مُلهِم

الحساب الرسمي للشاعر والمنتج مُلهِم…
للتواصل مع ادارة الاعمال (0503118713)

[مُلهِم @themolhim]

كل عام و وطنا الغالي بخير 💚🇸🇦

[مُلهِم @themolhim]

الوطن يستحق أن تُكتب له القصائد من القلب، وتُصاغ له الألحان التي تلامس الوجدان وتخلّد مشاعر الفخر والانتماء 🇸🇦🎼

بصفتي شاعرًا وملحنًا، ساساهم في صناعة أعمال وطنية تحمل هوية سعودية أصيلة، وتجمع بين جزالة الكلمة وعذوبة اللحن

لتكون أعمالًا تليق بوطنٍ عظيم وقيادةٍ ملهمة وشعبٍ يستحق الفخر.

[مُلهِم @themolhim]

اللهم احفظ بلدنا من كل شر 🇸🇦💚

[مُلهِم @themolhim]

اشتقت لك ياذا العيون الشقية
اشتقت للضحكة وسهر الليالي
في غيبتك جتني مصايب ردية
ابكي على فرقاك والدمع غالي
ماينوصف حزني بنغمة شجية
شوقي خذاه الصمت والدرب خالي

مُلهِم✍🏼

[مُلهِم @themolhim]

هي ثواني او دقايق او سنين..
حايرٍ ادعي عسى جرحي يهون

[مُلهِم @themolhim]

اكتبي لي كل حروفك بالهوى..
في عيوني نسمتك تشفي الانين

[مُلهِم @themolhim]

@m_algharir صح لسانك شاعرنا الكبير

[مُلهِم @themolhim]

عسى هالعيد في فرحة تساوي لمة الاحباب
بدار الحب ما ننسى مكارم عيدنا الميمون
بدت ذكرى ليالينا تناشد بسمة الاصحاب
بعيدٍ بهجته تجمع اماني قلبنا المفتون
عسى هاليوم يضوينا كما تبرق سما الاطياب
وشمس الحب ماتخفت تنور حبنا الممنون
ونلقى عيدنا يملك سعادة تسحر الاقراب
ببيت الورد في ارضٍ تلاقي فرحها مضمون

مُلهِم ✍🏼

[مُلهِم @themolhim]

اعتبرني غيمةٍ تمطر على مبسم شفاك
لا نصاها الغيم من ندرة حلاك
اعتبرني قلبك الثاني ونبضه مانساك
يدك اليمنى اذا صحت وشكيت

مُلهِم✍🏼

[مُلهِم @themolhim]

طال الزمن يا صاحبي وش علامك
تبعد وقلبك سارحٍ مايبالي
زادت همومي من قساوة سهامك
تطعن ببعدك كل غرامٍ ببالي
ليت الهوى يكسر مجافى صيامك
تذكر حنين الحب وشوق الليالي

مُلهِم✍🏼

[مُلهِم @themolhim]

يامساء الخير يا نجمة غلاي
ياحبيبي ياغرامي والحنين
ياعسى هالليل يسحر كل مساك
ياخذ اشواقك ويمليها دفى
بالليالي ننبهر من هالقمر
نسعد بلقيا نجومك والبدر
يامساء الحب يا اصل الحنان
ياسنيني يا وجودي بالحياه

مُلهِم✍🏼

[مُلهِم @themolhim]

انت الوطن في دنيتي ..
بيت الهنى دار الحنين
انت الاصل في بسمتي..
اضحك وتسقيني السنين
من بحر حبك لهفتي..
يامن لقى كنزي الثمين
خذ منه ماسة فرحتي..
واشفي جروحي والانين
تمسح يدينك دمعتي..
والقلب نبضاته تزين
انت الملك في قصتي..
تاج الوفى حامي العرين

مُلهِم✍🏼

[مُلهِم @themolhim]

هل ودك الليلة نداري هالحنين
نطري هوانا ياهوى يحيي العمر
من عقب شوفك عمري الباقي يزين
يكمل زماني من حلا نور القمر
ياليت صوتك يسكن المهجة سنين
يهدي البال و دموعي تنهمر
اليوم تملك ثمرة الحب الثمين
تامر على شوقي وكل لهفة تمر

مُلهِم✍🏼

[مُلهِم @themolhim]

على طاري المطر اكتب قصيدة تحمل التذكار
حنينٍ اغتنى من ذكرياتٍ وسطها المحبوب
ويجذبني شعورك لين اسهى واترك الاشعار
توثق كل لحظة عشتها من حبنا المكتوب

مُلهِم✍🏼

[مُلهِم @themolhim]

نادوا حبيبي نوره الليله بعيد
ظلم زماني من غيابه وانتظر
اصل المجرة يمتلك اغلى قصيد
يملي كواكب دنيتي غيم ومطر

مُلهِم✍🏼

[مُلهِم @themolhim]

انتي الخيال اللي سكن ارض الوطن…
مثل السحاب اللي سقى روح البدن…
انتي النجوم اللي تباهت بالعلن…
انك تضيئين الليالي المظلمه

مُلهِم✍🏼

[مُلهِم @themolhim]

السلام عليكم ورحمة الله وبركاته..

كل عام وانتم بخير وعساكم من عواده..

بمناسبة العيد حاب اقدم لكم هذا العمل الفني
من كلماتي والحان وغناء الفنان يوسف المال

Music Video 2026 (DEMO) | يوسف المال - مكارم عيدنا https://t.co/kjBSZ1WdNS via @YouTube

[مُلهِم @themolhim]

شوف النجوم البارزة استلهمت
من نور عينه كل نجمه في السماء
تضوي بنوره والكواكب لاحظت
نجمة غلاته احتوت كل الفضاء
وغارت الدنيا من انواره وبكت
تسأل عيونه عن سبايب هالغلا
الله عطاه الزين في عينٍ خذت
عقلي وقلبي امنوا في هالهوى

مُلهِم ✍🏼

[مُلهِم @themolhim]

إنتظروني قريبا في عملين جديدين من كلماتي..

بصوت الفنان المتألق: @fahadalamri999
وألحان المبدع: @F_ALMOfficial

وباقي خطوة ونكشفه لكم.

#قريبا

[مُلهِم @themolhim]

انتي القمر والعين تسرح معاك
زاد الوله لا شفت رمشك يرف
من ناظر عيونك دمع من حلاك
ومن دمع لاجلك بدا يعترف
انك وطن حبه وعمره فداك
شوفي القصايد والرسايل تزف
اغلى حكاية عشتها من غلاك
تسرد قصص قلبٍ ملاه الشغف

مُلهِم✍🏼