ويل حالي ويل العود الدقاق
ويل حالي كان ماجيتك عجل
اشهد ان الصد منك مايطاق
من يطيق يفارق الخرس النجل
كل يوم اشتاق وازيد اشتياق
نوب اقدم رجل ونوب افهق رجل
- فارس الحشار 🙏🏻 .
القصيد اللي يفيد المجتمع ماشوفه
والكلام اللي يغث الكبد مليّ الساحه
شاعرً مايخطف الالباب نظم حروفه
لو تعلّت شهرته يا قربها للطاحه
والزمن لو زان وجهه ما تغيب صدوفه
من خسر نفسً عزيزه مافرح بـ ارباحه
انا في حاجة استكنان حول اسبوع واسبوعين
ادله خاطري واعطيك ، من ذوقه وتعبيره
هموم القلب لو قامت توارد كل وقت وحين
ترا السجه طبيبٍ ينعرف ، فحصه وتقريره
- محمد النخيش
ابلنا تاطى على أرض الخطر من وسع بال
يوم كان الوقت وجهه عبوسٍ قمطرير
قد رعت حد الجنوب ورعت حد الشمال
ون تعدت من ورا الحد عادي وش يصير
خص لاصارت عليها المطارق والهلال
لو تبي قامت على البيت البيض تستدير
أنت الرجاء يا مِنزل القرآن في شهر رمضان
محتاج في قلبي وفي وجهي وفي مسعاي نور
أدعيك واخشى من عذابك وارتجي منك الجنان
مالي سوى عفوك .. ملاذ ألوذ به يوم النشور
عندي يقين بـ رحمتك يا رب وانت المُستعان
من رحمتك وشلون يقنط من يعرف إنك غفور
يا ناصر الدنيا تبي كسر روتين
لا تذخر لـ مخباك غير الفعايل
لا صرت شمسٍ شارقه لـ المساكين
يفكك الله من ، نجوم القوايل
شف حالتي يوم انتصف عمري الحين
الوقت "مايل ، لكن الراس طايل
طانخ .. ولا حنيت ظهري مْن الدَين
احن والله بطني ،، ( مْن الجمايل )
- فهد بن قطنان 👏🏻👏🏻 .
يا بادي المرقاب لا تـعتلي فيه
مادام قلبك دالهٍ عن عذابه
من يبدي المرقاب تكثر طواريه
تكثر هواجيسه ويزداد ما به
حول وخله للشقاوي يعديه
على نحا قلبه ، يكسر حسابه
سريت لي في ليلة ما سرتني
اطاوع الهاجس فعصيان الاشوار
ذيك العيون اسباب ضعفي و فتني
تبدي لي اسرارٍ وتخفي لها اسرار
رمت ولا ادري كيف لكن رمتني
تقول تطلب من ، عتيبه لها ثار