نـذّر ..

على ذمة النسيان خليت له ذكرى .

[نـذّر .. @that7t]

﴿ وَاللَّهُ خَيْرُ الْحَافِظِينَ ﴾🇰🇼
#صفارات_الإنذار

[نـذّر .. @that7t]

إما عزيمة صبر تضرب بها الأمثال
ولا خلّك .. لدروس الليالي ضحيَّة

[نـذّر .. @that7t]

يلعب البوح.. في صدر الحزين الموجع
بين شرهة حبيب / وبين شرهة كرامة

ذكرياتي ؟ تقول إرجع وانا ودّي أرجع
مير مابه رجوع — إلا نـهار القيامة

جيت لـ الحبّ والقمري على الغصن يسجع
ورحت والنوح يقطع بطن حلق الـحمامه

لاتشّجَع بـ جرحي خابرٍ قلبي أشجع
ما يهادن غياب ولا يكثّر " ملامه "

خل موق السهر يتعب ويقنع ويهجع
قدمه الوقت وحزام الكرامه حزامه

توهت البعد.. في درب المحبِّين تفجع
صملت اللي سلم لو كان ماله سلامه :)
💫✨🪄👩🏻‍🦯‍➡️-

[نـذّر .. @that7t]

حط لهقوتك في معظم الناس حد و قيد
لا ترجع مع الأوهام في حرب ومشاجر

ضياع العشم ياثر على البال بالتنكيد
مثل ما السهر يأثر سواده على الحاجر

بعضهم حبال الوصل تمدي معه وتزيد
وبعضهم سلام وانت مناك ومواجر

أحدٍ جيّته لك عيد و أحدٍ مراحه عيد
ما بين الغلا والكره ومقيم ومهاجر ..
✨🪄👩🏻‍🦯‍➡️-

[نـذّر .. @that7t]

أذكرك و أنت لا يمكن تمر وتـفوت
يرتسم فقدك في وجهي وأنا كابته

لا يفيد الكلام ولا يفيد السـكوت
« الليالي تمر .. و وحشتك ثابته »

[نـذّر .. @that7t]

ترى بيني وبين اللي مضى بالذاكره ميلاف
وإلين الحين ياخذني شعورٍ من أغانينا
ㅤ
عرفت إن القدر فرصه سعيده والحياه أعراف
لو إن الشوق من كثر البعاد المُرّ يصلينا
👩🏻‍🦯‍➡️💫✨🪄-

[نـذّر .. @that7t]

لـو تحطــه الأقدار مـا بين نار و غـار
ماهوب متردِّي كان ماهوب متطيِّب

[نـذّر .. @that7t]

تدور الليالي والزمن والحياة تدور
على محور الأرض وحسب مركز القوة

تحت حكمة اللي عرشه الشامخ المعمور
تعلى على الماء والبشر تجهل علوه

نعيش الحياة بطيب نيه وصدق شعور
ونحفظ مقام الكفو ونقدر الخوه

اذا خربت الدعوى مع عيال تسع شهور
ماكلٍّ نجي له بالسوالف على جوه

مانعرف نداهن ونتسلق ونلعب دور
على حاجةٍ في نفس يعقوب مرجوّه

واذا الوقت عاند وانحنى حنية الباكور
نقول استرح ياوقت واللي تبي سّوه ..

واذا احلامنا كبرت وعيت تشوف النُور
صبرنا وصبر الآدمي عزم ومروه

طلعنا من بطون الحراير عيال صقور
لنا بـالسما سطوة وبـالهده جروه

رفيق السعد والله ما لحقك ردى وقصور
وأنا وجهي أبيض والزمن وجهه مشوّه

لا تاخذ كلام الواشي الناقص المعثور
ردي العلوم اللي لا مذهب ولا حموه

ترى الوقت لابده يبين لك المستور
وترى الكفو مهما غاب يبقى على كفوه

بصدري كلام ما يحوّل مع الحنجور
لكن كيف بشرح لك عن الوضع وأنوّه

وأنا ما عرفت الضعف لو خاطري مكسور
أجاهد ظـروف الوقت بالعزم والقوه ..
🪄👩🏻‍🦯‍➡️💫✨📸-

[نـذّر .. @that7t]

مافيه إجابه شافيه من بعد : ليه
يقوله اللي كل ماستاجع . . جحد

فيه اسئله تحتاج ..للعذر الوجيه
وفيه اسئله تحتاج للواحد الاحد

ما عاد ابي واجد من اللي كنت ابيه
كفّنت " رغباتي واهلها " في اللحد

حتى اللي الايام " بتوقف عليه "
اثبت لي انها ماتوقف لاجل احد .

[نـذّر .. @that7t]

انا مغادر ونتلاقى على خير
و ان كان ما به خير فوداعة الله

يا ليتها زلَّه و غلطه و تقصير
كان الغلا ثابت و باقي محلَّه

لكنها من فوق حدّ المعاذير
و انا عزيز ما ارضى بالمذلّه ..
👩🏻‍🦯‍➡️💫✨🪄-

[نـذّر .. @that7t]

على صدر الغريب اللي سكت قد له ثلاث أعوام
سلام الصالحين وشرهة الغالي على غاليه

عليك من العتب طرق ما هو يكتب بروس أقلام
وهاجوس قديم الى أمسو العالم سرا ساريه

يمرك كل ما هب الهوا الغربي مرور أكرام
إلى نسنس بزين وجمع أوراق الشجر ذاريه

لكن لا عيت ظروفك علـيك وحدتك الايام
لا تشكي لي وانا وياك تحت الله وبين ايديه ..
💫✨🪄-

[نـذّر .. @that7t]

حتى طيوفك صار فيها قطاعه
دايم تمرُّ مثل الغريب وتعدّى
ساعة فراقك تشبه ألفين ساعه
والحزن من بين المحاني تبدى
يا ليت قلبي ما شكى من ضياعه
من يوم حظي في فراقك تردى
يا صاحبي والصدّ مرّ جراعه
سيف الهجر في وسط صدري تمدّى
واللي يحبّك يبي له شجاعه
حتى بوصلك صرت فيني تحدّى
أنت الملك والقلب طاحت قلاعه
واليوم جندك للهوى ما تصدّى
كنت الوفا واليوم بعت البضاعه
وأنا شريت الضيق يوم استبدّى
ما عاد في قلبي لغدرك مناعه
حتى حفوقي من جروحك تندّى
أثر الغلا لا طاح صعب ارتفاعه
مثل العمر لا راح قفى وعدى
عفت الهوى وعفت الوفا والقناعه
دامك لغيري بالوصل مستعدّى
وفر كلامك ما تفيد الشفاعه
باب الرجا في وجه وصلك تسدّى
بطوي سجل الحب واطوي شراعه
وارحل وانا شامخ وراسي تحدى

[نـذّر .. @that7t]

قالت من أنت ؟ وقلت مجموعة إنسان
من كل ضد وضد تلقين فيني

فيني نهار وليل وافراح واحزان
اضحك ودمعي حايرٍ وسط عيني

وفيني بداية وقت ونهاية ازمان
اشتاق باكر واعطي امسي حنيني

واسقي قلوب النّاس عشقٍ وظميان
واهدي حيارَى الدّرب واحتار ويني
👩🏻‍🦯‍➡️✨🪄-

[نـذّر .. @that7t]

اللي ماهو غالي مايشمله عتابي , ايييه أنا عتابي محسوب :
عتاب الغلا بارق نزيه ودهن اشناب
يراها لبيب .. صروف الايام هذّبته

أنا كيف أعامل من تغير بدون أسباب
ليا صار ما جيته بـ علمي و عاتبته

أعاتب رفيقي لين يوصل عتبة الباب
و إذا دلّ دربه ما تعلقت برقبته .

[نـذّر .. @that7t]

ودي اصبر غير مالي مقدريه
دمعة العين الحزينه ماتمالـي

ذاالسنه ماعاد فيها مجامليـه
وانكشاف السد ماهوب الهوالي

ارتكبت الذنب في النفس البريه
لوبغيت اعتاقها مازيد جالي

ذي حياة اهل القلوب العاطفيه
تصفق الدنيا بهم في كل جالي

عادني راجيه في عيد الضحيه
يوم فات العيد الأول ما صفا لي

عايشٍ عيشة وزا ماهي هنيه
عيشةٍ بين الحقيقه والخيالي ..

[نـذّر .. @that7t]

تماديت بغلاه ومن تمادى بالغلا
خ س ر ا ن

[نـذّر .. @that7t]

البارحة ضقت وأثر البارحة غبرة
مدري بكى حلم ولاّ ضاعت أخباري

هي اتدبّر أو اقفت مابها دِبرة
ليت الليالي تقدّر غربة الساري

مدري من اللّي من الثاني نفذ صبره
لا يازمن من هو البايع من الشاري

لا الوجه وجهك ولا النبرة هي النبرة
مدري ولكن طرا لك يازمن طاري👩🏻‍🦯‍➡️

[نـذّر .. @that7t]

يازين ، للعاشقين سلوم
وغاديك تحكم بالانصافي

هو ينعذل لا شكى مظلوم
أو يشكي السقم متعافي

ماشفت جرحٍ عليه هدوم ؟
هذا أنا ، البيّن الخافي ..

[نـذّر .. @that7t]

الحنين اللي لعب فـيكم و فينا
صرت اواجه نوبته بـالابتسامه

مانسينا فـالليال و لا سلينـا
و كل ليل اذبح لطاريها كرامه

[نـذّر .. @that7t]

اللـي دفناهـم بـدون قبـور
اكثر من الموتى بتسع اعشار