أبشرك في غيابك حبني غيرك
وأنا بعد لو بغيت الصدق حبيته
خلاص أبرتاح من شرك ومن خيرك
وتبي الصراحة بعد طاريك مليته
رميت دلو الظماء والذل في بيرك
ومسحت ماضي معك بالأمس عانيته
ماتت معزتك في قلبي وتقديرك
طبعي كذا من بغى فرقاي خليته
العصا والعسل والراعي الشكاك
اذنبوا . .لكن الي انكسرت الجره
واحد مايبي قربك يبي فرقاك
هي شعورين بس الفرق في الحره
فرصة البحر مره فيك وبلياك
وانت عاقل تعرف ان العمر مره
فرصة تنتهزك وفرصة تبلاك
والبلاوي ترى ما كلها مره
مالك إلا نصيبك يا عويد الراك
في فم العبد ولا في فم الحره
ودي ألاقيك في اجمل الاحلام
واتأمل جمالك واسولف عليك
واقول لك تعبت أعوام وشهور وايام
واني صبرت على فقدك ومازلت اغليك
وبصبر ولو زادت ايام وشهور وأعوام
ودي أقول لك بالحلم مانيب ناسيك
واقول لك انك لشعر مصدر إلهام
ولا انا مالي بالشعر غير طاريك