وآحدٍ في صدره من الدعاء شيٍ كثير
ماعرف يبدآ وهو ساجد وعينه بكتّ
يوم جاء يطلبك في سجدة الثلث الأخير
قال ياربّي / ويارب ، ياااااااربّ وسكتّ
ثابت بن محمد
#ليله_٢٧
ترا الماهر اللي شغله الكذب والتشويه
يحسب النبا الطيّب مهارات مكتسبه
لاتاخذ منه راي ولاتسمع منه توجيه
ورى المجد غامر وافعل الاجر واحتسبه
جميلك لا سويته مع الناس لا تطريه
وفعل ٍ ما تقدر تفعله لا تنومس به
ترا المخطي صدوف المقادير ما تخطيه
مصيره من احداث الزمن يدفع النسبه
ياكم واحد ٍ طيب تضيع الهقاوي فيه
ويقضي لزومك واحد ٍ خارج الحسبه :)
لياليك مثل " الموج " مابين جزر ومد
عسى الليل لاعسعس ظلامه تحصل نور
تغاضى عن الزلات لكن لاجدّ الجد
خذ السيف ابو حدين واقبض غزال الكور
ترا الله تعالى قد جعل لـ الكرامه حد
وجميع البشر خلاهم اعيال تسع شهور
الاصحاب سايرهم والاعدا عليهم رد
مثل رد ( هارون الخليفه ) على نقفور