قبيل أتوفى جد الشهيد "هزاع" وتم الدفن الساعة 3 عصراً
حالياً الناس في بيتهم تم طردهم من قبل الأجهزة أمنية "تلاتة تاتشرات" وقالوا ليهم بالنص:"ما دايرين لينا صيوان ولا عزاء"
نقلاً عن شاهد عيان من بيت العزاء
ربنا يصبرك يا أمنا أحلام، ولدك وأبوك رحلوا ولسه الظلم ما زال
#تسقط_بس
التهمة مصاحف وشهادات تقديرية🙄
تم رفض الضمانة لمعتقلي مجموعة اقمار الضواحي اللذين تم إعتقالهم بالأمس وهم يحاولون تكريم أمهات الشهداء .
وستتم محاكمتهم يوم الأحد بمحكمة طوارئ بحري .
وبحوزتهم المعروضات وهي عبارة عن مصاحف وبعض الشهادات التقديرية.
نقلا عن ناشطين
#مدن_السودان_تنتفض
عن مقاطعة منتجات شركة سين
كلنا يعلم تماماً أن هناك مشقة في إنفاذ سياسة المقاطعة الاقتصادية خصوصاً إذا ارتبطت بضرورات أساسية، ولكننا نعلم أن مشقتنا أكبر كلما تكاسلنا في تنفيذها أو تجاهلناها واستصغرنا جدواها.
#موكب23مارس#مدن_السودان_تنتفض
عاوزين مليونية تزلزل ارض الخرطوم..
لابديل للشعب غير الخروج بأعداد مهوله حتي يسقط هذا النظام ، مافي حاجه صعبه ي جماعه ، الناس تمرق من كل حدب وصوب .
المليونيه ..ترهقهم
المليونيه ..تزعجهم
المليونيه ..ترعبهم
المليونيه .. تردعهم
كل ما الناس كترت م حيقدرو يتعاملو معاهم وح يتشتتو .
زغرودة شنو؟ انتي يا سانة بترجعي البنبان تاني شنو، الزغرودة كنتة البداية للرصة والهتاف وباقي الغلش قيادة جماعية.
من أسي نشوف لجنة الحي جهزت شنو والناقص شنو، ندق باب جارنا ونسلم ونقول ليو بكرة عيد وكل سنة وانت طيب، جارتنا فاطمة نبارك ليها عيد الأم ونقول ليها بكرة عيدنا في الشارع.
بكرة الموكب والله صحي
ياسانات
راسطات السودان داك
بكرة موكبنا يا درف
عزة جد واقفين جب
بكرة الحنك النضيف، متاريسك جبال، كمامتك في وشك خلك في يدك، الساعة وحدة يا سانة زغرودتك فوق وتبقي مارقة، المانات ديل بكونو وراك.
#موكب21مارس#مدن_السودان_تنتفض
لجنة المعلمين السودانيين
بيان مهم |
المعلمين والمعلمات بولاية الخرطوم
تحية النضال لرد الاعتبار واسترداد الحقوق
تخاطبكم لجنة المعلمين والبلاد تمر بفترة مهمة
تحتاج لوقوف كل القوى الوطنية وقفة قوية لبناء دولة المواطنة وحكم القانون.
#موكب18مارس#مدن_السودان_تنتفض
تجمع المهنيين السودانيين
تصريح صحفي
سلام ومحبة، راجت شائعة قوية مفادها إطلاق سراح د. محمد ناجي الأصم ورفاقه من معتقلي القضية والمبدأ، وهي بالطبع مجرد شائعة ليست لها أساس من الصحة إنما يراد منها خلق حالة من الزعزعة والتلاعب بتفاعل المد الشعبي.
#موكب17مارس#مدن_السودان_تنتفض
نداء عاجل:
يحاول النظام من خلال استغلاله زيارة الوفد الأمريكي إرسال رسالة للمجتمع الدولي عن سلميته وذلك بغياب أجهزته القمعية عن بعض أماكن التظاهر.
#موكب17مارس#مدن_السودان_تنتفض