اليوم فيه احتفال للهنود، وهنود المكتب محتفلين وجايبين حلا يوزعون، ووزعوا علي ثلاث مرات واعتذرت منهم لين نشب لي التي بوي الهندي الا اخذ من حلاهم
وجاء واحد يحسبني ما اخذ عشان احتفالهم بسبب مناسبة هندوسية
قال عادي قولي بس بسم الله قبل ما تاكلينها
يعني كذا خلاص صارت حلال
دوامي القديم
كلهم سعودين وسعوديات ومتوسط الاعمار ما بين ٢٦-٣٥ و الصبح ما أشم الا ريحة عود وقهوة سعودية
دوامي الحالي
مافيه الا انا سعودية الباقي اجانب وكلهم شيبان
وبالقسم مافيه الا انا ووحدة تونسية بنات فقط
الدوام القديم
طفشانة
الدوام الجديد
طفشانة
متى بفهم ان الشغل مو وناسة
بخصوص هذي التغريدة
لما كتبت طفشانة وبتونس
أقصد بطبيعة شغلي، لأني أحب تخصصي ومجالي فتوقعت لما اشتغل فيه بستانس فيه نفس وناستي فيه بالجامعة
بس طلعت البدايات بتخصصي تطفش لأنها روتينية فعشان كذا طفشت
لأن الوناسه بمجالي تجي بالمراحل المتقدمة من السلم
الصباح اعطوني ملف اكسل اشتغل عليه وخلصته قبل البريك وارسلته وطلعت بريكي يوم رجعت قالي مس هايل؟
قلت وااات
قال مس هايل
قلت ويير؟
وجيت بفتح الملف لان (مس هايل) مامرت علي لا بالملف ولا بمصطلحات الاكاونتق والفايننس كلها
قال يو فورم هايل
قلت حاايل ايه
قال ناو يو مس هايل الشمري ههههه