راشد الثنوان

شاعر مرحله

[سعود بن مبارك @Saud_almshly_]

نسايم الليل للعشاق ساعي بريد
معها من احبابهم حبة خشم واعتذار

ياليت ذيك الصروح اللي غلاها تليد
يصنع لها شي يحميها من الانهيار

اول دروب الغلا ترحيب ومصافح ايد
واخر دروب الغلا دمعة رجل وانكسار

والعشرة اللي يكون الحب فيها زهيد
اخِير منها الفراق بـ عزّ نفس ووقار

يا ملهمتني وانا ما اخترت اقول القصيد
الفوضوي في حياته يكره الاختيار

أنفاسك تمرني مع كل صبحٍ جديد
ريحة خزامىٍ منابتها بطون الزبار

انا شقي قبل اعرفك وامنياتي جليد
اصفّها فالظلام وتنصهر فالنهار

طفولتي شي قاسي آه ما ابغى استعيد
شريط ذكرى احلبْ الناقة وردّ الحوار

كانوا يقولون لي كابر وخلك شديد
صدّقتهم لين عاش احساسي مستعار

مستقبلي ضاع ما عينت شورٍ سديد
محتاج لي شخص ينظر لي بعين اعتبار

لين انكف الليل وأشرقتي عليّ من بعيد
يا طلّتك حسستني قيمة الانتظار

جردت نفسي من الماضي وجيتك وحيد
لمست فيك الوفاء والصدق والانتصار

قلت احضنيني بموت بنظرتينك شهيد
قلت لي الموت بسهوم العيون انتحار

لقيت فيك القساوة من قصايد لبيد
ولقيت فيك العذوبه من قصايد نزار

عشت أجمل سْنين عمري في رحابك سعيد
واثنينا مخلصين ولا نعرف البوار

إلى هنا وأنتهينا ، ليش ارددّ واعيد
العمر محدود وسنين السعادة أقصار

انتي عنيدة وطحتي في غرام العنيد
اللي ليا من بغاله طرقةٍ ما استشار

جيتي مثل ضحكة الاطفال في يوم عيد
ورحتي مثل دمعة الفرقا بصالة مطار

[راشد الثنوان @thnwan_]

خلك جمل مايلين ان حان دحم الجمال
ولا تلتفت للرخوم وزيف اقاويلها

لاشان وجه الزمان وصار فيه اختلال
مال الامور الكبار الا رجاجيلها

ــــــــــــ

في حفل الغالي
مطلق عايد مطلق الحريجي

كلماتي
اداء : جزاع المري
https://t.co/0SRHhffm2p

[راشد الثنوان @thnwan_]

ياجميله ليال الشوق كيف اختصرها
معْك يستانس الخافق وترتاح روحي

مثل مايغسل القاع الهشيمه مطرها
ضحكتك تغسل احزاني وتبري جروحي !

راشد الثنوان

[مشاري محمد @dih2i]

بين درب الرحيل وخطوة المستريح
دمعةٍ كنت أحايلها ولا أحتلتها

تعتذر عن وقوف وتعتذر عن مطيح
وأعتذر للحياة اللي تخيّلتها.

[حشان بن مصلح @HSHAN85]

خذيت من القصيد اللي كفى واعجابك المقياس
انافس به هوامير البلد واشغل به الساحه

إهداء الى الشيخ حمدان بن محمد ال مكتوم
@HamdanMohammed

[علي حامد @ali_h3meed]

ان ضعت فـ عيونها ولا بلغت الشفوف
اضيع ما بين مبسمها و سلسالها

[ناصر مناحي @Nmnaa7y]

عتيق الترف

[عبدالمجيد نشاد @Bn_nashad]

" صدفة حياتي "

ريانة العود لو عدتي يعود الامان
روحي تبي ظل رمشك عن وهج صيفها

لوكان قلبك مثل ما القد الاهيف ليان
ماتمحل رياض وصلك من بعد ريفها

[مشاري محمد @dih2i]

الشعر مايشيل اللي تشيل المحاني

[صالح الهويملي @sale7hrbi]

لي من الذاكرة عذر ٍقديم وسبب :

[عايض العاطفي @atfy_a]

طوّل غيابك ليش ياحلم الحياه
وانا اتحرى رجعتك صيف وشتاء

مثل الفقير اللي يحس ان الغناه
بتجيه صدفه ، بس مايدري متى

[راشد الثنوان @thnwan_]

لاعاد تطري عنا الفقد وجروح الرحيل
جفّت عناقيد صدري من نويت السفر

ماعاد عندي على فرقاك صبرٍ جميل
عطاني النوم يوم اقفيت واحد صفر 😁

راشد الثنوان

[مبارك بن وافي @bn_wafi]

ياخذني الشوق لـ سنينٍ طواها الغياب
راحت وللحين في صدري مراتيعها

ما ضعت قبل المفارق والجفى والعذاب
من عقبها هذي اول ضيعه اضيعها

اطرد وراها وانا ادري طاردٍ لي سراب
وازهم عليها وانا ادري صار توديعها

اعيش في ديرتي واحمل شعور اغتراب
حتى الذعاذيع ما عادت ذعاذيعها

من اول الحزن من بيني وبينه حجاب
واليوم مليت ضحكاتي بـ تصنيعها

اصد صدّة يتيمٍ من عنا الفقد ذاب
لا جابوا علوم الاحباب ومواضيعها

ما شفتها بالعذارى ناقشات الخضاب
ما فيهم اللي شقى روحي بتلويعها

عندي لها عهد يبقى لين يوم الحساب
وغلاتها سر .. لو اموت ما اذيعها

[مبارك بن وافي @bn_wafi]

الرمش هذا رمش ولا حد سيف
عقبه حياتي ما عرفت اجيدها

القلب في وجهك يا بو وجهٍ لطيف
لو كان ودي في حشاي تعيدها

كان المحبه مالها عندك وصيف
فج الضلوع وفكني من قيدها

بصّد عنها صدّة الحر المعيف
ما ياكل الا صيدةٍ يصيدها

ترى المذله دورها عند الضعيف
وانا شجاعٍ ما اعرف تجسيدها

[راشد الثنوان @thnwan_]

ريانة العود لاطلّت يموت العتاب
فيها القصايد من الادهاش متحيّره

بكره تجيني من اللهفه وطول الغياب
ياجعل بعد الجفا ماهيب متغيّره !

راشد الثنوان

[مبارك بن وافي @bn_wafi]

لعبّ بي غزالٍ قام يلعب بمجدوله
على ذكر جدانه وصيتٍ لهم ذايع

لقيته مثل شمسٍ على الليل مرسوله
وبشراقها نورٍ على صدري اللايع

جعل عمري الباقي فدا زوله وطوله
من عيونه النجلا ليا خصره الجايع

جعل ما يجي يومٍ اجي ماني بحوله
حياةٍ ما تجمعني معه جهدها ضايع

[راشد الثنوان @thnwan_]

القصايد ماتزيد الرجْل .. ريّح بالك
الكفو يظهر بوقفاته وطيب فْعوله

اعرفك مهما تضبّط غترتك وعقالك
والله ان الشعر لاحولك ولا انت بحوله !

راشد الثنوان

[راشد الثنوان @thnwan_]

@1Soud هكذا الابداااع

[سعود مهدي @1Soud]

وش هالتواصيف؟ وش هالذوق؟ وش هالجمال؟
كن السماء كاسيّه عودك من لْباسها

فتّانة العنق ما يزهاك غير الدلال
مثل ما يزهى قلادة عنقك ألماسها

عيونك المُعتقل وأنا رهن الاعتقال
وايديك تملك سعادة نفس واِتعاسها

يا شوق روحي لروحي عند كل ارتحال
وحديث نفسي لنفسي بين جلّاسها

[ناصر بن بطيان @4naseir]

الى مال ظل عصير .. زادت همومي ميل
تقول الهموم لـ .. وسعه الصدر مرتكية !

لاضاق الفضا .. ما عاد لي قوه ولا حيل
ماغير انفر .. من اهل التجمّاع والتكية !

لو الذكريات .. تورّد الادمي للويل ،،
انا مشتكاي لـ من له الخلق مشتكية !

ظروفً تحد ،، و وقتً امحق وغدرا ليل
تخلي الضمير الحي ،، ماينسمع حكية !

لاشان الكلام اللي يجي فيه قال وقيل ؟
ياصدق الكلام اللي نقوله بعد بكية !