حاشمه عن سوء ظن وحاسبه من طيب فالي
ادري ان قلبه حنون .. وادري ان روحه نبيله
لو تهبّ الريح من همّي على صدرٍ شمالي
قصر البال الطويل واصبحت نفسي
ثقيله
ولو يجي غيري مكاني ما يجي غيري بدالي
ولو يحبونه جميع - ما يلقى عوض حبي له
سلام الله عليك .. من أول الدنيا .. ليوم الدين
يا أبو قلبٍ حنانه، يستتر بالمظهر القاسي
“ أعرفك زين، وأدري إنك حبيبي، وتعرفني زين “
ولو كلٍ بدأ لـ الثاني إنه صار متناسي
تمر .. وينقسم من لهفتي لمواجهك ظلين
وتحط إيدك على قلبك / وأحط إيدي على راسي
عشرتك ما هيب منسية ولا مسلّية
وين ما أحوّل تحوّل وين ما أرقى ترقى
عاد صوتك فـ أذني .. وعاده ألذّ أغنية
عادها طيوفك تخاطفني لا ناحت الورقا
و عاد صورتك بـ رموش الذاكرة محميّة
و عاد في قدرك مقادير الأوادم غرقا