलन भइरहेको।
१२. आरुघाट क्षेत्रका मानिसहरुलाई आवश्यकताअनुसार उद्धारको व्यवस्था गर्ने कार्य भइरहेको।🇳🇵🇳🇵🇳🇵🙏🙏🙏

[Gagan Thapa @thapagk]

आज बिहान बूढीगण्डकी नदीमा आएको बाढीले गोरखाको चुमनुब्री क्षेत्रमा ठूलो क्षति पुर्‍याउनुका साथै न्याक्चेत–फिलिम र धादिङ–गोरखा जोड्ने पुलसमेत बगाएको खबरले दुःखी बनाएको छ।

बूढीगण्डकीदेखि त्रिशूली नदी किनारसम्मका तटीय क्षेत्रमा रहेका नागरिकलाई उच्च सतर्कता अपनाउन, सुरक्षित स्थानमा रहन र स्थानीय प्रशासनको निर्देशन पालना गर्न हार्दिक अनुरोध गर्दछु।

यस विपद्को घडीमा प्रभावित नागरिकको उद्धार, राहत तथा आवश्यक सहयोगमा सक्रियतापूर्वक जुट्न पार्टीका सम्पूर्ण साथीहरूलाई अपिल गर्दछु।

[Ramesh Kharel @rameshpkharel]

मेरो सुन्दर गाउँ, देवभूमि पाँचखाल।
तस्बिर आफैं बोल्छ।

[डा. भावना घिमिरे❤️🇳🇵 @ghimirebhawana9]

आदिदेव नमस्तुभ्यं प्रसीदमम् भास्कर ।
दिवाकर नमस्तुभ्यं प्रभाकर नमोऽस्तु ते ॥

ॐ मित्राय नम:
ॐ रवये नम:
ॐ सूर्याय नम:
ॐ भानवे नम:
ॐ खगाय नम:
ॐ पूष्णे नम:
ॐ हिरण्यगर्भाय नम:
ॐ मरीचये नम:
ॐ आदित्याय नम:
ॐ सवित्रे नम:
ॐ अर्काय नम:
ॐ भास्कराय नम:

#जय_हिन्दू_राष्ट्र🇳🇵🍀🌹🌺🙋‍♀️

[Gagan Thapa @thapagk]

प्रा. डा. सुरेशराज शर्माको निधनको खबरले दुःखी बनाएको छ।

नेपालको प्राविधिक तथा उच्च शिक्षाको विकासमा उहाँले पुर्‍याउनुभएको योगदान र काठमाडौं विश्वविद्यालयको स्थापनादेखि त्यसलाई संस्थाका रूपमा उभ्याउन उहाँले देखाउनुभएको दूरदृष्टि सदैव स्मरणीय रहनेछ।
उहाँले देखाउनुभएको बाटो र दिनुभएको शिक्षाले भावी पुस्तालाई पनि निरन्तर दिशानिर्देश गरिरहनेछ।

दिवंगत आत्माको चिरशान्तिको कामना गर्दै शोकसन्तप्त परिवारजन, आफन्त तथा उहाँका विद्यार्थी र शुभेच्छुकहरूप्रति हार्दिक समवेदना व्यक्त गर्दछु।

भावपूर्ण श्रद्धाञ्जली।

[Balen Shah @ShahBalen]

आज बुद्धबार असोज ७ गते विज्ञान विभागका अनुसार पर्सि असोज ९ गते शुक्रबारदेखि असोज ११ गते आइतबारसम्म देशका विभिन्न स्थानमा मेघगर्जन, चट्याङ, हावाहुरीसहित भारीदेखि अति भारी वर्षाको सम्भावना रहेको छ।

गण्डकी र लुम्बिनी प्रदेशका केही स्थानमा भारीदेखि अति भारी वर्षा तथा एक/दुई स्थानमा अति भारी वर्षा हुन सक्ने पूर्वानुमान गरिएको छ।

साथै, कोशी, बागमती, मधेश, कर्णाली र सुदूरपश्चिम प्रदेशका केही स्थानमा समेत भारीदेखि धेरै भारी वर्षा हुन सक्ने सम्भावना रहेको छ।

मौसम प्रणालीको प्रभावका कारण गण्डकी प्रदेशको पोखरा आसपास, लुम्बिनीको पहाडी तथा तराई क्षेत्र, कोशीको ताप्लेजुङलगायत हिमाली भूभाग, बागमतीको पहाडी खण्ड, कर्णालीको जुम्ला आसपास तथा सुदूरपश्चिमका पहाडी क्षेत्रहरूमा बाढी, पहिरो, डुबान तथा सडक अवरोधको जोखिमप्रति विशेष सतर्क रहन आवश्यक छ।

सम्भावित वर्षाका कारण बाढी, पहिरो, गेग्रान बहाव, डुबान तथा सडक र हवाई यातायातमा समेत अवरोध हुन सक्ने भएकाले सम्पूर्ण नागरिकलाई आवश्यक सावधानी अपनाउन अनुरोध गर्दछौँ।

साथै पानी परिरहेको समयमा तथा रातिको समयमा सकेसम्म राजमार्गमा यात्रा नगर्न अनुरोध गर्दछौ । पहिरो तथा बाढीको जोखिम भएका क्षेत्र, नदी तथा खोलानजिकका क्षेत्रमा विशेष सतर्कता अपनाउन अनुरोध छ ।

ट्रेकिङ तथा हिमाली क्षेत्रमा जाने योजना बनाउनुभएका व्यक्तिहरूले मौसम सुधार नभएसम्म यात्रा स्थगित वा पुनर्विचार गर्नुहोला ।

मौसम विज्ञान विभाग तथा स्थानीय प्रशासनबाट जारी हुने सूचनाहरू नियमित रूपमा हेर्न र आवश्यक अवस्थामा सम्बन्धित निकायको निर्देशन पालना गर्न समेत अनुरोध गरिन्छ ।

सम्भावित विपद् जोखिम न्यूनीकरणका लागि सम्बन्धित निकायहरूलाई आवश्यक तयारी, समन्वय तथा पूर्वसतर्कता अपनाउन आग्रह गरिएको छ।

सम्पूर्ण नागरिकलाई सुरक्षित रहन, सचेत बन्न तथा आवश्यक सावधानी अपनाउन हार्दिक अनुरोध गर्दछौँ।

[Rabi Lamichhane @hamrorabi]

आदरणीय दिदीबहिनी तथा दाजुभाइहरू, अनि विशेषगरी देशको भविष्य आफ्नै काँधमा बोकेर उभिएको ऊर्जावान् युवा पुस्ता !

ठिक एक वर्षअघि आजकै दिन नेपाली इतिहासमा एउटा नयाँ जागरणको विस्फोट भएको थियो। वर्षौंदेखि जरा गाडेर बसेको भ्रष्टाचार, दलीय भागबन्डा, संस्थागत अक्षमता, नागरिकका मौलिक अधिकारमाथिको नियन्त्रण र अवसरविहीनताले सिर्जना गरेको निराशाविरुद्ध नेपालको सचेत युवा पुस्ता (जेन्जी) शान्तिपूर्ण तर दृढ सङ्कल्पका साथ सडकमा उत्रिएको थियो।

आज, राष्ट्रिय स्वतन्त्र पार्टी (रास्वपा) र मेरो व्यक्तिगत तर्फबाट उक्त आन्दोलनको वास्तविक मर्मलाई स्मरण गर्दै केही कुरा राख्न चाहन्छु।

एक थोपा पनि रगत नबगाई पार्टी स्थापना गरेका हामीलाई, परिवर्तनको आवाज बोल्दा युवा पुस्ताको रगत बगेको देख्नु सबैभन्दा पीडादायी क्षण हो। भाद्र २३ र २४ गते यो देशमा जे भयो, त्यो अब कहिल्यै नदोहोरियोस्। परिवर्तनका लागि अब यो देशमा कुनै पनि आमाको काख नरित्तियोस् भन्ने कामना गर्दै नागरिक अधिकार, विधिको शासन र भ्रष्टाचारमुक्त समाजको माग गर्दै आवाज उठाउँदा जीवन गुमाउन पुगेका सम्पूर्ण अमर सहिदहरूप्रति म भावपूर्ण श्रद्धाञ्जली अर्पण गर्दछु। साथै, कर्तव्य पालनका क्रममा ज्यान गुमाउने अमर प्रहरीहरूप्रति पनि हार्दिक श्रद्धाञ्जली अर्पण गर्दछु।
आन्दोलनका क्रममा अङ्गभङ्ग हुनुभएका, घाइते हुनुभएका तथा मानसिक एवं शारीरिक चोट भोग्नुभएका सम्पूर्णप्रति सम्मान व्यक्त गर्दै, राज्यले सम्बन्धित परिवारको उचित हेरचाह, घाइतेहरूको पूर्ण उपचार र दीर्घकालीन पुनर्स्थापनाको दायित्व पूरा गर्नेछ भन्ने विश्वास दिलाउन चाहन्छु।

राजनीतिमा खासै चासो राख्दैन भनिएको युवा पुस्ता, जब शान्तिपूर्ण रूपमा सडकमा उत्रियो‌ त्यो परम्परागत राजनीतिक शैलीप्रतिको प्रस्ट 'अस्वीकृति पत्र' थियो। त्यो आन्दोलनले एउटा जबर्जस्त सन्देश दियो: यो पुस्ता डिजिटल युगमा हुर्किएको, विश्वव्यापी चेतना बोकेको, स्वाभिमानी र आफ्नै देशभित्र भविष्य खोज्ने पुस्ता हो र यसलाई अब कुशासन मञ्जुर छैन।

यो कुनै दल विशेषको आह्वानमा भएको आन्दोलन थिएन; यो पूर्णतः स्वस्फूर्त जागरण थियो। त्यसैले, कुनै पनि राजनीतिक दल वा नेताले यसलाई आफ्नो सङ्कुचित राजनीतिक लाभको औजार बनाउने दुस्साहस गर्नु हुँदैन।

हिजो सडकबाट नवयुवाहरूले सोधेका हरेक प्रश्नको जवाफ दिने ठाउँमा समयले आज हामीलाई उभ्याएको छ । र यो पनि सम्झाएको छ, हामीसँग पनि जवाफ माग्न भोलि फेरि कोही उभिनेछ ।

म सम्पूर्ण युवा, नागरिक समाज र आम जनसमुदायमा विनम्र अपिल गर्दछु, यहाँहरूको रचनात्मक खबरदारी र हाम्रा कार्यसम्पादनको निर्मम समीक्षा निरन्तर चलिरहोस्। तर, आम मनोविज्ञानमा निराशाको भाष्य भने स्थापित हुन नदिऔँ। नागरिक आक्रोशलाई राष्ट्र निर्माणको शक्तिमा रूपान्तरण गर्ने यस ऐतिहासिक यात्रामा हामी सबै एकताबद्ध हुनैपर्छ।
अन्त्यमा, जागरणको त्यो आँधीले कोरेको विधिको शासन, समतामूलक समृद्धि र राष्ट्रिय स्वाभिमानको मार्गबाट हामी एक इन्च पनि विचलित हुने छैनौँ भन्ने दृढ सङ्कल्प व्यक्त गर्दछु।

रवि लामिछाने
सभापति
राष्ट्रिय स्वतन्त्र पार्टी

[Ramesh Kharel @rameshpkharel]

सम्पूर्ण नेपालीको नजरमा आदरणीय व्यक्तित्व किरण खरेल—जसले आफ्नो सम्पूर्ण जीवन गीत–रचनामा समर्पित गर्नुभयो। उहाँका सिर्जनाले नेपाली संगीत र साहित्यलाई अमूल्य योगदान दिएको छ।

जगदम्बाश्री पुरस्कारबाट सम्मानित, आदरणीय काका किरण खरेलज्यूसँगको यो छोटो तर अविस्मरणीय भेटघाट।

[Susan Kharel @susan2053619]

Chandragiri zipline

[☭ Comrade Prachanda @cmprachanda]

इरानमाथि अमेरिका र इजरायलको आक्रमणपछि मध्यपूर्वमा गम्भीर तनाव बढेकोप्रति म गहिरो चिन्ता व्यक्त गर्दछु।

यस क्षेत्रका लाखौं नेपालीको सुरक्षा सर्वोपरि भएकाले उच्च सतर्कता, कूटनीतिक पहल र प्रभावकारी सुरक्षाका व्यवस्था गर्न नेपाल सरकारलाई आग्रह गर्दछु।

[K P Sharma Oli @kpsharmaoli]

Heartfelt wishes to all on the auspicious occasion of the Nepal Sambat 1146.

[Sher Bahadur Deuba @SherBDeuba]

रसुवा हुँदै त्रिशुल नदिमा उर्लिएको भीषण बाढीका कारण नदी आसपासका बस्तीहरूमा उच्च जोखिम बढेको छ। त्यस क्षेत्रमा वशोबास गर्ने सबै दाजुभाई तथा दिदिबहिनीहरुमा उच्च सतर्कता अपनाउन र सुरक्षित स्थानमा रहनुहुन अनुरोध गर्दछु।

रसुवादेखि नुवाकोट, धादिङ, चितवन लगायतका त्रिशूली नदी किनार क्षेत्रमा असर पुग्न सक्ने भएकाले समयमै सुरक्षित रहनुहुन र राज्यका सम्पूर्ण सुरक्षा निकायहरूलाई द्रुत उद्धारमा परिचालन गर्न आग्रह गर्दछु।

साथै यस विपत्तिमा नेपाली कांग्रेस लगायतका सम्पूर्ण पार्टी पंक्ति, युवा तथा नागरिक समाजलाई स्थानीय प्रशासनसँग समन्वय गरी आआफ्नो क्षेत्रमा उद्दारमा खटिनुहुन पनि अनुरोध गर्दछु।
जय नेपाल !

[Balen Shah @ShahBalen]

हाम्रा प्यारा नानीबाबुहरू,

आज श्रीकृष्ण जन्माष्टमी। ससाना नानी बाबुहरू राधाकृष्णको रूपमा सिँगारिएर मखन खाने र रमाउने दिन हो। हातमा बाँसुरी लिएर नानीबाबुहरू रमाइरहनुभएका तस्बीरहरू सामाजिक सञ्जालमा साझा भइरहेका होलान्।

तर, यसपालिको यो उत्सवमा रसुवाभोटेकोशी बाढी प्रभावित क्षेत्रका नानीबाबुहरू त्यसरी खुशी हुन सक्नुभएन। उहाँहरू गहिरो पीडामा हुनुहुन्छ। कतिपयले यो पीडा व्यक्त गरिरहनुभएको छ भने कतिपय स्तब्ध हुनुहुन्छ।

अचानक के–के भयो, कतिले त सोच्न समेत भ्याउनुभएको छैन होला। उहाँहरूका आँखाले आफ्ना बाबुआमा र आफन्त खोजिरहेका होलान्। कतिपय बाबुनानीहरूले विपद्को १० औं दिनसम्म आइपुग्दा हाम्रो प्यारो देश नेपालले अहिले ठूलो विपद् भोग्नुपरेको छ भन्ने थाहा पाइसक्नुभएको होला।

साँच्चै, आज देश दुःखी भएको छ। कति साथीहरू छुटिनुभयो। कति घर र बस्तीहरू खण्डहर बनेका छन्। खेल्नेकुद्ने चौरहरू पुरिएका छन्। यहाँहरूको आफ्नै ठाउँ आज बिरानो जस्तै बनेको होला।

प्यारा नानीबाबुहरू,

बाढी गएलगत्तै हामीले प्रभावित क्षेत्रबाट गम्भीर घाइते, गर्भवती, सुत्केरी, अपाङ्गता भएका व्यक्तिहरू र वृद्धवृद्धासँगै यहाँहरूलाई पनि उद्धारमा पहिलो प्राथमिकता दिएका थियौँ। अहिले पनि त्यो क्रम जारी छ।

हामीले प्रभावित क्षेत्रमा सञ्चालन गरिरहेका होल्डिङ सेन्टरमा यहाँहरू बसिरहनुभएको छ। हामीलाई थाहा छ यहाँहरूका लागि यो बसाइ सहज छैन। तर, हामी चाँडै नै सुरक्षित र सहज बसोबासको व्यवस्था गर्नेछौँ। पुनः यहाँहरूलाई आफ्नो भविष्यको सपना बुन्ने वातावरण तयार गरिदिनेछौँ।
यहाँहरू त भोलिका उज्याला झुल्काहरू हुनुहुन्छ। यहाँहरूको सुरक्षित भविष्यका लागि हामी लागिरहेका छौं। जतिसक्छौं हामी खटिरहेका छौं। त्यसमा यहाँहरूको पनि साथ मिल्ने नै छ।

विपद् फेरि पनि आउला। जलवायु परिवर्तनको ठूलो असर हाम्रो हिमालय क्षेत्रमा परिसकेको छ। हामीमाथि परेको विपद्को यो बज्रपातबारे सारा संसारले थाहा पाइसकेको होला। तर पनि हामीले भोग्न थालेको पीडा र विपद् जोखिमबारे विश्व समुदायलाई निरन्तर जानकारी गराउनुपर्छ र उनीहरूलाई पनि यस्ता जोखिम घटाउन जिम्मेवार बनाउनुपर्छ।

हामी हिमाली देशका बासिन्दा हौं। त्यसैले सधैँ सजग रहनुपर्छ। प्रभावित क्षेत्रका नानीबाबुहरूले प्रत्यक्ष विपद् भोग्नुभयो। अन्य क्षेत्रका नानीबाबुहरू पनि उत्तिकै सतर्क रहनुहोला। यहाँहरूले आफ्नो सुनौलो भोलिका लागि आजैदेखि विपद्सँग लड्न, बच्न र अरूलाई बचाउन सिक्नुपर्छ।

पूर्वतयारीका लागि यी कुरामा ध्यान दिनुहोलाः

१. विपद् झोलाः आफ्नो घरमा सजिलै सबैले भेट्न सक्ने ठाउँमा एउटा ‘विपद् झोला’ राख्न सुरु गर्नुहोस्। यस्तो झोलामा विपद्का बेला अति आवश्यक पर्ने हलुका र साना वस्तुहरू (जस्तैः घाउचोट बाँध्ने पट्टी, आवश्यक औषधि, पानी, सुक्खा खानेकुरा, केही नगद पैसा आदि) राख्नुहोला।

२. ससानो बचतः भोलि आउन सक्ने विपद्का लागि आजैदेखि बचत गर्न सिक्नुहोस्। दैनिकरुपमा १ रुपैयाँ मात्र जम्मा गर्यौ भने पनि नेपालभरि एक वर्षमा कति रकम जम्मा होला? यहाँहरु नै आफै हिसाब गर्नुहोस् त?

३. अध्ययन र छलफलः जलवायु परिवर्तन भनेको के हो र यसले हामीलाई के असर पारिरहेका छ भन्नेबारे अध्ययन सुरु गर्नुहोस्। एकआपसमा यस्ता विषयमा छलफल गर्नुहोस् र जनचेतना फैलाउने काममा अगाडि बढ्नुहोस्।

यी त केही सुरुआती कामहरू भए, जुन यहाँहरू आफैँले गर्न सक्नुहुन्छ।

प्यारा नानीबाबुहरू,

केही बेर अघिसम्म विपद्मा पर्नुभएका १३ हजार ९५ जना आमाबाबु, दाजुभाइ, दिदीबहिनीहरूको उद्धार भइसकेको छ।

यो उद्धारमा आफ्नो ज्यानको परबाह नगरी अहोरात्र खटिनुभएका नेपाली सेना, नेपाल प्रहरी, सशस्त्र प्रहरी बल, नेपाल लगायत अन्य विज्ञ टोलीलाई हामी सबैले हृदयदेखि नै धन्यवाद भन्नुपर्छ।

यस विपद्को समयमा विदेशमा बस्नुहुने नेपालीहरू, मित्र राष्ट्रहरू र विकास साझेदार संस्थाहरूले पनि ठूलो सहयोग गर्नुभएको छ। उहाँहरूप्रति पनि हामी कृतज्ञ रहनुपर्छ।

विपद्को भाषा विनाश र दुःख हो, तर यस्तो संकटका बेला हामीले एकता, सद्भाव र भ्रातृत्वको भावना मनमा राखेर काम गर्नुपर्छ।

श्रीकृष्णले पनि भन्नुभएको छ संघर्ष र विपद्को समयमा हार मानेर वा निराश भएर बस्ने होइन। धैर्य, कर्तव्य र एकताका साथ अघि बढ्नुपर्छ। हामी रोकिदैनौं।

आउनुहोस्, हामी सबै मिलेर यो विपद्को सामना गरौँ र सुरक्षित एवं उज्यालो नेपालको निर्माणमा जुटौँ।
धेरै माया..

[Gagan Thapa @thapagk]

जितपुर सिमरा–१ की ३ वर्षीया अबोध बालिका गरिमा चौधरीमाथि भएको जघन्य अपराध र निर्मम हत्याले अत्यन्तै दुःखी र स्तब्ध बनाएको छ। सानी गरिमाप्रति भावपूर्ण श्रद्धाञ्जली तथा शोकसन्तप्त परिवारजनमा गहिरो समवेदना व्यक्त गर्दछु।

गरिमा हराएको दिनदेखि नै राज्यको काँध खोजिरहेको परिवार आज पनि न्याय पाइन्छ भन्ने आशामा सरकारलाई गुहारिरहेको छ, पर्खिरहेको छ। के सरकारले यो परिवारको पीडा बुझेको छ? राज्यप्रति उनीहरूले राखेको आशा र भरोसाको गम्भीरता महसुस गरेको छ?

घटनाको तत्काल निष्पक्ष र प्रभावकारी अनुसन्धान गरी दोषीलाई कानूनबमोजिम कडा सजाय दिलाउन सरकार गम्भीरतापूर्वक अघि बढ्नुपर्छ। साथै, यस्ता घटना फेरि दोहोरिन नदिन सुरक्षा संयन्त्रलाई थप प्रभावकारी, संवेदनशील र जवाफदेही बनाउन तत्काल कदम चालिनुपर्छ।

गरिमाको घटनाले हामीलाई बालिका तथा किशोरीको सुरक्षाका लागि अझै धेरै गर्न बाँकी छ भनेर फेरि सम्झाएको छ। हरेक बालिका सुरक्षित, संरक्षित र न्यायप्रति विश्वस्त हुने वातावरण नबन्दासम्म हाम्रो जिम्मेवारी पूरा भएको मान्न सकिँदैन।

[Ramesh Kharel @rameshpkharel]

राष्ट्रिय स्वतन्त्र पार्टीले आफूलाई सुशासन, जवाफदेहिता र संस्थागत सुधारको पक्षधर दलका रूपमा प्रस्तुत गर्दै आएको छ। सांसद खगेन्द्र सुनारको अमर्यादित कार्यशैलीबारे पार्टीले स्पष्ट धारणा सार्वजनिक गर्नुपर्छ र आवश्यक स्पष्टीकरण माग्नुपर्छ।
@party_swatantra @NepalPoliceHQ

[Mahabir Pun @MahabirPun]

गत ३ दिन देखि मैले एउटा किताब खोजि रहेको थिएँ | त्यो किताब निर्मल पुर्जा भाइले मलाई राष्ट्रिय आविष्कार केन्द्रमा नै प्रतिनिधि सभाको चुनाबको नतिजा आएको केहि दिन पछि आएर "चुनाबमा बिजयी भएकोमा बधाई छ दाई" भन्दै हस्ताक्षर गरेर दिएका थिए | सो हस्ताक्षर सहितको किताबको फोटो राखेर उनलाई हार्दिक श्रद्दान्जली दिन्छु भनेर सो किताब लागि परेर खोजि रहेको थिएँ तर भेटाउन सकिएन | सो किताब मैले पढेर राष्ट्रिय आविष्कार केन्द्र कै म बस्ने टेबलमा राखेको थिएँ र केन्द्र कै अन्य भाईहरुले पढ्दै पनि थिए | कोहि भाई बहिनीहरुले पढ्नको लागि घर मै लगे कि भनेर सबैलाई सोधियो तर लैजाने व्यक्ति भेटिएन | सो किताब कुनै न कुनै दिन भेटिएला भन्ने आशा छ किन भने राष्ट्रिय आविष्कार केन्द्रमा आउने कोहि शुभेक्छुकले लगेको पनि हुन सक्छ | निर्मल पुर्जा भाईले पहिले देखि नै राष्ट्रिय आविष्कार केन्द्रलाई बेला बेलामा सहयोग पनि गरेका थिए | उनलाई हार्दिक श्रध्दान्जली भन्दै उनको सम्मानमा र स्मृतिमा ठोस काम जे गर्न सकिन्छ सो को लागि प्रयास गर्नेछु | साथै उनी सहित सो दुर्घटनामा ज्यान गुमाउने अन्य पर्वतारोहीहरुलाई पनि हार्दिक श्रद्दान्जली छ |🌹🌹🌹🇳🇵🇳🇵🇳🇵
(Photo Credit - Internet)

[Rabi Lamichhane @hamrorabi]

प्रिय निम्स,
फर्किएर भेट्ने वाचा थियो। तर तिमी नफर्किने बाटो गएछौ। अब त केवल सम्झनाहरू मात्र बाँकी छन्। तिम्रो अनुपस्थितिले मन भारी भएको छ तर तिमि र तिम्रो अदम्य साहस सम्झना भएर अनन्त बाँचिरहनेछ।जहाँ भए पनि, तिमी चिर शान्तिमा रहनू ।

यस दुःखद घटनामा जीवन गुमाउने अन्य सम्पूर्ण साथीहरूप्रति पनि भावपूर्ण श्रद्धाञ्जलि अर्पण गर्दछौँ। शोकसन्तप्त परिवारजन, आफन्त तथा शुभचिन्तकहरूमा गहिरो समवेदना व्यक्त गर्दछौँ।

निकिता / रवि

[Ramesh Kharel @rameshpkharel]

घाइते उल्लूको उद्धार तथा संरक्षणका लागि देखाउनुभएको शीघ्र पहलले वन्यजन्तु संरक्षणप्रतिको यहाँहरूको प्रतिबद्धता स्पष्ट रूपमा देखाएको छ। यस्ता कार्यले जैविक विविधताको संरक्षणमा मात्र होइन, समाजमा वन्यजन्तुप्रति सकारात्मक चेतना अभिवृद्धि गर्न पनि महत्त्वपूर्ण योगदान पुर्‍याउँछ।