قشعـان.

لا جرها قشعان و الحظ قايم ،يشبع بها طيرن ليا مالقا حام

[قشعـان. @ti5lln]

وتشجعو ا بالحبِ مثل شجاعه

عبدالله سمران يوم قال:

حطوا لي السياف والموت دونكَّ

وأنا عتيبي كـفو جيت كليّ

[قشعـان. @ti5lln]

https://t.co/qL7Hw6izcI

[قشعـان. @ti5lln]

" لا حبك عتيبي تغني يالجفول
وعطيه من زود المحبه والولا

تراه لا من جاك في الحب مهبول
ياخذك بـ القوه من يدين الملا !

سوالفه في البل ، وفي حب الخيول
ولا على أبن حميد .. ولا أبا العلا

ومعاشرٍ لـ أهل المواقف والفعول
ومحشمٍ سمعته .. عن درب البلا

[قشعـان. @ti5lln]

قامت تبجح بالتغطرس والغرور
العين تذبح ، ، ،والرموش مسلله

تهاوي اللي من طويلين الشبور
وتصد دون اللي يصد المرجله

مهرةً عقيده قدم طلاع السبور
تقبل وتقفي ، ،والذراع محجله

تهدى على حلال صعبات الامور
والاوله من ..حظ راع الاوله .

[قشعـان. @ti5lln]

تدلعي بالزين يا عيون الغزال
منتي بحاجة مدرح ولا معلقه

أنتي وصوفك غير ولا من خيال
تغرين قافي كل ما جيت أطرقه

أنتي ملاك ، ، ،الزين يا تاج الجمال
أنتي مثل شمس الصباح المشرقه

لبى الحلا ، ، ، لبى الدلع لبى الدلال
يا زين حرف أسمك ومحلا منطقه.

[قشعـان. @ti5lln]

@_90lls هههههههههههههههههههههههههههههههههههههههههههههههههههههههههههههههههههههههههههههه

[قشعـان. @ti5lln]

ألا ياعيون اللِّي كفخ وانقطع سيره
تلقَّى الخلا وأقفى يرف الجناحيني

عديم الوصايف مع هل البر والديره
أنا قبل أشوفه شوف والله معافيني

ألا واهني اللِّي تلمّه به الجيره
فراقه يموّتني ولاماه تحييني

[قشعـان. @ti5lln]

هيه يلي غرك الحسن واطغاك الجمال
والله ان اموت ماشفت لوصافك شبيه

لو يسام الحسن والتيه بجنيه وريال
مابقى في سوق غيرك ريال ولا جنيه

كيف اهدك للمقادير وانتي راس مال
راس مال ومال والمال مايعطى السفيه

[قشعـان. @ti5lln]

وش تبين من القصيد ياجميلة
وانتي اكمل والقصيد يجيب خله

انتي اصعب وصف واحلى مستحيلة
وانتي اصدق روح وأجمل مسفهله

كيف اوصف عنق واغازل جديلة
والقصيد اصغر من التوصيف كله

اعترف لك ؟ مامعي بالوصف حيلة
غير اقول اللّٰه عليييك في كل طلة جميله.

[قشعـان. @ti5lln]

على جيدك تلبّي لك قلاده لولها حجاج
هنا كان الشعر موضع سجوده موضع قلاده

يا شبه الماء وأرق من الندى وألين من الديباج
تدلّلتي على من هام فيك وحبّك زياده

لجل ضحكة عيونك جاتك بيوت القصيد أفواج
قصيدٍ يذهل أنصار الأدب ويثير نقّاده

[قشعـان. @ti5lln]

من لمح وجهك قباله مشى يضرب صدر
يحسبونه. شيعيٍ .كان يلطم .للحسين

انتي ازين.. وجه .وازين غلا وازين. قدر
وانتي اشباهك لحالك كفيتي .الاربعين

ضعت عند المنحنى لين جيت المنحدر
الطريق. اللي يودي .على. لاماك .وين

لا خدر شاهي كلامك ورمشك .لا خدر
ودي .اقرا سورة .الناس عند .الشفّتين

[قشعـان. @ti5lln]

اه من قلب عيوف ، ، ،تعلق في عيوف
لين صده بالهوى عن طريقه واحرفه

العيوف اللي عيوني لغيره ما تشوف
جادل مطغيه ، ، عقله وزينه وشرفه

العيوف اللي وداده يلوف القلب لوف
لوف صلفات ، الهبايب لغصن بشرفه

في محل بيّن ، ، للزوابع والشعوف
كل ماهب الهوى قام يومي بطرفه

[قشعـان. @ti5lln]

من قو ما خصره مع البطن ضامر
لو ما يسولف قلت هذا مهو حي

والردف كنه ما يعرف الاوامر
يثبت بعد ما يثبت الساق بـ شويّ

« ماجد النصيّف »

[قشعـان. @ti5lln]

ترا السنين الي تروح اغلب لياليها هدو
مغلفه بالكلمة الزينة وبالوجه السعيد

يستاهل الغالي ملامحها رضو ولا قعدو
انا وش الي جابني للحب غير اني عنيد

احارب اكثر من ثغر وواجه اكثر من عدو
وارجع بعدها للغلا الواحد وللثغر الوحيد

[قشعـان. @ti5lln]

يالبيه يـ إللي من سبب ضحكة محياك
يصير الحزن .. لـ مواجهي مامعه قدره

جمالك مسبب في جمال الجميع ارباك
مع انهم .. مغن الزين لكنك ( الندره )

سواياك فـ الحساد من فضل من سوّاك
مخلي كيانك فوق و اهل الحسد حدره…

[قشعـان. @ti5lln]

يا متفاخرة بجمالك و صوتك الطربان
يا ضايمة . . . الحسّاد و كبود عذالك

تباهي و زيدي دلعك لحد العنفوان
فلي شعرك و تمايلي في وسط دارك

عطاك الله . . .الزين و حمرة الأوجان
ومن همس الشفايف تعلن استسلامك

الشاهد انك كامله ولا فيك نقصان
قابلك ربي و مزينك و مطيب فالك

[قشعـان. @ti5lln]

عذب الشفايا معسل الريق ماذيق
نجل العيون معذب القلب بالشوق

نور الصبايا،، شوف رسمه تشافيق
متعب  لعوب وظايم الضد برفوق

يبهج شبابه ، ، ، ، عثرته للعشاشيق
يضحك وأنا قلبي من الصد محروق

لا  يا ذهب ، ، ، ومخبّىٍ بالصناديق
لا له ثمن يشرى ولا هوب مسروق

[قشعـان. @ti5lln]

ياشيخة الغيد يا ام الغطرسه والعبي
سبحان من من فضلك عن لابسات العبي

من غيرك إللي على عقلي وقلبي يمون
كنك من اعماق صدري سابيتني سبي

انتي جمالك بكون وخلق ربي بكون
تبختري ياجميله .. والعبي العبي

عيونك السود .. لو بكحل ولا بدون
اجمل بواجد من عيون الصقر والظبي.

[قشعـان. @ti5lln]

لعنبوا من .لامني فيك.. يا زين .الطبوع
الفخامه ..كلها ..فيك ..والملح ..الكثير

لا كشختي ثم عرضتي على كل الجموع
اندهش من رزتك صفوة الجمع الغفير

النحر .مزموم والبطن كن حاديه. جوع
والردايف .نابيه تحرجك وقت .المسير

والجدايل ضافيه لين من تحت الضلوع
والعيون السود تذبح كما السيف الشطير

[قشعـان. @ti5lln]

اليا حصل من بنات الريح شرواها
ما عاد ابي غيرها . . . .لو انها قبله

ريميةٍ هازها . . التفّاق واخطاها
وعقب التذيّار لاذت في شنق عبله

اسمى من الغيمة الغـرّا ومنشاها
واطهر من الرايح اللي صادق وبله

اتعبني الشوق تالي الوقت وابكاها
يا جعل يسقى قبل لا تلبس الدبله

—فارس الحشار

[قشعـان. @ti5lln]

انتي اختصرتي بالجمال المزايين
حتى كسبتي من طرفهن عداوه

يالورده اللي بين خضر البساتين
وتومي بك الهبه ليان وطراوه

مرت لك الدنيا على ماتحبين
واعطتك من فوق الملامح صفاوه

ياما اختلط ملحك على وجهك الزين
وزدتي على كثر الحلاوه … حلاوه "