نشر حوجات📩SUST Events

جمعية ثقافية، لتعزيز الجانب الترفيهي و الثقافي في المجتمع الجامعي.

[نشر حوجات📩SUST Events @sust_events]

#الجنوبي_مكان_زابط

الجملة البتتقال كتير عن الجنوبي لكثرة الفعاليات و النشاطات و البرامج الكانت ما بتنتهي فيه.
بس السنوات الفاتت ما كان الجنوبي هو نفس الجنوبي البنعرفه.

[تِــمَـبِشًـ @timbish_]

يا جامع يا رقيب تمت سرقة عربية افانتي 2015 رقم اللوحة خ٥/ 35236 من بحري شارع الانقاذ الرجاء من يتعرف عليها الإتصال بالارقام
0901678035
0912358600
شير يا أصدقاء 🙏🏻🙏🏻

[Khobaib Mohammed @alkhobaib]

📩 نحن مجموعة من السودانيات والسودانيين فقدنا جوازاتنا في السفارة الاسبانية، وبعد عمليات بحث مكثفة في السفارة وجدت بعض الجوازات ولم تكن جوازاتنا بينها، نحث كل من له القدرة على المساعدة في ايجاد جوازاتنا.
للتواصل:
0906684866
0123304894
0912399498
0914528383

[حزب المؤتمر السوداني @SCPSudan]

قوى الحرية والتغيير

بيان حول اعتقال عضو المجلس المركزي دكتور علاء الدين نقد

قامت قوة مسلحة مكونة من عشرة اشخاص نهار اليوم السبت ٢٧ مايو ٢٠٢٣م باعتقال عضو المجلس المركزي للحرية والتغيير والناطق الرسمي باسم تجمع المهنيين دكتور علاء الدين عوض نقد من منزله واقتادته إلى جهة مجهولة، هذا وقد عرفت هذه القوة نفسها لأسرة د. علاء الدين نقد بأنها تتبع للقوات المسلحة وجهاز المخابرات.

يمثل هذا الاعتقال جزءاً من الاستهداف الممنهج لقوى الحرية والتغيير ولكل الوطنيين الشرفاء عبر حملات التخوين والشيطنة التي يقودها النظام المباد وعناصره.

نعتبر ما تم مخالف لاتفاق الهدنة التي لا تزال سارية والتي تمنع أحكامه استهداف المدنيين بالاعتقال أو المنع من الحركة.

نطالب بإطلاق سراح دكتور علاء نقد فوراً دون أي قيد أو شرط التزاماً بأحكام الهدنة الموقع عليها في جدة، ونحمل في ذات الوقت القوات المسلحة وجهاز المخابرات مسؤولية سلامة دكتور علاء الدين نقد لحين إطلاق سراحه.

نجدد موقفنا الثابت الرافض لاستمرار الحرب وإدانة ووقف كل الانتهاكات المترتبة عليها وصولاً لتحقيق تطلعات شعبنا المشروعة في وقف الحرب والتأسيس لحكم مدني ديمقراطي ولإصلاح أمني وعسكري شامل يقود لجيش قومي مهني واحد؛ ونؤكد أننا سنمضي في هذا الدرب حتي نبلغ منتهاه.

قوى الحرية والتغيير - المكتب التنفيذي
السبت ٢٧ مايو ٢٠٢٣م

الخرطوم - السودان.

[Wasil Ali - واصل علي @wasilalitaha]

🔴 السلام عليكم ممكن تنزل لي بسرعة عايزين زول في معبر ارقين عندو انسولين او اي حبوب خافضة للسكري لي مسنة عالقة في المعبر ليها يومين و الانسولين حقها باظ بسبب درجة الحرارة

[Dr. Lena OSMAN @FemininLo]

دولة #الامارات مشكورة عملت إعفاء للسودانيين من المخالفات بالإضافة لي إقامة جديدة خاصة (مدتها سنه ) إسمها دول الحروب والكوارث والتقديم ليها ساهل جدًا،
١. تشيل صورة شخصية ليك + جوازك + تأشيرتك الدخلت بيها البلد + شهادة سكن إن وجِد( مالازم تكون بي إسمك ).
٢. تمشي مركز آمر - داخل مول برجمان في دبي /الطابق الثاني.
٣. تقدم في الكاونترات وتديهم إيميل ورقم تلفون.
٤. الرسوم مقسمة كالتالي:
( 338 درهم/ فحص طبي - 290 درهم/ بطاقة هوية - 360 الإقامة ) الأسعار قد تزيد او تنقص بناءً على انك عملت الإجراءات من المركز مباشرة ولا عن طريق وسيط.
٥. بتعمل الفحص الطبي في المركز البيحددوه ليك هم ثم تستنى النتيجة خلال ٢٤ ساعة.
٦. بعدها بيدوك موعد عشان تعمل البصمة.
٧. تستناهم يوصولو ليك بطاقة الهوية في مكان سكنك.

وأخيرًا .. اللهم احفظ #السودان وشعبه 🇸🇩🩵

[جماع عمر | Web & AI Developer @officialj_Omer]

أستاذنا و زميلنا في جامعة النيلين "محمد محمد سليمان دهب أباظة " (د. محمد أباظة) مفقود من أمس طلع من الصباح من الحاج يوسف مربع 9 حي الصالحين متجه لشرق النيل بالتحديد (الجريف شرق)لابس بنطلون اسود وقميص ازرق وجزمة بنيه

[درويش ®️ @Derwish249]

🔴 مدير مطار بورتسودان يعرقل شحنات المساعدات المتعلقة بالأدوية و القادمة من بعض الدول العربية بحجة ان المطار لا يملك مستودعات كافية قائلا ( ده مطار ما مخزن)
و الشحنة القادمة من الاردن بها أدوية خاص بمرضي الكلى والقلب وبقية الأمراض المزمنة...

[إيمان. @mimiiiiii1999]

اخي احمد محمد احمد سعد (رفاعي) مفقود قبل خمسة أيام كان آخر مرة في الجريف من سكان نيالا -حي الجبل هو ليس عسكرى مواطن عادى.
يا جامع يا رقيب 🤲
ارجو من يتعرف عليه الاتصال :
الوالد:٠٩١٨٠٩٣١٨٠-٠١٢٢٢٥١٩٤٨
الاخ:٠٩١٦١٥٠٢٨٥_٠١٢٢٠٦٥٤٩٨عماد
0929171370-واتساب.
ريتويت

[Wajd Abdallah @wajd_tamim]

شباب دا اليوم السادس و أبوي لسه ما رجع
ما توقفوا ريتويت نهائي و دعواتكم

[يوسف النعمة @YousifAlneima]

🛑 29 شخصاً من المفقودين 🛑

(1)

ثريد عن عدد من المفقودين في #الخرطوم #أمدرمان #بحري ليتنا نحتفظ بصورهم في هواتفنا وعليها أرقام هواتف ذويهم..

#لا_للحرب لأن كلفتها على المدنيين الأبرياء عالية يسددون ثمنها من آلام أهلهم.

#لازم_تقيف #جنجويد_رباطة
#KeepEyesOnSudan
#لكيزان_سبب_الحرب

[أكْرَمٓ @akram_khalid]

في زول بيعرف قروب او عائلة مسافرة بورتسودان في اليومين الجايات ديل عندي اخوي الصغير لو ممكن يتحرك معاهم من شرق النيل
#حوجة_سفر
#حوجة_تنقل

[درويش ®️ @Derwish249]

الاسم: عدي مصباح عبداللطيف
السكن: جبرة
اخر حاجه كان في بلال ومنها اختفي
0990424365
0912702713
0123836763
الارقام اعلاء لو زول شافو او بعرف عنو حاجة
#مفقودين_السودان

[YOMNA ALTINAY @yumna_abdu]

ساععدوناااا يا جماعه نلاقى اخوى وحبيبي

[Abdalla Elhillou @AbdallaElhillou]

🛑 مفقود

[Ranaシ #يلا_استاك @rananour2]

اخبار حلوة شوية نور في نص العتمة 🥹

مستشفى الأمين حامد ( حوادث الاطفال ) فيها ١٠ اجهزة غسيل كلى وشغالة كلها

في مشكلة بتاعت تكييف بسببها الاجهزة بتسخن وبتفصل شوية وبترجع تشتغل تاني

في كادر طبي متوفر بس مشكلة بتاعت ترحيل ساعيين نحلها

ام درمان التعليمي شغال ١٠ اجهزة #شير

[Eng . Shaib @Taskedoo]

السلام عليكم
أي زول فقد عربية أو جنبو عربية مفقودة ياريت يسجلها هنا
https://t.co/Y1snpvWcKd

دي قاعدة بيانات موحدة لكل العربات الاتفقدت او اتسرقت أو اخذت جبرا ً أو عربات مجهولة في الشوارع أو داخل الأحياء.

بتقدر تبحث عن العربية برقم اللوحة أو رقم الشاسي أو رقم نداء الفقدان

[R A Z A Z @Razazserenty]

ضربو البيوت دانات والناس ماتت و زاعو في الجامع انو نطلع نخلي بيوتنا ، الناس طلعت هدوم ماشايلة معاها برجلينها
حسبنا الله ونعم الوكيل

[دال يـــاء✨ @Dalyaeltayeb]

يخواني ود خالتي مفقود لو سمحتو انشرو الكلام دا💔

[Nuseiba Abbas @NusaibaAli2]

#مفقود
منصور بديع منصور الدموهى من دولة مصر ليهو 14 يوم مفقود بوزع ملابس في السوق الشعبي ام ادرمان
اخر مره كان جنب رئاسة ام درمان رجاءً من يتعرف عليه او اي شخص بلقى عنو معلومه يتواصل مع مبادرة مفقود
أو الرقم:
0900458835
#لا_للحرب_في_السودان

[Ayman Cris @AymanCris1]

🔴 منقول
السلام عليكم ورحمة الله وبركاته، شقيقي الأصغر مفقود خرج الشقيق الأصغر: أبوبكر الضو إبراهيم من المنزل بحطاب محطة الكابلي بتاريخ ٤/٤/٢٠٢٣ ولم يعد حتي الآن الرجاء من يتعرف عليه الإتصال 0902615913علي رقم الوالد ولكم جزيل الشكر