ـتّ .

مالي فـ الـدروب العـوج جّره ..

[ـتّ . @t__a3]

سيـدة سدرة الوادي و دمث الجناب
رجلها فوق الأرض و عينها فالسمـا

ما تبَع دربها غير المطر و السحـاب
ولا شلع قلبها اللي صاد و اللي رما

ترفـةٍ تلبس الماء مثل لبس الثياب
جادك الغيث .. يا غيثٍ عليها همـا

أرهـف من الحديد اللي ثعى فالرقاب
و أجفل من الغـزال اللي رعى فالحما ..

[ـتّ . @t__a3]

من معطيات التجارب وأختصار الكـلام
أنجـح عقول الخلايـق فـ الزمـان أربعـه

من فضّل الصمت لا زادت هروج الأنـام
ومن ينثر الطيّب لا شاف العرب تجمعـه

و من شاف زلة رفيقه في طريقه و شـام
و مـن بـرّ في والـدينـه بـرّه ينفعـه ..

[ـتّ . @t__a3]

تغنيك عن لـذة الدنيا وأهلها ثـلاث
الستـر والعافيـة والسمعة الطيبـه ..

[ـتّ . @t__a3]

أنتي وريثـة عـز يا بنت الأمجـاد
وأنتي على ما قيل بنت الحماوي

في كل ماقف يلحقك عرق الاجواد
من خال ولا عم طيبـك رهـاوي

طلة جبينك كنّها صبح الأعيـاد
وسوالفك تشبه لذيذ القهـاوي ..

[ـتّ . @t__a3]

مستعد أخلي بلاد وأنزل في بـلاد
دام ذعذاع الكرامـه لا هب يهبّني ..

[ـتّ . @t__a3]

عيّا علينا الطيب حتى مع اللاش
نبي نتردى ما عرفنـا نتـردى ..

[ـتّ . @t__a3]

تمردي بالغنج وألعبي بالطـروق
اللي بها الغطرسه والعنفوان اخلطا

أنتي من اللي عليه قلوب الأمه تتوق
ما أنتي من اللي ليا روّح مراح القطا

الصبـح يتنفسك والليل عقبك يـروق
وتخضع لك احلامك الصعبه بدون وسطا

تخوى عليك الهبايب والمطر والبروق
حتى السحايب عشانك ودها بالوطا ..

[ـتّ . @t__a3]

ما يجارني طويلات الـذوايّب
ولا تنافسني من النسوان حـره

بس أنـا والوضح زاهيـة الجنـايب
في هوانـا صايبه ولف ومبـره ..

[ـتّ . @t__a3]

تمنعني الشيمه وبعض المشاريه
وصبـرٍ لو أن الصبر مرٍّ مذاقـه

لو كل من يخطي علينا نجازيـه
ضعنا بـ عجاتّ الغضب والحماقه ..

[ـتّ . @t__a3]

ريمٍ رعى في الفياض و زهر الأوسامي 
قايد خشوف الجـوازي في مفاليها ..

[ـتّ . @t__a3]

أنتي رفيعة شان من سادة أسيـاد
من قـادة التاريخ و أطيبّ عربها

يادرةٍ وسـط البحر قدرهـا زاد
غطت على ألماسها مع ذهبها ..

[ـتّ . @t__a3]

الله خلق هاماتنا عليـا وأسامينا كبـار
ما شوهونا كل من يسعون في تشويّهنا

حنـا تعودنـا نديّـر ، ولا تعودنـا نُـدار
بعض المواقف نعتبرها نوع من ترفيهنا

حتى مع الأخصام ملتزمين بـ أخلاق الحرار
ما ننتظر منهم ولا من غيرهم توجيهنا ..

[ـتّ . @t__a3]

تعاملت حتى مع قصورك بدون قصـور
وتخطيتها مثل الحسايـف على الماضي ..

[ـتّ . @t__a3]

صيتنا من قديم الوقت سيلٍ نحاوي
سيرة الطيب واضحة ومحدٍ جهلها

بين عز الشموخ وبين طيب العزاوي
ماتليق المكـارم غير والله بـ أهلها ..

[ـتّ . @t__a3]

طوينا الهقاوي في دروج الضماير طي
بعد ما عرفنا سود الأيـام وش حاكن

أنا وأنت ووجيه المعاذيـر هـذي هي
تمعن وشف فعلك على وجهها الداكن

وإذا حدتـك دنيـاك بـ أنك تردى عـيّ
ترى الطيب له مضراب بين العرب ماكن

يمين الكفـو تصنع بطولات من لا شي
ويمين الضعيف يموت ما حركت ساكن ..

[ـتّ . @t__a3]

سج روحك في فياض العز وأعرض
عن دروبٍ مالها بيرق ترزّه

ناس تلهث في مداك وناس تركض
وأنت كنك في بساتينه تنزّه

وناس جتها بالذراع وناس بالحظ
وناس يزهاها الشموخ وناس رزّه

وناس ترضى بالهوان، وناس ترفض
الحياة إللي بلا هومه ونزّه

كبّر الله هيبتك بعيون مبغض
لجل ما تصغر بعين اللي تعزّه

[ـتّ . @t__a3]

لو تذهله نجمـة و يغريّـه قنديـل
لـو يلعب بـ نـار البطـا والجفيّـا

قلبـه عسفتـه بالهـوى مثل ما قيّل
يلعـب وأنـا حبل الرسـن في يديّـا ..

[ـتّ . @t__a3]

إذا تفاخـرت من حقي وأنا استـاهل
و إذا تواضعـت من كيفي ومن طيّبي ..

[ـتّ . @t__a3]

على هونكم ياللي تغوصون سبع بحور
أنا أصب سبع بحور في وسط قاروره

ترى الناس مثل الألف في الواقع المنظور
هذاك ألف ممدوده وذاك ألف مقصوره

وأنا ما أكسر المرفوع ولا أرفع المكسور
أحب أكسر اللي يجعل الناس مكسوره ..

[ـتّ . @t__a3]

وين مـا أروح لي وجهي ومجلاسـي
« السمـاء شاكره و الأرض ممتنـه »