طلال العضياني

شاعر في بعض الاوقات.

[طلال العضياني @talalRoG511]

@saad1TM2030 اسال الله العلي العظيم في هذه الساعه المباركه ان يمن عليه بموفور الصحة والشفاء العاجل وقدامة العافيه.

[طلال العضياني @talalRoG511]

@saad1TM2030 ياسعد فعلك مجمل ورايتك تلوح ؛
انت راع الطيبه وانت رجل الاوله.

اعرف انك ضلع شامخ وفي مجدك صروح؛

مير جيتك بالدعاوي وجااااات محوله

[طلال العضياني @talalRoG511]

@_ALslat_ @Dkhoonemirates صح الله بدنك

[طلال العضياني @talalRoG511]

@_ALslat_ @Dkhoonemirates صح لسانك يابو عبدالعزيز

[طلال العضياني @talalRoG511]

@Dkhoonemirates هاشتاق #شاعر_اللكزس

[دخوني @Dkhoni_official]

هلابكم في #شاعر_اللكزس 🫡
شاركنا بيتين شعر بفيديو عن الهوية الجديدة
عبر اقتباس المنشور

- جيب لكزس 2026 للأعلى تفاعل 😎
- منشن حسابنا + اضف هاشتاق #شاعر_اللكزس

المشاركات المعتمدة سيتم الرد عليها 🤎

[محيا السلات @_ALslat_]

ابيات لي عام ١٤٣٤هـ
اشكر من صممها..

ياجماعه مابقي فالارض باقي
والعزيز الله هو اللي عز شانه

ادفع الذيدان للعقم العراقي
مانبي فيحان خزمه وسعدانه

مرتع الخلفات واللقح الملاقي
مير عوده شان وأدهربه زمانه

شفنا قفرن من الوبل الحقاقي
شـابكـن ربله بـروس قليقلانه

[طلال العضياني @talalRoG511]

@_ALslat_ الله صح لسانك ابدعت يالسلات

[محيا السلات @_ALslat_]

في مواقع عالم الزيف والاريا الضعاف
وإختلافاتٍ لكثر العدد مستقطبه

أزعجون�� وأرفونا مسوقت الهجاف
وأوقدوها نار للشامته والمعجبه

كل واحد جاب جده وحطه فالغلاف
كبر الصوره وعلاه قدر ومرتبه

لو جده مسلمٍ لايضيف ولايضاف
مايعرف العالم المشمله والمجنبه

يامزاول : ظلم نفسك بفن الاحتراف
حقبة التاريخ : عن مامضاء مستوعبه

في صدورٍ عن حساسية الفتنه نظاف
دونتها وحفظتها رفوف المكتبه

آنذاك : أبان / قطع الفيافي والمخاف
وقت خلان الأشده ودهم الأخشبه

سم بالرحمٰن وإهدف على طهر وعفاف
وإرتق بمنظور فكرك وإخذ بالموجبه

الحياء شعبه من الدين والجهل إقتراف
داعياً يمكن يسبب له إزهاق رقبه

جفت الأقلام والصحف طويت والمضاف
ينكشف في يوم يحتاج خوض وتج��به

وأكثر الفرسان في هالزمن يمكن يخاف
من ظلال الثوب والأ إشتغال المركبه

فمابالك : بالمعارك ورى حم الشعاف
والمنايا فوق روس البرايا مرقبه

التكاثر بالمآثر يبي فعلن يشاف
ينحفر في صفحة المجد جمله معربه

والشجاعه حد والرأي شورى وإللتفاف
والكرم يمناً سخيه تقدم مآدبه

وأنت تبغى مرتعٍ خصب في دارٍ جفاف
حالة الأجواء عليها سمايم وأتربه

مشتويها لاهب القيض في سبعٍ عجاف
لين صارت صحصحٍ صلد وأرضٍ مجدبه

ودك تسوي دعايه لها فأتلا المطاف
وأنت فالتزوير ماهر وعندك تجربه

ناسفٍ بيض المبادي ورى ظهرك خلاف
فوق سوداً في زمان الرخاء مستصعبه

ركضها وقت السعه لوكثر رمل ال��واف
ماقدح بالمروء قدام تسقط قرطبه

نجد رمز المجد معلم متيهت السهاف
ديرتن لأهل الرعايا فياح ومرغبه

لو سألت اريافها وين مرويت الرهاف
كان تاخذ في ضميرك صريح الاجوبه

وان عملت مقارنه بالشبه والاختلاف
اختلف وضع البشر وانعدم وجه الشبه

عن عرام خشوم الابطال يكفيك الرعاف
في خشوم اهل العقول الخفاف المرعبه

الثقال اللي على تركت الواجب خفاف
النفوس اللي من الطيب واهله متعبه

مثل حشو البد بين المسامه والظلاف
وش يقربهم على يسر والا مكربه

بالرموز اللي ليا ذيرت عسم الخفاف
ينطلون الشيخ فالمعركه نطل خشبه

اوح مني واخذ عني صريح الاعتراف
يكفي الاعراب في نجد وجد ومسغبه

[طلال العضياني @talalRoG511]

@HP_1420 @sultan_aldeet ابدعت وأمتعت يابو فياح مبدع ولايستغرب علي�� هكذا والى البيرق بجنب عمهوج

[حسام بن فيّاح @HP_1420]

النص الحاصل على كرت التأهل لمرحلة الـ12

ياطارق الليل .. لاتطرق جروح قدام
خايف من الفقد .. واعيش اليتم مرتين

#شاعر_المليون_12

[طلال العضياني @talalRoG511]

#كاريزما76 #شاعر_القمة #الجديد

[طلال العضياني @talalRoG511]

#كاريزما76 #شاعر_القمة #الجديد

[طلال العضياني @talalRoG511]

#شاعر_القمة | @AlmalkiTV1

[طلال العضياني @talalRoG511]

@MOHSN55 لاشفت نفسك مجحفه في حقوقي.

[طلال العضياني @talalRoG511]

@MOHSN55 لاشفت نفسك مجحفه في حقوقي.

[طلال العضياني @talalRoG511]

@mzed_9 خل المغادر مانبيه إلا القدوم
يملّا النفوس اللي تمنا ودها
يامزيد الوسمي عسى بعض الحلوم
انك من المطران تطلع قدها
لاترسل اللي مانبيه من الرقوم
والكلمه اللي ماتجمل عدها
اليا وقفنا نلطم اعيال الرخوووم
واجمالنا ووسومنا في خدها
أطرف رجل منا ليا صكت يقوم
يوم الضعوف الله مبيّح سدها

[مزيد الوسمي @mzed_9]

وشلونكم يا أصحابنا اللي كوم ، كوم
اللي مشاريه الرجال تحدّها

العام عقبانٍ على الصيده تحوم
واليوم صيدٍ في اليمين نمدّها

وين الكلام اللي مثل رمي السهوم ؟
وين الامور اللي وصلنا حدها ؟

وين الرجال اللي على دق الخشوم
متعاقبه .. ولا يصعّر خدها

اثر العلوم الاوله فيها علوم
والعالم ادنى ما يبيّح سدها

كان الحيا ماهوب قطاع الرخوم
الخوف يقطعها ويقطع جدها

[طلال العضياني @talalRoG511]

@mzed_9 خل المغادر مانبيه إلا القدوم
يملّا النفوس اللي تمنا ودها
يامزيد الوسمي عسى بعض الحلوم
انك من المطران تطلع قدها
لاترسل اللي مانبيه من الرقوم
والكلمه اللي ماتجمل عدها
اليا وقفنا نلطم اعيال الرخوووم
واجمالنا ووسومنا في خدها
أطرف رجل منا ليا صكت يقوم
يوم الضعوف الله مبيّح سدها