——

" سـجين الخيـالات "
I am under no obligation to make sense to you

[—— @thya1b]

الغربة ما غيّرت الناس، هي بس أبعدت المسافات وكشفت لي كل شخص على حقيقته. ومن بعدها عرفت إن الصديق مو بكثرة الجلسات والطلعات، الصديق هو اللي مهما بعدت عنه، تظل في باله ويسأل عنك وكأنك ما غبت

[—— @thya1b]

الغربة عرّفتني أشياء كثير، بس أكثر شيء عرّفتني عليه هو معنى الصديق الحقيقي. عرفت مين يسأل عني لأنه فعلًا يهمّه حالي، ومين يتصل بس عشان يسمع صوتي ويطمن علي بدون مصلحة ولا مناسبة. وبنفس الوقت، كشفت لي ناس كنت أحسب صداقتهم حقيقية، واكتشفت إنها كانت مجرد تصنّع وقرب مؤقت

[—— @thya1b]

رائحة المُغادرة الإجبارية / بشعه

[—— @thya1b]

بين الصمت و التخمين و فوضى النفس و الترتيب
أنا اللي ما ظهر منه سوى قطرة من أعماقه

[—— @thya1b]

ما عاد لأعذار الهوى قابلية

[—— @thya1b]

وأتنفس بدون ما أحس إني محاصر. لأني فعلًا أحب الحياة… بس اللي قاعد أعيشه الحين، ما أقدر أسميه حياة مع الآسف

[—— @thya1b]

أنا أحب الحياة، وأحب أعيشها بكل تفاصيلها، مو بس أعدّي أيامها. لكن القمع اللي قاعد أعيشه خلاني أحس إني موجود بس، مو عايش. كل شيء محسوب، كل رغبة لها حدود، وكل خطوة كأنها تحتاج إذن. وأنا ما أبي من الحياة شيء مستحيل، أبي أعيش بالطريقة اللي تشبهني، أختار، أجرب، أغلط وأتعلم ..

[—— @thya1b]

كان قلبي ذاخر لقلبك مكانه بالعلالي
منزلٍ ما فيه غير الله رب القلب فوقه

في ذرا صدرٍ هنيي اللي يمر حماه غالي
جنة الله فوق هذي الأرض موقعها خفوقه

عاش عمره مثل ليلة عمر ما بين الليالي
مختلف كن البحور السبع تجري في عروقه

[—— @thya1b]

الملامح ما تمر العين ليه تمر بالي
والسما صفت رذاذ الغيم ليه أرجي بروقه

أذكرك وأنسى وجوه الناس وان كانوا قبالي
مثل من يذكر حقوق العالم وينسى حقوقه

من يعلم مستريح البال عن شيٍ طرالي
من يدلي شايل الأشواق وين يبيع شوقه

[—— @thya1b]

جيتني مثل الغروب اللي محى هيبة ظلالي
لين ليل كل حلمٍ كنت أباهي في شروقه

يا إجابات الحظوظ اللي تبي كسرة سؤالي
ما بقى عندي سؤالٍ تقطف جروحك عذوقه

شرهتي على ظنوني والعتب على خيالي
كل قلبٍ يمشي دروبه على كيفه وذوقه

[—— @thya1b]

أبضحك بوجه الحزن لو ينقل البارود
وبهدم جداره قبل لا يهدم جداري

له سنين يظلمني ويحشد علي حشود
ما يرتاح باله لين ما يسبر أغواري

جحدت الحزن يا لين صار الحزن مجحود
مع ان الحزن في قلبي أقرب من أزراري

[—— @thya1b]

وقفت اتأمل وأذكر الماضي المشهود
بعد ما تعافى القلب من جرحه العاري

تموت الورود اليانعه والحنين يزود
لا مريت مدهاله وخانتني أنظاري

أنا والله اللي لا طرى الطاري المعهود
أردد بعال الصوت يا حي هالطاري

[—— @thya1b]

يا كيف أتخطى والهموم أثقل من الطود
ويا كيف أتحمل غربتي وأنهي أسفاري

مصير الفراق اللي مثل قسوة الجلمود
يجنّب مباني فرحتي سيله الجاري

أبصبر على الفرقا ما دام الصبر محمود
لو يطيح قدر الحب ما طاح مقداري

[—— @thya1b]

رحلت بمراكيب الخيال وقطعت حدود
حدودٍ محدٍ غيري على قطعها ضاري

أسولف عن أفراحي وأنا خاطري مضهود
وأغني مع أحزان الوله وأعزف أوتاري

أنا والسنین الماضيه طارد ومطرود
ونبضات قلبي كنها صوت قيثاري

[—— @thya1b]

و الجرح من كف غالي .. ماتوقعته

[—— @thya1b]

طيب اذا مالي خاطر خذ بخاطر طيبتي
حتى لو فيها كلافة جامل شعوري شوي

لو هو بديني تركتك بس بلاي وعلتي
اني من دونك أموت واني معاك ماني حي

طيب اذا ناوي ترحل خذ بقايا لهفتي
ودي لو تاخذ همومي والجروح اللي بي .

[—— @thya1b]

يبدع الانسان في إنتقاد الاخرين ولكنه اعمى عن سلبياته.