لا تتصل ماني على الصوت شفقان
مرواح جدي جعلك أثلى همومي
ياما فقدنا من حبايب..وخلان
بدري على الفرقا ترخي عزومي
أبشرك طيب ورايق وطربان
شفني بعد فرقاك زانت علومي
من باعنا بعناه ب اطفاس الأثمان
يانفس صدي عن هواهم وشومي
ينتابني شي ما يعلم به إلا الله
يجعلني اصد وجهي واجلس لحالي
من ضيقة الصدر اخاف تخونني زله
وتجرح لها واحد في خاطري غالي
عرش الهوى الي تولى فيه واحتله
لا طاح منه وش الي عاد يبقى لي
بتعم في صدري الفوضى وتحتله
واعيش في حزني وفي خيبة امالي
تصبر على بلواك واصبر على بلواي
أنا لو ما اكتم عبرتي من يناحيني؟
أشوف الخلل والحزن بين على ممشاي
واصدد واجامل لين بان الخلل فيني
اقضي نهاري ب المشاوير رايح جاي
لكن البلا غيبة الشمس ياتيني