'

ㅤㅤ⠀⠀ㅤ⠀⠀

[' @t974l]

و أجعَل لي من بعد موتي أهلاً وأصحاباً وأحبه
لا يهجرون وصلي بالدّعاء يالله .

[' @t974l]

للسوالف معك لذة وطربه وانتعاش
لو تخربط فالسوالف أحب السالفه

في عيون اللي يحبك فهاوه واندهاش
والجوارح في وجودك غدت متخالفه

من غلاك أشوف ذا الناس في عيني بلاش
وكل من جاني يوالف .. عجزت اوالفه

[' @t974l]

عطيتك من كرم قلبي وأنا ماني بـ حاتم طيّ
أحاول فيك لكني عجّزت أعرف مفاهيمك

[' @t974l]

معك كل المشاعر ياحبيبي في ايدينك دين
اقدّي رايك المخطي . . . و أحنّك لا تفدّاني

محبتنا يخالفها الرياء و الشك و التخمين
وأنا اللي كل ما تبطي أموت وشوفك أحياني

أحبك كثر ما احنّك من الفرقا و طعم البين
وأنا لا قلت .. أحبك .. أعرف إنك عمري الثاني

[' @t974l]

يكفيني رحلت ولا حصل مني خطا وقصور
وانا حتى وداعي فيه بصمه تثبت اخلاقي

تخير فالديار اللي يغشيها ظلام ونور
وفرق النور بالظلمه يبين غلطه فراقي

تمرك ليله تطغى مشاعرها على الغرور
تدور فالبشر مثلي ولكن صعبه تلاقي

[' @t974l]

أنا معك صادق وراضي وحساس
يخون بي شعري و يصدق شعوري

كل الوجيه تمرني مالها ساس
الا أنت وجهك من دواعي سروري

من بين كل الناس ياسيّد الناس
أنت اللي ترضيني و ترضي غروري

[' @t974l]

«يجيب الزمن غالي يكَفي عن الباقين
ينسيك جميع الناس .. من يوم قابلته»

[' @t974l]

احسب حسابك قبل لا تطيح من عيني
مادامني في حبال الوصل . . متجوّد

لاا تقول بيروح وان عاده . . بياتيني
وانا علي الطلاق ما عاد اعود .

[' @t974l]

حاشمك من رجعةٍ ماضيّك اجمل منها
من متى والغالي اللي راح يرجع غالي؟!
-عبدالله ابن لزيوح

مستحيل ترجّع الدنيا مكانة شخص غالي
ساعة إنه طاح من عيني مثل ساعة وفاته
-عويد النجود

[' @t974l]

قل لي كلامٍ زين يمكنّي ارتاااااح
ولا كلامٍ شين يمكنّي أسمممح

- خالد مبارك ، وأنا

[' @t974l]

اللهم ارحم أبي واخي واكرم نُزلهم وأحسن إليهم بفضلك واجعل لهم جنة الخُلد حيث النعيم الدائم الذي لا ينتهي، يارب اجعل قبورهم في سعةٍ وسلام ونورٍ وضياء إلى يوم يبعثون يارب العالمين .

[' @t974l]

أحنك وَ أنا ما بيني وَ بين ربعك عرق
أنا واحدً قالو له أختار وَ أختارك ..

[' @t974l]

عسى المطر اللي من الغيم همال
يروي قبور اللي عن الأرض غابوا !

[' @t974l]

ان قامت الحرب مارحنا مراح الرياح
لو ان حذف الجنايز مثل حذف العصا

يستسلم الخايف اللي في يدينه سلاح
لاواجه الصامل اللي في يدينه عصا

[' @t974l]

أسوء تواريخ الزمن كان تاريخ
معرفتي بواحد ملى القلب شره

مثلك مثل منظر جمال الصواريخ
جميل شكله بس قربه ( مضره )

[' @t974l]

رحم الله قلباً لو فنت الدنيا ما أتت بمثله ،
اللهُم أرحــم أبي واخي واغفر لهم .

[' @t974l]

ليتك تمر على العين
كثر ماتمر على البال

[' @t974l]

لك العذر في غيبتك ولـ طيفك التقدير
متى ماسهيت , وبان لي وجهك البدري

لقيتك على مفرق طرق والظروف تسير
حلالاه . . لو إني ( مقابلك ) من ، بدري

سرحت بخيالي فيك وأسهبت فالتفكير
وطلّعت كل اللي .. مخبّى ، ورى صدري

ما تمنعني ، حدود المسافة عن التعبير
أنا توّي مسولف معك .. وأنت ما تدري

[' @t974l]

اللهم في اول جمعة من رمضان ارحم أبي واخي واكرم نُزلهم وأحسن إليهم بفضلك واجعل لهم جنة الخُلد حيث النعيم الدائم الذي لا ينتهي، يارب اجعل قبورهم في سعةٍ وسلام ونورٍ وضياء إلى يوم يبعثون يارب العالمين .

[' @t974l]

مبارك عليكم الشهر
أعاننا الله وإياكم على صيامه وقيامه
وأسأل الله ان يتقبل منا ومنكم دعائنا و صالح اعمالنا

[' @t974l]

ماقدرت أرثيك يادمث الجناب
اكتب البيت اللي يوجع واشطبه

والله لا معجم لغة .. ولا كتاب
فقدك اكبر من رفوف المكتبه

ما زهاك إلا الدعاء المستجاب
اللي ترتاح الضماير بـ سببه

وإن رثاك المزن من غر السحاب
ما معي غير القصيد ارثيك به