عـنّ .

درب ما يعزك ممشاه أقصر خطاويك .

[عـنّ . @t98el]

كم نويت اقول كلمةٍ تبين وش وراي
وامنتعتني شيمتي واستحيت اقولها

[عـنّ . @t98el]

يا معشر العاشقين اللي بـ وضح النقا
لا تستغلون لحظات المطر و المزن .

انا ادري انكم تشوفون " المحبه شقا "
لكن وبل المطر ما يستحق الحزن .

[عـنّ . @t98el]

اللي خدعني فيك مظهرك غشاش
واثرك عوج والزين غطى على الشين

قلبك حقود ولون خدك كما الشاش
متجمعاتٍ فيك كل النقيضين

لولا ان قلبك ساتره وجهك الباش
ما ظنتي تقبلك حتى الشياطين

- عبدالرزاق الهذيل

[عـنّ . @t98el]

أخذت أنا مايليق .. وعفت ما لا يليق
حشمت وجهي عن الحدرّه ومحوالها.

[عـنّ . @t98el]

صاحبي لاضاع عقلك على الدنيا السلام
صرت كائن مثل غيرك برجلين ويدين

وش يعذرك عند من ميزّك قدر ومقام
والله محمّلك امانه قبل تخلق جنين

احترام النفس يطغىٰ على كل احترام
احترم نفسك وتحترمك الناس اجمعين

قبل تغمز فاللواحظ وتهمز فالكلام
شف عيوبك فالمرايه وقول اللّٰه يعين

والله إني ميسٍ ّفيك يوم الشام شام
خل عاد اللى حصل منك فآخير سنتين

احمد اللّه يوم وجهي مثل وجه الغمام
وكلمتي ماهيب تنسام ويساري يمين

ما تولجت الاوادم ولا ألحقت الملام
غير ورعٍ ماش دنيا وعودٍ ماش دين

- مزيد الوسمي

[عـنّ . @t98el]

تلاحق اللي تبقى من الغلا بين ايديك
وش يجمعه لو تطول غيبتك وانتثر

يتلني شوق لك رحمه على والديك
ماني بقد الصبر الا انت قد الصبر

واليوم في غيبتك ماني بعاجز لا اجيك
لكني اخاف لا من جيت مالي قدر

[عـنّ . @t98el]

اليا فقدتك مابعدك في حياتي مرام
واليا لقيتك ما قبلك فرصةٍ فايته

غويت في ما ورى الشرهه ودون الحرام
والمجد للغاوي اللي يعشق غوايته

عرفت منك الغرام ولا عرفت الغرام
شيٍ من الروح مايدرى وش حكايته

فوضى مشاعر وصدق وتضحيه والتزام
بياعته فالمساء فالصبح شرايته

جيتك مجي الكرام اللي تحب الكرام
واخترت درباً توقف عندك نهايته

ان كان جيتي مجيك فوق صدري وسام
وان كان رحتي فمان الله ورعايته

- ناصر الحمادين

[عـنّ . @t98el]

ما عاد تكفي مرحبا مليون بالصوت الجهور
المرحبا مليون للي ما بعد شاف وعرف

وأنا عرفت أميز الطلقه من أول ما تثور
وأنزل العالم منازلها صدر ولا طرف

وأردها رد الكريم اللي مايلحقه القصور
لو كان راعيها من اللي لا ضمير ولا شرف

يا الله عليك ولا على هقوة يبور ومايبور
إليا طغوا كيالة الميزان والعدل إنحرف

الألسن اللي ماهيب تعرب عن اللي فالصدور
ما تنومن حتى على زاد اليتيم المنغرف

حنا نعاف اللقمه اللي ناشبه في كل زور
ومن المعزه دمعنا ما هوب عادي ينذرف

وإليا ظلمنا الحظ مره ما نلف ولا ندور
هذي تبي من يمتهن دور الذليل ويحترف

العبد غير لوجه ربي عبد في كل الأمور
متقلب الوجهين مثل العمله اللي تنصرف

ولا الحرار اللي تصافق بالجناح من الوكور
تاخذ على كبد السماء حومه قبل ما تنحرف

وإليا إنحرف فيها دليل الفطره اللي ما تشور
شامت عن الطفسه وعن سيل القطيع المنجرف

يعوضها عن شجرةٍ حطت بها كل الطيور
وأكرم ماهو بيسام من شلة مسحبة الغرف

- مزيد الوسمي

[عـنّ . @t98el]

فينا صفات الطيب يابنت واوصاف
مـاتنطبق في غيـرنا يامليحه

دخيلنا يرقد ورا الوجه ماخاف
يامن وتحماه السلوم الصريحه

- خلف بن هذال

[عـنّ . @t98el]

حنا اللي نعدي هقاوي الرياجيل
والخبل ما حنا نداري مزاجه

لا نرتضي الهزعه ولا نقبل الميل
ولا نضيع صيدنا في العجاجه

اليا سمحنا والله اسمح من الميل
واعوج من القوس ان بغيت العواجه
،،
اكثرت وابثرت العرب بالتهاويل
واصمختهم بالبربره واللجاجه

البن والهيل وهي البن والهيل
تسمج ليا كثرت عليها الحواجه

بعطيك نبذه وش تبي بالتفاصيل
حنا عرب ما حن سلايل خواجه

لا تقعد ترسل علي المراسيل
ان كانك تقول انك فلان واجه

[عـنّ . @t98el]

ياهل الركاب اللي مثيل الحني عوج
مستدخلات الهيم من غير علّه

ما تسعفون اللي على نجد مفلوج
يحب نجدٍ من محبة هلٍ له

أحب أنا نجدٍ على شان عمهوج
ولا فلا لي في حياء نجد هلّه

لاصرت في نجدً فخلوني آدوج
دوجة غريرٍ ضايع من هل له

[عـنّ . @t98el]

ما يطيب العيش والراس ما عاش ارتفاع
وارتفع بالنفس لو ضامها ما ضامها

كل ما جينا نصافح نصافح باندفاع
مشكلتنا نعطي الناس فوق احجامها

كم صنعنا من جميل مع العالم وضاع
وكم تغير طعمها يوم كف اطعامها

من كثر ما نكرم الوجه ويطيح القناع
كل هقوة طيب صرنا نشدّ حزامها

ما تعيش قلوبنا الطيبه بين السباع
لو سلمنا من جشعها وجور احكامها

- ناصر القحطاني

[عـنّ . @t98el]

انا لي ورا نجد العذيّه حشاشة جوف
لا هب الهواء من صوبها جيتها كلي

[عـنّ . @t98el]

كل ما أذنبت وتذكرت غفّار الذنوب
تنغرس بين الجوانح قواطيعٍ رهاف

والله لا فيني جهالة ولانيب مغصوب
غير يشعاني من إبليس وأعوانه إشعاف

أنجرف للهو، والغيّ، واللحن الطروب
وإن سمعت الله أكبر خفق قلبي وخاف

يالله اغسلني بعفوك وشدّ أزري بتوب
ساعةٍ طاحت دموعي على صحن الطواف

-سعود مبارك

[عـنّ . @t98el]

ما الله كتب لي على اللي صار صبرٍ جميل
ولا كتب لك عذر و اللي مايكتب عسر

ماودي أرحل لكنك أجبرتني بالرحيل
سوالفك ما تسر و خاطرك ما يسر

ضايقتني يوم جيتك بالكلام القليل
وخسّرتني إياك لكنك بعد بتخسر

غديت ضيفٍ حشادٍ في ضيافة بخيل
كلامه يقول إسر وعيونه تقول إسر

وسريت مسرى الخفيف اللي دماغه ثقيل
ماقدمه إلا الجسر و اللي يبون الجسر

اي والله إن خاطري ضايق و حالي عليل
و اي والله إن قلبي المشتاق لا في خسر

أحسنلي أصد و أرحل يمكن المستحيل
يصير واللّٰه يكتب بعد عسري يسر

فإن كان ربي جمعنا بعد عمرٍ طويل
نطحني إيديك جعله ما يجيهاً الكسر

- خالد مبارك

[عـنّ . @t98el]

ومن لايراني شي قدرة تحت رجلي
لو يمد يمناه مديت له يسراي

يهون إني اطى الجمّر والع بدون حذي
ولا أجامل مغرور مرة ولو بالراي

يخش الحكي مع ذي واطلعة من ذي
واقول أشين من الشين دامٍ لحقت اقصاي

قصيدة ولا أحتاج اسجل تحتها لي
هي تقول لي لو كان مهيب كنها اياي

- خالد مبارك
@khladmbark505

[سلمان بن شبيب @th_qil]

@_9u9i نصيحة من الشاعر مصلح بن عياد لمحاسبة النفس وفعل الخير لوجه الله، وختمها بأبيات جميلة جدًا

يقول فيها:
«ماهوب عيب انك تتوب وتعدل
العيب والله كان فاتتك الاوقات

اليا بقى ثلثًا من الليل قم صل
ثنتين والا اربع والا ست ركعات

تراك ماتدري متى يبكي الخل
عليك لودوك في حوش الاموات»

[عـنّ . @t98el]

عليك ياللي غلاك الروح متلفها
ياللي محلك بوسط القلب نزالي

غلاك نفسي عن الخفرات صارفها
لو يجمعن لي من أولهن إلى التالي

لك سيرةٍ بالمحبة ما أقدر أخلفها
لو هي سبايب سهر عيني وغربالي

محبةٍ يالعضي بيضٍ صحايفها
محميةٍ بالشرف عن هرج الأنذالي

- عبدالله بن عون

[عـنّ . @t98el]

تاخذني الذكرى لبعض المداهيل
وازورها لو اني اصد عنها

عذري موادع ضيقةٍ هدت الحيل
كم لي سنة والقلب يدفع ثمنها

مع كل مبدا صبح ولا مساء ليل
يارد على حدب المحاني ضعنها

والنفس عيت لاتروم التعاليل
مدري متى التفكير يطلق رسنها

والذكريات الي تحدر كما السيل
عجزت اودعها واغادر وطنها

[عـنّ . @t98el]

قالوا تعلمت قلت عناد وفراسه
اعاند النفس والدنيا واصارعها

ودرست في مدرسة من شيبه راسه
دنيا العنا اللي قصيفات مطامعها

تلميذها دايم تكتب بقرطاسه
وتعطيه جملة دروس مايضيعها

والله عطانا نظر وشعور حساسه
ناخذ علوم المعرفه من مراجعها

- رشيد الزلامي ( رحمه الله )

[عـنّ . @t98el]

ان تهاونت بالفرقا عليك السلام
وحشة الليل تقتلها صلاة الفجر